Истражување: Вакцините од „Фајзер“ и „Модерна“ даваат најдобри резултати како трети дози

И Македонија анализира дали помеѓу заразените има некој што „го фатил“ омикрон, најновиот сој на вирусот кој го вклучи црвениот аларм низ светот поради бројот на потврдени реинфекции. 

Вакцините од производителите „Фајзер“ и „Модерна“ даваат најдобри резултати како дополнителни, засилувачки дози, покажало истражување во Велика Британија во кое се тестирани седум различни вакцини. Светот се брани од новиот сој омикрон , а кај нас за среќа , засега не е детектиран , но во тек е секвенционирање.

Земените примероци се истражуваат во лабораториите на Институтот за јавно здравје, потврдуваат за Канал 5 од Министерството за здравство, но не се знае кога ќе има резултати. Ваквата анализа што се нарекува секвенционирање може да трае и по неколку недели зависно од бројот на земени примероци и реони кои се испитуваат, а исти испитувања се прават и во МАНУ.

Додека се чека одговор на прашањето дали „омикрон“ стигна и кај нас, од Институтот за имунологија велат дека спас од било која варијанта може да се бара само во вакцините, иако сегашните се помалку ефикасни.

Додека „омикрон“ тропа на врата и земјите од регионот ги активираа лаборатории за да утврдат дали новиот сој е присутен и на нивна територија. Првиот случај на „омикрон“ во нашето соседство веќе е потврден во Грција, а засега е детектиран во 30 земји низ светот.

Поради страв од новиот сој освен европските земји, карантин за нејзини граѓани што пристигнуваат од Јужна Африка воведе Албанија, а на јужноафриканците им забрани влез. Србија исто така посегна по мерки, па за странците што доаѓаат од ризични земји наложи задолжителен ПЦР тест.

Македонија засега не стравува, па здравствените власти кажаа оти вакви мерки не би дале ефект, па затоа и не ги воведуваат.

Семејството Бајден волонтираше во Филаделфија по повод Денот на Мартин Лутер Кинг

Американскиот претседател Џо Бајден заедно со сопругата Џил синоќа беа во Филаделфија и работеа неколку часови како волонтери во организација за донации на храна, по повод празникот Мартин Лутер Кинг, кој денеска се одбележува во САД.

Патувањето беше во позадина на повиците на претседателот Конгресот да го усвои законот за избирачки права и да се одобрат дејства за борба со растечкиот екстремизам.

Посетата на Бајден во Филаделфија се случи неколку часови откако Федералното биро за истраги изврши акција во синагога во Коливил, Тексас, и ослободи тројца заложници по десетчасовна конфронтација. Уште еден заложник беше ослободен претходно.

Во врска со ова Бајден вети дека „ќе се спротивстави на антисемитизмот и растот на екстремизмот" во САД.

Претходно, во соопштение од Белата куќа претседателот предупреди од самодоволност во однос на заштита на малцинските права и посочи за важноста од продолжување на работата на Кинг. Според него, тоа треба да биде изразено со усвојуваање закон за избирачки права и одбивање на идеите за предност на белата раса и другите форми на екстремизам.

– Треба да ги заштитуваме со труд од него постигнатите успеси и да ја продолжиме неговата незавршена работа. Затоа, Конгресот треба да го усвои федералниот закон за заштита на правото на глас – право кое е загрозено од злотворна комбинација на поттиснување на избирачите и поткопување на изборите. Ние треба да се спротивставиме на камшикот на расизмот и предноста на белата раса, дамки на нашата земја – и да не даваме Америка да стане прибежиште на омразата, се вели во изјавата.

Се додадва дека Владата треба ја брани како политичката така и економската еднаквост.

Стејт департмент: Русија злонамерно го користи православието

Американскиот Стејт департмент ја обвини Русија дека злонамерно го користи православниот идентитет за да ги унапреди своите геополитички интереси.

Портпарол на Стејт департментот рече дека „Русија е вклучена во тајни и отворени злонамерни обиди да го инструментализира православниот идентитет за да ги задоволи сопствените геополитички интереси, со поддршка на одредени православни цркви и други лидери, притоа поткопувајќи ги другите религии".

Тој исто така ја истакна важноста што САД ја придаваат на промоцијата и заштитата на верските слободи, додавајќи дека „заштитата на слободата на религијата или верувањето, вклучително и слободата на верските малцинства, останува клучен елемент на надворешната политика на САД".

„Луѓето треба да бидат слободни да донесуваат одлуки за тоа како ги изразуваат своите религиозни убедувања, без надворешно мешање, вклучително и од странски влади", рече портпаролот на Стејт департментот.

Високите бројки на заразени ги затвори границите на Бугарија кон Македонија

Бугарија од среда ги затвора границите за македонските државјани.

Причина за ваквата одлука на соседот се високите бројки на новозаразени од почетокот на јануари.

Македонија влегува во црвената зоана на држави. Влез ќе им биде дозволен само за македонските државјани кои имаат бугарски пасош или престој во Бугарија.

Одлуката ќе трае до 31 март. Но одлуката ќе се ревидира на секои 14 дена во зависност од дневно заразените. Според извештајот на Институтот за јавно здравје од почтокот на јануари 2022 година за само 16 дена бројот на активни случаи се зголемил за 11 илјади нови случаи. Ако на 31 декември 2021 година бројот на активни случаи беше пет илјади случаи.

притисни ентер