Истражување: Вакцинирањето против грип помага и против короната - Канал 5

Здравје

Истражување: Вакцинирањето против грип помага и против короната

Луѓето кои биле вакцинирани против грип имаат помала веројатност да бидат заразени со вирусот корона и имаат помала веројатност да имаат компликации, покажува студија на научници од Универзитетот во Мичиген.

Истражување: Вакцинирањето против грип помага и против короната

Лекарите ги анализирале податоците на 27.201 граѓани на Мичиген, кои биле испитани за kovid-19 пред 15 јули, а од тој број, 12.997 лица биле претходно вакцинирани против грип, пренесува Дојче веле.

Научниците од Универзитетот во Мичиген, предводени од Ана Колон, анализирале релативно голем број граѓани: 27.201 лица кои биле следени за влијанието на пандемијата. До 15 јуни 2020 година, нешто помалку од половина од нив - 12.997 биле вакцинирани против грип.

Резултатот од нивната студија, објавена од Американскиот журнал за контрола на инфекции, гласи: 4,0% од вакцинираните против грип се заразиле со корона вирус - во споредба со 4,9% во групата невакцинирани.

Научниците откриле и дека оние кои биле вакцинирани против грип, имале помалку компликации со короната, помалку морале да одат во болница и помал број да бидат на респиратор. Статистички, нивниот престој во болница бил нешто пократок.

Во однос на смртноста, било тешко да се утврди каква било разлика, бидејќи примерокот бил исклучително мал: во апсолутен број, станува збор за 696 случаи на корона инфекција кај невакцинирани од грип и 520 случаи на инфекција меѓу инаку вакцинирани.

Всушност, одамна е познато дека вакцинацијата во принцип го зајакнува имунитетниот систем: пред многу години се објавени студии кои покажуваат дека децата кои се вакцинирани против сипаници долго време покажале поголема отпорност на целиот спектар на патогени, отколку децата кои не биле вакцинирани .

Така, може да се најде микробиолошко објаснување дека оваа научена отпорност од вакцина, исто така, делува до одреден степен против типичниот протеин на коронавирус.

Но, постојат и други елементи што отежнуваат да се даде точен одговор: луѓето кои редовно се штитат од грип, обично се многу повнимателни за своето здравје, многу од нив затоа што спаѓаат во ризични групи - како постарите лица или луѓе кои страдале од сериозни болести.

Од друга страна, важно е да се знае дека вакцинираните луѓе поминале полесно низ короната - и токму кај постарите лица текот на инфекцијата со корона е обично потежок.

Искуството од Холандија исто така сведочи дека ова има врска со целокупниот имунитет. Вработени во локалните болници кои пред зимата 2019/2020 година биле вакцинирани против грип - поретко биле заразени со корона отколку оние кои не биле вакцинирани. И, се разбира, нема постари лица меѓу таа популација и повеќето имале контакт со заразена корона.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Во сообраќајка во Скопје во Радишани загина возач на мотоцикл

Во сообраќајна несреќа на улица Радишанска загина возач на мотоцикл.

Во сообраќајка во Скопје во Радишани загина возач на мотоцикл

-Денеска (07.08.2026) во 12:12 часот во СВР Скопје е пријавено дека на ул. „Радишанска“ во Скопје се случила сообраќајна несреќа помеѓу патничко возило „алфа ромео“ со италијански регистарски ознаки, управувано од С.Б. (46) и мотоцикл без регистарски ознаки, управуван од Н.М. (19) од скопско, при што возачот на мотоциклот починал на местото на настанот. Во тек е увид, информираат од МВР.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Видео: 40.000 навивачи на Трабзонспор го пречекаа Салах

40.000 навивачи го пречекаа Салах во неговиот нов клуб .

Видео: 40.000 навивачи на Трабзонспор го пречекаа Салах

Египетскиот фудбалер Мохамед Салах (34) официјално е претставен како нов играч на турскиот клуб Трабзонспор.

Досегашниот член на Ливерпул, беше пречекан на стадионот „Папара Парк“ од повеќе од 40.000 навивачи , кои му приредија спектакуларен пречек.

Салах потпиша двегодишен договор со турскиот клуб, кој му гарантира плата од 17 милиони евра по сезона. Покрај фиксната плата, договорот вклучува и бонуси врз основа на учинокот, како и 20 проценти од приходите од продажбата на клупски производи со неговото име.

Салах излезе на теренот носејќи бордо-син дрес со бројот 10. Тој ја поздрави публиката, која возврати со гласно навивање. На екраните низ стадионот беа прикажани пораки за добредојде на турски и на англиски јазик.

Египетскиот напаѓач им се обрати на присутните, истакнувајќи дека му се приклучил на клубот со цел да освојува трофеи. Неговото доаѓање се смета за еден од најзначајните трансфери во историјата на турската Суперлига и ги нагласува високите амбиции на Трабзонспор да се натпреварува во самиот врв на турскиот фудбал.

За Трабзонспор Трабзонспор се смета за четвртиот најголем турски клуб, покрај истанбулските гиганти Фенербахче, Галатасарај и Бешикташ.

YouTube video

Тагови: Мохамед Салах

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ЛДП: Потпишувањето на договорите за третата фаза од железничкиот Коридор 8 е важен чекор во поврзувањето со Европа

Либерално-демократската партија (ЛДП) го поздравува потпишувањето на договорите со Европската Унија, Европската инвестициска банка и Европската банка за обнова и развој за финансирање на третата фаза од железничкиот Коридор 8.

ЛДП: Потпишувањето на договорите за третата фаза од железничкиот Коридор 8 е важен чекор во поврзувањето со Европа

Ова е важен чекор за подобра регионална поврзаност, економски развој и поблиска интеграција на Македонија во европската транспортна мрежа.

Истовремено, потсетуваме дека државата веќе изгуби околу 60 милиони евра европски грант за овој проект поради неисполнување на роковите и слабата реализација на проектот. Таквите пропусти не смеат никогаш повеќе да се повторат.

ЛДП со години укажува дека инфраструктурните проекти што ја поврзуваат Македонија со Европа се национален интерес кој треба да има поддршка без разлика која политичка гарнитура е на власт

Затоа, за ЛДП ваквите проекти не смеат да бидат предмет на дневнополитички пресметки.

Очекуваме по потпишувањето на договорите да следува навремена, ефикасна и транспарентна реализација на проектот, затоа што на Македонија ѝ се потребни резултати, а не само свечени потпишувања.

ЛДП ќе продолжи да поддржува секој проект што ја доближува Македонија до Европската Унија, ја подобрува регионалната поврзаност и создава услови за економски развој.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер