Истражување: Секој трет млад маж во Германија смета дека насилство против жени е „прифатливо“ - Канал 5

Истражување: Секој трет млад маж во Германија смета дека насилство против жени е „прифатливо“

Третина од младите мажи во Германија сметаат дека е прифатливо да се користи насилство врз жените, покажуваат резултатите од новото истражување кое предизвика бес кај активистите за родова еднаквост, пренесува Си-Ен-Ен.

Истражување: Секој трет млад маж во Германија смета дека насилство против жени е „прифатливо“

Студијата е нарачана од детската добротворна организација „План Интернешнл Германија“. Наодите беа објавени во регионалниот весник Вестдојче Алгемајне цајтунг (Westdeutsche Allgemeine Zeitung). Според анкетата, 34 отсто од мажите во возрасна група 18-35 години признале дека во минатото пројавиле насилство над својата партнерка, додека 33 проценти рекле дека мислат дека е прифатливо ако повремено „без да сакаат замавнат“ кога се расправаат со партнерката.

Анализирајќи ги ставовите за обвинување на жртвата и двојните стандарди, студијата покажа дека 50 проценти од мажите не би сакале врска со жена која има многу сексуални партнери, а 20 отсто од интервјуираните жени се согласуваат со овој став. Студијата, исто така, покажа дека очекувањата на мажите и жените во врската значително се разликуваат.

Нешто повеќе од половина од мажите - 52 проценти - сакаат врска „глава на семејство-домаќинка“, каде што тие заработуваат најголем дел од парите за домаќинството, а грижата за децата и домашните работи главно се за жената.

Над две третини од интервјуираните жени не се согласуваат, сакајќи еднакви партнерства и заедничко одлучување.

Нешто помалку од половина од анкетираните - 48 отсто - изразија негодување за јавно прикажување на хомосексуалноста, велејќи дека се чувствуваат „вознемирени“ од тоа.

Германската група наречена Федерална организација за еднаквост на Твитер објави дека наодите се „шокантни“.

„Според истражувањето на Plan International Germany, секој трет млад Германец смета дека насилството врз жените е „прифатливо“. Ова итно треба да се промени!“

Карстен Каснер од Федералниот форум мажи, организација која се залага за родова еднаквост, исто така повика на промени, велејќи: „Фактот што една третина од анкетираните мажи го минимизираат физичкото насилство врз жените е сигнал за проблем“.

Според податоците на германската Федерална криминалистичка полиција во 2021 година, 115.000 жени во Германија биле жртви на насилство од интимен партнер. Германија има една од највисоките стапки на убиства на жени во Европа, проблем што се влоши за време на пандемијата на коронавирусот, според податоците на криминалистичката полиција, пренесе Си-Ен-Ен.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Началникот на Генералштабот на Армијата на состанок на началниците на генералштабовите на земјите членки на Иницијативата за соработка во одбраната – DECI

Началникот на Генералштабот на Армијата, генерал-мајор Сашко Лафчиски, утре во Тирана, Република Албанија, ќе учествува на редовниот годишен состанок на началниците на генералштабовите на земјите членки на Иницијативата за соработка во одбраната

Началникот на Генералштабот на Армијата на состанок на началниците на генералштабовите на земјите членки на Иницијативата за соработка во одбраната – DECI

Началникот на Генералштабот на Армијата на состанок на началниците на генералштабовите на земјите членки на Иницијативата за соработка во одбраната – DECI (Defence Cooperation Initiative)

Началникот на Генералштабот на Армијата, генерал-мајор Сашко Лафчиски, утре во Тирана, Република Албанија, ќе учествува на редовниот годишен состанок на началниците на генералштабовите на земјите членки на Иницијативата за соработка во одбраната – DECI (Defence Cooperation Initiative).

На состанокот ќе присуствуваат и високи воени претставници на НАТО и ЕУ, меѓу кои заменик-командантот на Здружената команда на НАТО во Неапол, командантот на мултинационалните копнени сили, командантот на КФОР и командантот на ЕУФОР.

Во фокусот на дискусиите ќе бидат актуелните безбедносни предизвици во регионот, воената соработка во рамките на DECI и НАТО, како и можностите за продлабочување на одбранбената соработка и заедничките обуки.

За време на работните сесии, генералот Лафчиски ќе има свои излагања во кои ќе ја потврди посветеноста на нашата држава кон колективната безбедност и улогата на Армијата во рамките на оваа иницијатива, како сигурен партнер во зачувувањето на мирот и стабилноста на Балканот.

На крајот од конференцијата ќе се утврди динамиката за следните заеднички проекти, а началниците на генералштабовите ќе потпишат заедничка изјава за соработка.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Вечерва на сцената на Македонската филхармонија два оркестра, два града

 „Профундис“ од Скопје и „Камерата“ од Нови Сад вечерва за првпат заедно на сцената на Македонската филхармонија, под диригентската палка на маестра Ѓурѓица Дашиќ

Вечерва на сцената на Македонската филхармонија два оркестра, два града

СКОПЈЕ, 19.11.2026: Вечерва, во 20:00 часот, во Големата сала на Македонската филхармонија, Камерниот оркестар „Профундис“ од Скопје и оркестарот „Камерата“ од Нови Сад ќе настапат како еден голем музички состав, под диригентската палка на маестра Ѓурѓица Дашиќ.

Музичарите од двата града ја споделуваат сцената во изведба во која оркестарот е вистинскиот главен актер. Наместо два ансамбли што настапуваат еден покрај друг, публиката ќе слушне една музичка целина, изградена од искуствата, изведувачките сензибилитети и уметничката енергија на двата оркестри.

„За мене, посебната вредност на овој концерт е во тоа што на сцената нема да имаме два оркестри кои само настапуваат еден покрај друг, туку два ансамбли кои преку заедничката работа создаваат една музичка целина. Соработката со Камерата ни овозможува да го прошириме музичкиот простор, да ја почувствуваме силата на поголемиот ансамбл и да создадеме изведба во која оркестарот е вистинскиот главен актер. Верувам дека публиката ќе ја препознае енергијата, посветеноста и музичката комуникација што стојат зад овој проект“, вели маестра Ѓурѓица Дашиќ, основач и диригент на „Профундис“.

Вечерната програма обединува четири дела од различни епохи и стилови. Публиката ќе ја доживее возвишената и полифонична звучност на „Фантазија на тема од Томас Талис“ од Ралф Вон Вилијамс, ритмичката динамика и современиот израз на „Последен круг“ од Освалдо Голијов и „Свита за гудачки оркестар“ од македонскиот композитор Стојан Стојков, а вечерта ќе ја заокружи темпераментната и виртуозна „Свита Кармен“ од Жорж Бизе, во оркестарска обработка на Родион Шчедрин.

Од суптилноста на музичките линии до ритмичката енергија и драматичните контрасти, секое дело носи поинаков предизвик и ја покажува ширината на изразните можности на заедничкиот ансамбл.

Со ваквите проекти, „Профундис“ продолжува да ја развива својата уметничка мисија, да воспоставува меѓународни соработки и да ја збогатува концертната сцена со внимателно осмислени музички продукции.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

ЕК предлага нов заем за Украина од 45 милијарди евра

Претседателката на Европската комисија, Урсула Фон Дер Лајен, предложи нов заем од 45 милијарди евра за Украина за 2027 година, обезбеден преку заедничко задолжување на ЕУ со гаранција од европскиот буџет.

ЕК предлага нов заем за Украина од 45 милијарди евра

Од пакетот, 25 милијарди евра би биле наменети за воени потреби, а 20 милијарди за буџетска поддршка. Средствата треба да покријат приближно две третини од очекуваниот финансиски недостиг на Киев од 70 милијарди евра следната година.

Според предлогот, Украина би го враќала заемот откако Русија ќе плати воени репарации. За одобрување е потребна едногласна поддршка од сите 27 членки, а противењето на Унгарија, Словачка, Чешка и Бугарија може да го забави договорот пред европскиот самит следната недела.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер