Истражување: Секој трет Британец штеди на основни потреби - Канал 5

Живот

Истражување: Секој трет Британец штеди на основни потреби

 Ново истражување покажа дека 66 отсто од Британците се загрижени за својата финансиска состојба во наредните месеци, додека 31 отсто изјавиле дека ги намалуваат трошоците за храна и греење со цел да „врзат крај со крај“, пренесе „Скај њуз.

Истражување: Секој трет Британец штеди на основни потреби

Според истражувањето спроведено од организациите ТСБ и Лајтнинг рич („Lightning Reach“), 38 отсто од испитаниците навеле дека нивната финансиска состојба се влошила во споредба со минатата година. Податоците укажуваат на значителен притисок врз домаќинствата, кои сè почесто се соочуваат со зголемени трошоци за живот. Околу 25 отсто од граѓаните признале дека користеле заштеди за покривање на секојдневните трошоци, додека 16 отсто изјавиле дека позајмиле пари од семејството или пријатели за да ги покријат основните потреби.

Истражувањето исто така покажало дека 51 отсто од испитаниците во моментот се наоѓале во долгови, а од нив 42 отсто навеле дека нивниот долг се зголемува. Ова се случува во период кога геополитичките тензии на Блискиот Исток придонесуваат за раст на цените и зголемување на каматните стапки на хипотекарните кредити.

Според основачот на Лајтнинг рич, Рен Џи Хуи, постојат повеќе форми на финансиска поддршка за која граѓаните не се добро информирани.

Портпарол на британското Министерство за енергетска безбедност и нето-нула емисии соопшти дека решавањето на кризата со пристапноста е приоритет на Владата, додавајќи дека сметките за енергија се намалени во април благодарение на буџетските мерки. Според него единствениот начин за долгорочна заштита од ценовни шокови е намалување на зависноста од пазарот на фосилни горива и преминување кон поодржливи извори на енергија.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

43 санкционирани возачи на мотоцикли и лесни електрични возила во акциска контрола во скопски Чаир

 Од нив 19 санкции за возачи кои управуваат мотоцикл без заштитна кацига.

43 санкционирани возачи на мотоцикли и лесни електрични возила во акциска контрола во скопски Чаир

Вчера (21.08.2026) во периодот од 14:00 до 20:00 часот, Мобилната единица за безбедност на сообраќајот на патиштата при Секторот за сообраќајни работи спроведе акциска контрола во сообраќајот на подрачјето на општина Чаир во Скопје за санкционирање на возачи на мопеди, мотоцикли, четирицикли и лесни електрични возила кои не ги почитуваат сообраќајните правила и прописи.

При контролата изречени се вкупно 43 мерки за сторени сообраќајни прекршоци. Од нив 19 санкции за возачи кои управуваат мотоцикл без заштитна кацига, три мерки за несоодветна категорија, 19 санкции за прекршоци сторени од возачи на лесни електрични возила и две останати мерки кон други учесници во сообраќајот.

За сите прекршители на сообраќајните правила изготвени се соодветни поднесоци.

Сообраќајните контроли продолжуваат и во наредниот период. Апелираме до сите учесници во сообраќајот доследно да ги почитуваат сообраќајните правила и прописи. Само со одговорно однесување можеме заеднички да придонесеме за побезбедни патишта.

Тагови: мвр

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Белорусија: Амбасадата во Финска ќе биде затворена

Белорусија објави дека ќе ја затвори својата амбасада во Финска од 1 септември, соопшти вчера финското Министерство за надворешни работи.

Белорусија: Амбасадата во Финска ќе биде затворена

Одлуката за затворање на амбасадата, која беше отворена во Финска во 2011 година, ја донесе Советот на министри на Белорусија и ја потпиша премиерот на земјата Александар Турчин, објави финскиот весник „Хелсингин Саномат“.

Последниот белоруски амбасадор во Финска беше Алексеј Самосуев, кој ја извршуваше функцијата од 2018 до 2024 година, а по него не беше назначен нов амбасадор.

Финска нема амбасада во Белорусија, но Министерството за надворешни работи на земјата има канцеларија за врски во Минск, која ќе продолжи да работи.

Извор: Б92

Тагови: белорусија Финска

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Продолжува пинг-понгот меѓу Анкара и Тел Авив

Анкара вчера го осуди обидот на израелскиот премиер Бенјамин Нетанјаху, како што рече, да „ја претстави Турција како нова закана“.

Продолжува пинг-понгот меѓу Анкара и Тел Авив

Во соопштението од кабинетот на турскиот претседател Реџеп Таип Ердоган, објавено на платформата X, се вели дека Турција ги осудува „ситните политички тактики“ на Нетанјаху.

Кабинетот на Нетанјаху го нарече Ердоган „антисемитски диктатор“ во соопштение откако Турција издаде меѓународна потерница по него поради пресретнување на активистичка флотила што се упатуваше кон Појасот Газа.

Израел бомбардираше воздухопловна база во северозападна Сирија оваа недела, тврдејќи дека Турција го проширува своето воено присуство во областа, тврдење што Анкара го негираше.

Тагови: Анкара Тел Авив

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер