Истражување: Објавувањето на интернет ноќе е потенцијално поврзано со лошото ментално здравје - Канал 5

Живот

Истражување: Објавувањето на интернет ноќе е потенцијално поврзано со лошото ментално здравје

Луѓето кои објавуваат на социјалните мрежи ноќе, имаат поголема веројатност да се соочат со лоша ментална состојба, покажува ново истражување. 

Истражување: Објавувањето на интернет ноќе е потенцијално поврзано со лошото ментално здравје

Со други зборови, кај „ноќните (онлајн) птици“ има поголема опасност да пројават симптоми на депресија и анксиозност, според истражувачите.

Повеќето научни трудови за менталната благосостојба и социјалните мрежи, се наведува, се сосредоточуваат на фреквенцијата на користење на интернет. Научниците од британскиот Универзитет во Бристол овојпат сакале да проценат дали времето игра улога. За таа цел, на платформата „Икс“, околу 310 луѓе се избрани, земајќи го предвид времето на нивните објави и кога одговарале на прашалници за нивната благосостојба. Истражувачите испитале 18.288 објави.

- Иако социјалните медиуми често се третираат како монолит, нивното влијание врз менталното здравје ќе зависи од вкупното однесување што го извршува корисникот и искуствата што тој/таа ги има на овие платформи. Нашиот труд ја истакнува потенцијалната штета од едно многу специфично однесување - објавување содржина во текот на ноќта. Истражување како нашето би можело да помогне во информирањето на интервенциите или законодавството што има за цел да го спречи штетното користење на социјалните режи, а воедно да овозможи и корисни однесувања или искуства, изјави Даниел Џонсон, докторски истражувач на Универзитетот во Бристол и главен автор на трудот.

Испитувањата откриле дека луѓето кои, во просек, објавувале ноќе - од 23 до 5 часот наутро, се чини, имаат „значително полоша ментална благосостојба“ од оние кои објавувале преку ден.

Објавувањето и испраќањето пораки навечер, исто така, може да доведат до „возбуда на умот“, а сината светлина од паметните телефони може „да го инхибира производството на хормонот мелатонин“, се нагласува.

„Сите овие фактори, комбинирани, можат да го одложат почетокот на спиењето и да доведат до полош квалитет и квантитет на сон. Од друга страна, подобрените резултати поврзани со спиењето се поврзани со подобро ментално здравје“, се вели во написот во списанието „Сајентифик репортс“ (Scientific Reports).

Авторите сметаат оти објавувњето преку ноќ објаснува речиси 2 насто од варијациите во менталната благосостојба. Тие, исто така, пронашле врска меѓу активноста преку ноќта со депресијата и анксиозноста, но тие не биле толку силни. Се истакнува и како ноќното користење на социјалните мрежи „може да го помести сонот“, додека луѓето се будни.

Тагови: интернет

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

115 лица евакуирани од патнички брод со кој беше изгубен контактот

Вкупно 115 лица се евакуирани од индонезиски патнички брод со 243 патници и членови на екипажот.

115 лица евакуирани од патнички брод со кој беше изгубен контактот

Вкупно 115 лица се евакуирани од индонезиски патнички брод со 243 патници и членови на екипажот – кој утрово исчезна откако беше изгубен контактот со него во Јаванското Море поради лошите временски услови – при што едно лице загина, а друго е повредено, изјави Дани Рахмат, портпарол на пристанишниот оператор „Пелиндо“.

Претходно, државната агенција за потрага и спасување на индонезија соопшти дека бродот Virgo Transport 8, испловил во саботата од градот Сурабаја во Источна Јава кон Банџармасин во Јужен Калимантан, потоа бил изгубен контактот, што ги поттикнало спасувачите да започнат потрага и да испратат тим на последната позната локација на бродот.

Тагови: брод

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Кушнер: Украина не сака да ѝ отстапи територија на Русија

Територијалното прашање останува да се реши пред да може да се постигне договор за крај на војната меѓу Русија и Украина, но Киев не е подготвен на отстапки, изјави Џаред Кушнер, специјален пратеник на американскиот претседател и негов зет.

Кушнер: Украина не сака да ѝ отстапи територија на Русија

Тој додаде дека американската страна изминатите девет месеци работела на други елементи од мировниот договор, вклучувајќи безбедносни гаранции и механизми за спречување на повторно разгорување на непријателствата.

Кушнер истакна дека за време на преговорите во Москва, рускиот претседател Владимир Путин ги изнел своите територијални барања. „Ако Украина се согласеше да се повлече до таа линија, веќе ќе го имавме подготвено остатокот од договорот. Но, засега, украина не е подготвена да го стори тоа“, рече пратеникот на Трамп.

Тагови: Кушнер

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Девет лица загинаа во руски напади во Украина, десетици се ранети

Бројот на цивилните жртви во Украина нагло се зголеми во последните два месеца.

Девет лица загинаа во руски напади во Украина, десетици се ранети

Најмалку девет лица загинаа, а десетици се ранети во серијата жестоки руски воздушни напади врз неколку украински области, во кои се оштетени станбени згради и критична инфраструктура, додека украинскиот претседател Володимир Зеленски соопшти дека Русија загрижувачки ја пренесува војната кон економијата со истрелување на речиси 500 дронови од раните утрински часови.

Бројот на цивилните жртви во Украина нагло се зголеми во последните два месеца поради засилените руски напади врз електроцентралите и другата инфраструктура. Од своја страна, украина изведува напади врз енергетски објекти и магацини во оддалечените области на Русија, а двете страни напаѓаат и бродски пловни објекти.

„Москва ја пренесува војната од фронтот, каде што не постигнува успех, кон економијата, уништувајќи објекти што му помагаат на населението да се справи со воените услови. Русија сака да ја уништи украинската економија и да го скрши нашиот отпор“, изјави Зеленски на Телеграм.

Тагови: украина

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер