Здравје

Истражување: Населението е во голема опасност поради недостаток од Д витамин

Загрижувачки се податоците за недостиг од витаминот Д што директно влијае на развојот на тешки болести и заболувања.

Според истржувањата, 70 проценти од населението, на глобално ниво, а и кај нас, има недостиг од овој значаен витамин и хормон, а во голема опасност се трудниците, здравствените работници, децата и жените во поодмината возраст.

Според Афродита Танеска, лабораториски аналитичар, специјалист по биохемиски анализи при Здравствениот дом во Прилеп која направила и свои истражувања, веќе втора деценија живееме во „пандемија“ од недостиг на Д витаминот.

– Најфрапантно е што трудниците, дури 76 проценти, имаат недостаток од Д витамин што се рефлектира врз плодот и подоцна во развојот на децата со појава на тешки автоимуни заболувања, дијабети, па дури шизофрении. Кај децата од девет до единаесет години дури 48 отсто е дефицитот на витамин Д. Податоците се страшни и за, нас, здравствените работници, односно околу 32 проценти од здравствените работници го имаат тој недостиг, вели Танеска.

Според истражувањата на Танеска, процентот е повисок кај жените, особено со староста и при остеопороза. Таа подготви труд, испитувајќи ги состојбите кај жени од 40 до 80 годишна возраст констатирајќи дека зимното време, старосната граница и патологијата на болестите директно влијаат на недостатокот.

Ова се случува подолго време, а најизразено беше во пандемијата поради затворениот простор. Меѓу главните причини се технологијата, но и неинформираноста.

– Со короната живеевме во затворени простори, постојано сме пред екраните. Рестрикциите со короната го зголемија ризикот, не излегувавме, не го користевме сонцето. Посебен факт е зимскиот период. И секако, недостаток на информираност за тоа што нѝ се случува и што треба да преземеме. За да се преземе нешто во лето е лесно. Повеќе надвор, на сонце. До 30-тина минути на сонце, го достигнуваме нивото на потребата од витамин Д. А во зимскиот период, неопходни се побогата храна со Д витамин и суплементи. Суплементите да не се земаат на своја рака, туку со препорака од лекар. Неопходно е да се земаат и К-2 и магнезиум, смета Танеска.

Што се однесува до КОВИД-пандемијата, таа проблемот го исфрли на површината, иако сѐ уште „се кршат копјата“ за корелацијата од недостигот на Д витаминот и компликациите во заразата.

-Има многу истражувања. Некои го потврдуваат тоа дека исходот на ковидот зависи од Д витаминот, но други сѐ уште држат до тоа дека Д витаминот е само имуномодулатор и дека делува само на вирусите и на бактериите и нема точни истражувања. Но, има низа истражувања кои ја докажуваат поврзаноста. На пример, во болница во Шпанија при истражувања на огромен број пациенти, се докажало дека до 80 насто, и тоа кај машката популација, заболеле од корана и имаат полоша прогноза отколку кај жените, со високи Д димери поради недостигот од Д витамин, појаснува Танеска.

Додава дека во едно истражување во земјава од наш фармацевт е докажано оти короната ги напаѓа клетките во белите дробови, а при недостаток на Д витамин доаѓа до недостаток на сурфактант, супстанца која ги отвора алвеолите и има размена на гасовите.

-При корона вирусот, заболените имаат проблеми со дишењето и при недостатокот на супстанцата сурфактант, алвеолите се издижуват и личи на дување во издишан балон, објаснува лабараторискиот аналитичар при прилепскот Здравствен дом, Афродита Танеска.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Ескалира конфликтот меѓу Иран и САД – убиени двајца американски војници

Двајца американски војници загинаа, еден се води како исчезнат, а повеќемина беа повредени во ирански напад врз воена база во Јордан...

Како резултат на нападот, американската војска соопшти дека веднаш возвратила со нов бран воздушни напади врз ирански позиции, при што биле погодени крајбрежни системи за набљудување, противвоздушна одбрана, складишта за ракети и дронови и капацитети на иранската револуционерна гарда.

Американскиот претседател Доналд Трамп изјави дека загинувањето на војниците во Јордан е трагедија, но нагласи дека воената мисија поврзана со Иран останува од клучно значење за САД. Со последните жртви, бројот на загинати американски војници од почетокот на војната се зголеми на 16, додека повеќе од 420 се повредени.

Македонија

Димитриевски од Тетово: Големите се плашат од голем ЗНАМ, затоа што политиката на нови луѓе станува реалност

„ЗНАМ влезе во власта со јасна цел, да биде реформатор, но и коректор кога е потребно.

„ЗНАМ влезе во власта со јасна цел, да биде реформатор, но и коректор кога е потребно. Нашата одговорност е да работиме за државните и националните интереси, а секогаш кога ќе сметаме дека некои процеси не се движат во вистинска насока, гласно ќе ги браниме принципите на кои стоиме“ порача претседателот на Движењето ЗНАМ за Наша Македонија, Максим Димитриевски, на панел-дискусијата во рамки на караванот под мотото „Европска ЗНАМ, Европска иднина, Европска Македонија“, која се одржа во Тетово.

Во своето обраќање Димитриевски нагласи дека ЗНАМ на политичката сцена влезе со јасна определба да биде носител на промени и да придонесе кон создавање држава со ред, систем и еднакви можности за сите граѓани.

„Не влеговме во политиката за да бидеме продолжена рака на некого, туку за да изградиме политички субјект кој ќе се бори за држава со ред, систем и одговорност. Европска Македонија е Македонија во која граѓаните имаат доверба во институциите, младите гледаат иднина дома, а одлуките се носат според принципи, а не според интереси. ЗНАМ не е проект на еден човек, туку движење на луѓе кои веруваат дека Македонија може и мора да биде подобра држава“ истакна Димитриевски.

Тој порача дека учеството на ЗНАМ во власта е водено од одговорноста да се спроведуваат реформи, но и да се укажува секогаш кога е потребно, со цел заштита на државните интереси и принципите на кои почива движењето.

Во рамките на панел-дискусијата, генералниот секретар на Движењето ЗНАМ и министер за јавна администрација, Горан Минчев, ги претстави реформските процеси во јавната администрација и досегашните активности за изградба на професионални и функционални институции, додека потпретседателот на Движењето ЗНАМ и министер за земјоделство, шумарство и водостопанство, Борче Серафимовски, се осврна на мерките за поддршка на земјоделците, развојот на домашното производство и рамномерниот регионален развој како основа за посилна и поконкурентна македонска економија.

Димитриевски нагласи дека иднината на Македонија зависи од создавање систем во кој квалитетот, интегритетот и посветеноста ќе бидат поважни од партиската припадност.

„На големите не им одговара еден ден да видат голем ЗНАМ, но јас сум убеден дека тој процес ќе се случи. Нашата сила е во луѓето кои веруваат во идејата, во луѓето со интегритет и карактер и во политиката која дава еднаква можност за секој човек. Македонија може да оди напред само ако создадеме систем во кој знаењето, трудот и чесноста ќе бидат поважни од партиската припадност“ порача Димитриевски.

Од Тетово беше испратена порака дека Движењето ЗНАМ останува посветено на својата визија, европска Македонија со силни институции, развиена економија и достоинствени граѓани, држава која напредува преку работа, одговорност и резултати, без откажување од националните интереси и достоинството.

Фудбал

Волшебен момент од Светското првенство: Англичаните ја прекинаа церемонијата на доделување медали и побараа уште еден бронзен медал

Англичаните ја прекинаа церемонијата на доделување медали и побараа уште еден бронзен медал за да му го дадат нему.

Голманот Џејсон Стил го заврши Светското првенство со бронзен медал околу вратот, иако не беше дел од составот на Англија за турнирот.

Неверојатна сцена по натпреварот за третото место на Светското првенство меѓу Англија и Франција. Англија победи со 6:4 (4:0) по еден многу хаотичен натпревар, по што започна доделувањето на бронзените медали. Еден од нив му припадна на фудбалер кој не беше на списокот на селекторот Томас Тухел и кој никогаш претходно не го носел дресот на сениорската репрезентација на Англија. Станува збор за голманот Џејсон Стил, кој иако не беше дел од официјалниот состав од 26 играчи, го помина целиот турнир со тимот; неговите соиграчи ја прекинаа церемонијата за доделување медали за тој да може да се качи на подиумот, а потоа Џордан Хендерсон му го стави медалот околу вратот.

Џејсон Стил има 35 години и е најпознат како долгогодишен голман на Мидлсбро, за кој бранел во периодот од 2007 до 2015 година. Во тоа време, тој бил член на сите младински репрезентации на Англија и настапил на Олимписките игри во 2012 година, а бил испраќан и на позајмици во Нортхемптон и Блекбурн. Бил откупен од Блекбурн, а потоа и од Сандерленд, додека од 2018 година е резервен голман на Брајтон.

Селекторот Томас Тухел го повикал во март 2026 година за пријателските натпревари против Уругвај и Јапонија, а тој на крајот се приклучил како голман за тренинзи за време на турнирот. Постоела и идеја тој да биде дел од составот од 26 играчи како специјалист за пенали, но од таа замисла на крајот се сепак се откажале. Сепак, неговите соиграчи се погрижиле тој – кој бил со тимот во текот на подготовките и на самиот турнир – сепак да го добие својот медал.