Македонија

Истражување на ОБСЕ: Две третини од младите жени и девојки биле или жртва или сведок на родово базирано насилство

Мисијата на ОБСЕ во Скопје денеска презентираше ново истражување за онлајн и офлајн-насилство врз млади жени и девојки во јавниот живот.

Според истражувањето значаен дел од младите жени се чувствуваат небезбедно на јавни места поради нивниот род, со ранливости обликувани од социоекономски фактори, образование и место на живеење. Тоа исто така укажува на ниската стапка на пријавување и потребата за подобрена координација, пристапност и доверба во одговорите на институциите.

- Наодите од истражувањето покажуваат дека младите жени и девојки се свесни каде да се обратат во случаи на потреба за пријава на родово базирано насилство, меѓутоа, сепак, се чуствуваат небезбедни во дигиталните простори и во големите јавни простори. Две третини од сите испитанички сметаат дека биле или жртва или сведок на родово базирано насилство во различни форми. Најчесто застапено е економското насилство, вербалното насилство, психолошкото и физичкото насилство. Тоа што загрижува е дека 34 проценти биле или жртва или сведок на физичко насилство. Во различни јавни простори доминира различна форма, истакна Жанета Попоска, национална офицерка за владеење на правото при Мисијата на ОБСЕ во Скопје.

Како што посочи Попоска, во образовните институции доминира вербалното насилство и психолошкото вознемирување, во јавните простори доминира сексуалното вознемирување. - А тоа што е поразително како факт е дека само пет проценти од жените кои што биле жртва или сведок на родовото базирано насилство го пријавиле истото. Причините за непријавувањето се најчесто страв, стигма, недоверба во институциите во брзиот и навремен одговор на институциите, како и страв од повторување на насилството, вели Попоска.

Во однос на дигиталниот простор и реперкусиите врз младите девојки и жени покажува дека 10 проценти од младите девојки и жени го искусиле како жртва, а 15 проценти дополнително посведочиле.

- Тоа значи дека секоја четврта млада девојка или жена биле жртви на овој тип на насилство. Тоа што дополнително поразително кај оваа форма на насилство е што уште помалку ја пријавуваат. Најчесто се обраќаат на семејства и пријатели за поддршка, емоитивна, психолошка поддршка и помош. Многу помалку на институции, рече Попоска.

Тоа што охрабрува, нагласува таа, полицијата се гледа како институција која што прва треба да реагира во случаите на родово базирано насилство.

Амбасадорот Килиан Вал, шеф на Мисијата на ОБСЕ во Скопје, ја нагласи важноста од претворање на истражувањата во долготрајно влијание.

- Кога настанува насилство, молчењето не е опција. Сите имаме одговорност да реагираме и пријавиме. Пријавите за насилство мора да бидат приоритет, а институциите се обврзани да делуваат со должно внимание, рече Вал.

Министерот за социјална политика, демографија и млади Фатмир Лимани ја истакна важноста на координирана социјална поддршка.

- Мора да изградиме систем кој реагира рано, на хуман и координиран начин, за ниту една жена да не биде сама. Подготвуваме нова Стратегија за превенција и заштита од насилство врз жените и семејно насилство 2026–2033, заедно со Акциски план за 2025–2029. Овие стратешки документи ќе водат кон навремена и ефективна заштита за секоја жена, рече министерот Лимани.

Спроведено во 2025 од страна на друштвото за истражување „Индаго“, истражувањето се заснова на репрезентативен примерок од 600 млади жени и девојки на возраст од 18 до 29 години од сите статистички региони на земјата, надополнето со фокус-групи составени од претставници на граѓанското општество како и експерти. Тоа нуди детален увид во перцепциите за безбедност, шеми на пријавување, институционални одговори и ризици во подем, како дигиталното насилство.

Преку Националната работна група за превенција на насилство помеѓу младите, Мисијата на ОБСЕ во Скопје ќе продолжи да работи со националните засегнати страни за да се интегрираат потврдените препораки во развој на политики и практични мерки, водејќи сметка за долготрајна одржливост и мерливи резултати.

Тагови: ОБСЕ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Јанчев: Завршна фаза од реконструкцијата на улиците Мишо Шкартов и Фуштани.

Изминатиот период се вршеше реконструкција - трета фаза на ул. ,,Мишо Шкартов спој со ул. ,,Фуштани’’, објави на социјалните медиуми првиот човек на Кавадарци, Митко Јанчев.

Во оваа фаза се изгради уште еден потпорен ѕид, се изврши порабување на улицата и за крај целосно се асфалтираше на површина од 1260 метри квадратни.

Култура

Македонскиот КИЦ во Загреб ја заокружи концертната сезона со маестрален концерт на Дуото Бадивуку-Кастратовиќ

Со концерт посветен на 150-годишнината од раѓањето на големиот шпански композитор Мануел де Фаља, македонскиот КИЦ во Загреб свечено ја заокружи својата концертна сезона.

Бројната публика уживаше во извонредната изведба на Дуото Бадивуку-Кастратовиќ, составено од истакнатите македонски уметници Сихана Бадивуку (виолина) и Маја Кастратовиќ (пијано), кои со својата виртуозност, префинета музикалност и исклучителна сценска комуникација приредија концерт за паметење. Нивните интерпретации беа наградени со долг и срдечен аплауз, а публиката во преполната сала со воодушевување ја следеше секоја композиција, создавајќи атмосфера исполнета со емоции и искрена почит кон врвната музичка уметност.

Особено внимание привлече и внимателно осмислената концертна програма. Покрај ремек-делата на Мануел де Фаља и неговите шпански современици, пред загрепската публика беа изведени и композиции од македонскиот композитор Тома Манчев. Со тоа, македонскиот КИЦ во Загреб уште еднаш ја потврди својата заложба, да го промовира и македонското музичко творештво, создавајќи вистински културен дијалог меѓу шпанската, македонската и европската музичка традиција.

Во своето поздравно обраќање директорката на македонскиот КИЦ во Загреб, Мими Ѓоргоска Илиевска истакна дека: „За македонскиот КИЦ во Загреб претставува особена чест и привилегија концертната сезона да ја заокружи со настап на две исклучителни македонски уметници – Сихана Бадивуку и Маја Кастратовиќ. Нивните богати меѓународни кариери, врвниот професионализам и долгогодишната посветеност на музичката уметност се вистински пример за највисоките вредности на македонската култура. Дуото Бадивуку-Кастратовиќ успешно соработува од 1994 година и повеќе од три децении со своите настапи остава силен печат на концертните сцени во регионот и пошироко. Со својата уметничка зрелост, беспрекорната техника и исклучителната музичка синергија, двете уметници потврдуваат зошто се вбројуваат меѓу најреномираните македонски музички амбасадори на меѓународната сцена.“

Вечерта помина во извонредна атмосфера, со навистина импозантно присуство – преполна сала и многубројна публика од професионалци од областа на музиката, истакнати претставници на македонските и хрватските институции и организации во Загреб, бројни Македонци кои живеат, работат или се школуваат во Загреб како и македонскиот Амбасадор во Хрватска, Н.Е. Драган Ѓурчевски, што претставува дополнително признание за значењето на ваквите културни настани

Со оваа инспиративна музичка вечер македонскиот КИЦ во Загреб уште еднаш ја потврди својата улога како значаен промотор на македонската култура во Република Хрватска.

Концертот не само што беше достојно заокружување на успешната концертна сезона, туку и силна потврда дека македонската музичка уметност, претставена од врвни уметници и домашни автори, успешно допира до меѓународната публика, отворајќи нови можности за културен дијалог и продлабочување на пријателските врски меѓу Македонија и Хрватска

Сихана Бадивуку е истакната македонска музичка уметница со богата меѓународна кариера. Своето образование го стекнала на реномираниот Државен конзерваториум за музика „Петар Илич Чајковски“, најнапред во Киев, а потоа и во Москва, каде што дипломирала и магистрирала во класата на професорот Евгениј Чугаев. Во текот на својата богата кариера настапувала во Италија, Шпанија, Турција, Германија, Русија, Финска, Белгија и во многу други земји. Од 1992 година е професорка на Факултетот за уметности во Приштина, а од 2000 година концерт-мајстор на Косовската филхармонија, додека од 2011 година и на Албанската филхармонија.

Маја Кастратовиќ дипломирала на престижниот Московски државен конзерваториум „Петар Илич Чајковски“, а постдипломските студии ги завршила во Скопје. Како концертна пијанистка настапувала со Оркестарот на Македонската филхармонија и реализирала бројни солистички и камерни концерти во земјата и во странство. Од 2001 година живее и работи во Словенија, каде што предава пијано и корепетиција. Добитничка е на бројни признанија и награди, меѓу кои се издвојува Бернекеровата плакета.

Шоу биз

Фото: Сите гледаа во деколтето на Џеј Ло

Светската музичка ѕвезда, атрактивната Џенифер Лопез пристигна во Париз и уште од првиот чекор немаше мир од папараците, а за сè е виновен нејзиниот незаборавен стајлинг.

Латино дивата Џенифер Лопез, откако ги засени сите на свадбата на Тејлор Свифт, се упати кон Париз, каде што дополнително ја „загреа“ атмосферата со провокативна модна комбинација.

За „Градот на светлината“, славната Џеј Ло избра тесен црн фустан со нагласен горен дел што потсетува на корсет, но деколтето беше главната ѕвезда на ова нејзино издание.

Како што се вели во коментарите на социјалните мрежи, никој не успеа да ја погледне славната пејачка во очи, а сите очекуваа да се случи некаков мини-скандал и Џеј Ло да открие повеќе отколку што сакала.

57 yaşındaki Jennifer Lopez, Paris’te katıldığı bir etkinlikte görüntülendi.

Jennifer Lopez, etkinlikteki kıyafetiyle dikkat çekti. pic.twitter.com/Jks9LwQqA2
— Gossip Magazin (@gossipmagazinn) July 7, 2026

Таа ја заокружи модната комбинација со елегантни сандали, додека едноставно ја пушти косата слободно да паѓа и уживаше во сите погледи што ги привлекуваше.

Тагови: Џенифер Лопез