Истражување: Можна поврзаност меѓу цревниот микробиом и појавата на аутизам

Израелски научници открија можна врска меѓу нарушувањата од аутистичниот спектар и составот на цревниот микробиом.

Израелски научници открија можна врска меѓу нарушувањата од аутистичниот спектар и составот на цревниот микробиом, што овозможува да се проучат долгорочните последици на интервенциите врз микробите во раните фази на развој на детето и нивното влијание врз развојот на мозокот.

Аутизмот е развојно нарушување што влијае на комуникацијата, социјалната интеракција, однесувањето и интересите на една личност. Тоа се нарекува нарушувања од „спектрумот“, бидејќи, по правило, различно влијаат на луѓето. Според американските центри за контрола и превенција на болести, повеќе од 75 милиони луѓе ширум светот се на тој „спектрум“.

Научниот труд на тимот научници од Универзитетот „Бар-Илан“ во Израел откри значајни разлики во алфа и бета-различноста кај луѓето со аутизам. Во истражувањето учествувале 96 лица со аутизам и 42 невротипни лица. Дополнително, утврдено е дека одредени видови бактерии се позастапени кај лицата со аутизам.

Посебно се истакнуваат зголемената алфа-различност и поголемото ниво на некои бактерии кај лицата со аутизам. Вообичаено, намалената алфа-различност се поврзува со лошо здравје, но нејзиното неочекувано зголемување влијае и на невролошки нарушувања. Бактериите коишто вообичаено се присутни во дигестивниот тракт на човекот може да предизвикаат негативни здравствени ефекти кога се присутни во прекумерни количини.

Натамошни експерименти на новородени глувци тестирани со бактеријата „Bacteroides fragilis“ открија дисфункција на социјалното однесување, зголемено повторувачко однесување и дисрегулација на генската експресија.

- Нашето испитување покажува дека прекумерното присуство на „Bacteroides fragilis“, особено на рана возраст, може да има функционални последици за лицата со аутизам. Ова фрла нова светлина врз сложениот однос меѓу микробиомот и невро-развојот кај лицата со аутизам, вели проф. д-р Еван Елиот.

Ефектите особено се забележани кај машките глувци, што укажува на можна полова специфична подложност на фактори на животната средина коишто придонесуваат за развој на аутизам. Ова откритие ја нагласува потребата од натамошна истрага за родовите специфични аспекти на спектарот на аутизмот и улогата на микробиолошкиот состав, сметаат истражувачите.

Потребни се дополнителни научни истражувања за да се утврди дали манипулирањето со цревниот микробиом може да биде остварлив пристап во лекувањето аутизам.

Збогум на хидрауликата? Претставени на револуционерни сопирачки

Тоа значително ќе го намали растојанието за сопирање.

Германскиот снабдувач на автоделови „ZF“ дизајнираше нов систем за сопирање кој не бара течност за сопирачките или хидраулика за работа. Наместо тоа, силата на сопирање ја обезбедува електричен мотор директно до тркалото.

Додека чувството на сопирање треба да одговара на хидраулични сопирачки, „ZF“ ветува растојание за сопирање од 100 km/h до 0 km/h е девет метри пократко од конвенционалните сопирачки, пишува „Revijahak“.

Дополнително, опсегот на електрични автомобили треба да се зголеми за 17 проценти поради поефикасна рекуперација.

Добавувачот ветува и помали трошоци за одржување. Пониска е и емисијата на ситни честички.

„ZF“ им овозможува на производителите на возила да го состават својот оптимален систем за сопирање од класични хидраулични до нови електрични системи, во зависност од барањата.

Можни се и хибридни форми со, на пример, хидрауличен систем на предната оска и електричен систем на задната оска.

Компанијата не дава информации за точниот датум на лансирање на пазарот.

Извор: Б92

Египет гради втор камп за раселените Палестинци во градот Кан Јунис во јужна Газа

Египет гради втор камп за раселените Палестинци во градот Кан Јунис во јужниот дел на Појасот Газа во соработка со Црвениот крст во Палестина, објави ТВ Ал-Кахера њуз.

Египетските власти го изградија првиот камп во Кан Јунис минатиот декември и го проширија во јануари. Новиот камп, кој ќе има струја и вода, ќе се состои од 400 шатори со капацитет од 4.000 луѓе.

Следниот чекор е изградба на теренска болница во пограничниот град Рафа и медицински камп во Деир ал Балах во центарот на Газа. Во Рафа ќе бидат формирани и два центри за дистрибуција на помош.

Според Агенцијата на Обединетите нации за палестински бегалци (УНРВА), повеќе од 85 отсто од 2,4 милиони луѓе во енклавата се внатрешно раселени од почетокот на конфликтот на 7 октомври минатата година, кога Хамас и други палестински фракции го нападнаа јужниот дел на Израел, при што загинаа околу 1.200 луѓе. /MИА

Воздухопловната база на НАТО во Кучово ќе биде отворена на 4 март

Воздухопловната база на НАТО во албанскиот град Кучово, која се наоѓа во јужниот дел на земјата, што е прва ваква база во Западен  Балкан, ќе биде инаугурирана на 4. идниот месец.

Подготовките на базата на НАТО во Кучово се при крај и за првпат Министерството за одбрана објави видео и фотографии од неа.

Во видеозаписот, Командантот на албанските воздухопловни сили, бригадниот генерал Фердинанд Димо вели дека се е подготвено базата да профункционира.

- Ние сме на крајот од сите работи за трупите на воздухопловните сили да се обучуваат во оваа база. Но, не само тоа, трупите на НАТО и НАТО авионите можат да се сместат, обучуваат и летаат од воздухопловната база Кучово, која веќе е тактичка воздухопловна база на НАТО, вели тој.

Димо ги наведува и досегашните чекори, од моментот кога беше одлучено во Кучово да се изгради воздухопловна база за НАТО.

- Во 2021 година беше планирано да се спроведат инвестициите за ревитализација на инсталациите на базата Кучово. Сега сме на крајот со реализацијата на три значајни проекти, како што се оградувањето и безбедносниот систем, како и периметарската заштита на базата. Приближно 50 милиони евра се инвестирани од НАТО, а повеќе од 5 милиони евра од албанската влада“, објаснува командантот на воздухопловните сили.

Според него, изградбата на воздухопловната база на НАТО во Кучово ќе придонесе и за економски развој на целиот округ Берат.

На свеченоста на 4 март ќе присуствуваат високи претставници на албанската држава, НАТО и САД.

Инаку, базата е изградена за потребите на албанските воздухопловни сили за време на комунистичкиот режим кој владееше во Албанија помеѓу 1944 и 1991 година и го штитеше воздушниот простор на земјата. Исто така, била домаќин на различни видови руски и кинески авиони.

Последните летови од оваа база биле извршени во 2005 година. /МИА

притисни ентер