Живот

Истражување:„ Менкипинг“- загрижувачки тренд поради кој жените се откажуваат од љубовните врски

Нови истражувања откриваат загрижувачки тренд во љубовните врски, познат како „менкипинг“, поради кој многу жени се откажуваат од излегувања и потрага по партнер.

Терминот го создадоа истражувачите од Универзитетот Стенфорд, психологот Анџелика Ферара и социологот Дилан П. Вергара, и се однесува на „невозвратен труд што жените го вложуваат за да ги задоволат емоционалните и социјалните потреби на своите партнери“. Тоа значи дека жените се грижат за речиси целиот живот на мажите - од организирање на социјален календар, купување подароци и резервирање термини кај стоматолог, до задоволување на нивните физички и емоционални потреби, но нивниот труд ретко се цени или возвраќа.

Истражувачите посочуваат дека појавата е резултат на „епидемија на машка осаменост“, т.е. мажите често немаат пријателства кои им обезбедуваат емоционална поддршка, па целиот притисок го префрлаат врз своите партнерки. Според статистиките, само 38% од слободните жени во САД активно бараат врска, во споредба со 61% од мажите. Во Обединетото Кралство, дури 76% од самците изјавиле дека во последната година не се обиделе да најдат партнер, што укажува на тоа дека многу жени паузираат со љубовниот живот.

Ферара нагласува дека целта на истражувањето била да им се даде „глас и чувство за сила и самодоверба“ на жените околу нивните поплаки, но и покрај тоа реалниот ефект е масовно откажување од љубовните врски.

Тагови: Менкипинг

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Метео

Утре сончево и многу топло

Времето утре ќе биде сончево и многу топло со мала до умерена локална облачност.

Попладне наместа ќе има зголемена облачност и услови за пороен дожд, грмежи, засилен ветер и изолирано невреме со силен ветер и појава на град. Минималната температура ќе биде во интервал од 13 до 21, а максималната ќе достигне од 32 до 40 степени.

Во Скопје, сончево и топло со мала до умерена облачност. Попладне во делови од котлината ќе има услови за краткотраен пороен дожд и појава на грмежи. Ќе дува слаб до умерен ветер од северен правец. Минималната температура ќе се спушти до 20, а максималната ќе достигне до 37 степени.

Во текот на новата седмица дневната температура ќе опадне за неколку степени. Во попладневните часови, особено во понеделник ќе има локална нестабилност со пороен дожд, грмежи и засилен ветер. Наместа ќе има услови за невреме со силен ветер и појава на град.

Тагови: сончево

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Американски суд ја поништи забраната на Трамп за имигрантски визи за 75 земји, вклучително и за македонските граѓани

Забраната за имигрантски визи за граѓани на 75 земји, меѓу кои и Македонија, воведена од администрацијата на претседателот на САД Доналд Трамп, денеска е поништена од федерална судијка како „спротивна на законот“, објави СНН.

Одлуката ја донесе судијката Џенет Варгас од федералниот окружен суд во Менхетен.

Таа оцени дека државниот секретар Марко Рубио ги надминал своите законски овластувања со забраната, донесена со образложение дека ќе го спречи влезот на луѓе кои би користеле социјална помош и јавни бенефиции. Судијката утврди дека американските службеници во пракса биле упатени да ги одбијат барањата за виза од апликантите, дури и од оние кои можеле да се издржуваат сами, единствено врз основа на нивната земја на потекло.

Во јануари, Стејт департментот го суспендираше издавањето имигрантски визи за земји каде што живее речиси 40% од светското население, а меѓу нив од регионот се најдоа и Македонија, Црна Гора, Босна и Херцеговина и Косово.

Тагови: визи

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Италијанскиот пливач Алесио Окипинти победи на Охридскиот маратон

Италијанскиот пливач, Алесио Окипинти, е победник на 39-тиот Охридски пливачки маратон.

Тој патеката „Климе Савин“ од Свети Наум до Охрид во должина од 25 километри денеска ја исплива за 5:03.44 часа.

Најдобар македонски претставиик денеска беше Петар Цеков кој низ целта мина како третопласиран.

На целта на кејот „Македонија“ пливачите ги пречека претседателката Гордана Сиљановска- Давкова која е главен покровител на маратонот.

Наградниот фонд на трката изнесува 15 илјади долари, распределни соодветно за првите тројца во двете категории

Тагови: Охридски пливачки маратон

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.