Истрагата за пожарот во Пулс се очекува да заврши многу скоро,најави Коцевски - Канал 5

Македонија

Истрагата за пожарот во Пулс се очекува да заврши многу скоро,најави Коцевски

За десетина дена треба да заврши истрагата за пожарот во дискотеката Пулс во Кочани, вели државниот обвинител Љупчо Коцевски.

Истрагата за пожарот во Пулс се очекува да заврши многу скоро,најави Коцевски

Предметот е во сензитивна фаза, се прибираат докази и досега се сослушани над 300 сведоци. Иако истрагата се води против 59 осомничени, Коцевски не ја исклучува можноста да се прошири.

-Се надеваме за десетина дена треба да заврши истрагата со тоа што после ќе има увид одбраната и некаде таму во средината на месец јуни се чека јавнообвинителска одлука. И во моментов се распрашуваат, и вчера и денеска одредени сведоци, осомничени, се прибираат докази. Распрашани се значително голем број на сведоци, над 300. Доколку од тие докази произлезе нешто друго, на нови осомничени и нови дејствија, истрагата ќе се прошири без разлика дали сега или понатаму,- изјави – Љупчо Коцевски – Јавен обвинител на РМ.

И додека се очекува обвинение за трагедијата во која на 16 март загинаа 62ца а над 200 беа повредени, опозициската СДСМ во собранието повторно, овој пат во редовна постапка го достави предлог законот за поддршка и рехабилитација на настраданите и очекуваат поддршка од сите партии. Со него се предвидува надомест од 80.000 евра за семејствата на починатите, и да се одреди сума за повредените во зависност од степенот на инвалидитет.

-Сакаме да испратиме јасна порака дека ова не е политички закон туку ова е човечки закон. Ги слушнавме забелешките на парламентарното мнозинство дека треба да има поголема прецизност дека треба подобра проценка на фискалните импликации дека се потребни одредени технички корекции на законското решение и токму во оваа законско решение ги опфативме сите тие забелешки кои што беа досега дадени- изјави – Оливер Спасовски – СДСМ.

Од пратеничката група на ВМРО ДПМНЕ велат дека нема да влегуваат во политизација на трагедијата во Кочани и дека Владата веднаш дала поддршка на сите засегнати.

-Оливер Спасовски да поднесе ваков закон е исто како Зоран Заев да поднесе закон за враќање на името. Или како Венко Филипче да поднесе Закон за одговорност за модуларните клиники. Зошто Венко Филипче како Министер не презема одговорност за овие скандали? Ние нема да водиме политика на овие случаи- изјави – Бојан Стојаноски – ВМРО ДПМНЕ.

Премиерот Христијан Мицкоски пак денеска изјави дека сретнал со најголем дел од родителите на загинатите во пожарот и ќе продолжи да им се помага на семејствата.

YouTube video

Тагови: Јавен обвинител Пожарот во Кочани

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Лишени од слобода 12 возачи поради „безобѕирно управување возило“, деветмина возеле без положен возачки испит

Во текот на изминатото деноноќие, на различни локации во државата, лишени од слобода 12 возачи поради „безобѕирно управување возило“, деветмина возеле без положен возачки испит

Лишени од слобода 12 возачи поради „безобѕирно управување возило“, деветмина возеле без положен возачки испит

Во текот на изминатото деноноќие, на различни локации во државата, полициски службеници лишија од слобода 12 возачи поради сторено кривично дело „безобѕирно управување возило“ по член 297-а од Кривичниот законик.

Од нив, деветмина управувале возило без положен возачки испит и тоа: Д.Д.(26) од Скопје, М.Б.(29) од с.Црн Врв, скопско, М.П.(18) од с.Мршевци, скопско, 15-годишник од с.Студеничани, скопско, Н.Б.(48) од Битола, А.А.(44) од Битола, И.К.(51) од с.Виничани, Општина Градско, 16-годишник од Велес и Љ.М.(61) од с.Стамер, делчевско.

Со активна забрана и под дејство на алкохол управувале Б.Б.(60) од с.Зајас, кичевско и М.М.(37) од Велес. Додека пак, под дејство на алкохол управувал Љ.Џ.(48) од с.Разловци, делчевско. По целосно документирање на случаите, ќе бидат поднесени соодветни кривични пријави.

Апелираме до сите учесници во сообраќајот да ги почитуваат сообраќајните правила и прописи, да не управуваат возило без положен возачки испит или доколку имаат изречена мерка за забрана за управување или доколку се под дејство на алкохол и сите заеднички да придонесеме за побезбеден сообраќај.

Тагови: мвр

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Мерц и Зеленски во Киев оддадоа почит на загинатите украински бранители

Германскиот канцелар Фридрих Мерц и претседателот на Украина Володимир Зеленски денеска во Киев им оддадоа почит на загинатите украински бранители.

Мерц и Зеленски во Киев оддадоа почит на загинатите украински бранители

„Ние го цениме почитувањето кон нашите војници и солидарноста со украинскиот народ. Важно е што во овој тежок момент Германија е со нас – во поддршка и во сеќавање. Вечна почит кон сите бранители на украина кои ги дадоа своите животи за доброто на Украина и цела Европа“, објави Зеленски на телеграм, пренесува Укринформ.

Германскиот канцелар Фридрих Мерц го повика рускиот претседател Владимир Путин да ги прекине нападите врз Украина.

-„Господине Путин, запрете ја оваа. Бесмислена војна! Подготвени сме за преговори, подготвени сме да разговараме за нејзино прекинување. Но, овие варварски напади врз цивилното население на Украина мора да престанат“, изјавил Мерц.Тој и Зеленски ја посетија националната академија на науките во Киев, која беше погодена во напад со дрон во понеделникот.

YouTube video

YouTube video

Тагови: Володимир Зеленски Киев Фридрих Мерц

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Есенска дератизација во Општина Аеродром

Есенска дератизација деновиве се спроведува на целата територија на Општина Аеродром, со цел уништување на глодачите и заштита на здравјето на населението.

Есенска дератизација во Општина Аеродром

Опфатени се 3.000 шахти, во кои се поставуваат 9.000 мамци, како и во сите основни училишта и градинки на територијата на општината.

Есенската и пролетната дератизација се важна превентивна мерка за заштита на населението од појава и ширење на болести што ги пренесуваат глодачите и се спроведуваат во соработка со Центарот за јавно здравје - Скопје.

Општина Аеродром

Тагови: Општина Аеродром

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер