Живот

Историјатот на носењето брачен прстен

Историјатот на носењето венчален прстен го има својот зачеток во Древен Египет. Денес тоа е обичај ширум целиот свет и секаде има посебни својства, одлики, особености, значења, симболика.

Историчарите и културолозите ја откриваат фасцинантната позадина на оваа универзална симболика на љубов и верност којашто одамна ги надминала географските и етнокултурните граници во глобализацијата. Така, традицијата на носење венчален прстен, пред сѐ - кај жената, потекнува од Стариот Египет, каде што археолозите ги пронашле првите записи за овој обичај, напишани со хиероглифи. Египќаните го сметале прстенот за симбол на вечноста, олицетворена во неговиот кружен облик којшто нема ни почеток, ниту крај.

Се чини, оваа симболика е толку моќна, што преживеала разни и различни цивилизации низ вековите, станувајќи универзален симбол на брачната верност во секое ќоше на планетата Земја.

Верувањата за „вената на љубовта“ (vena amoris)

Moжеби eдна од најромантичните приказни поврзана со носењето венчален прстен доаѓа од европската античко време. Старите Грци, Македонци, Римјани - верувале во постоењето на посебна вена, позната како „вена аморис“ или - „вена на љубовта“ што се протегала од четвртиот прст од левата рака директно до срцето. Иако денес се знае, според анатомијата, дека таква вена не постои, ова поетско-романтично верување значително влијаело на западната традиција на носење венчален прстен на левата рака.

Инаку, денес, обичаите на носење венчален прстен значително се разликуваат во зависност од културниот контекст. Различните религии имаат свои сопствени толкувања поврзани со венчалните прстени.

Во повеќето западни земји, како што се Велика Британија, САД, Франција или Италија - прстенот, вообичаено, се носи на левата рака. Меѓутоа, источноевропските земји и народи, како Русите, Полјаците, Македонците и Бугарите, денес вообичаено се носи на десната рака. Во христијанските православни обичаи, десната страна се смета за „вистинска страна“, па бурмата се носи на десната рака, но повторно - на домалиот прст.

И муслиманите бурмата ја носат на десна рака, а пак, Евреите за време на венчавката го ставаат венчалниот прстен на десната, а потоа, по обичај, го префрлаат на левата рака. Еврејската традиција вели и оти прстенот мора да биде едноставен и без украси.

Глобализацијата и современите толкувања

Совремието донесе значителни промени во традицијата на носење венчален прстен. Интересно е тоа што мажите помасовно почнале да носат венчални прстени дури во Втората светска војна, кога војниците сакале да носат видлив потсетник на своите сопруги и семејства дома, иако такви случаи се забележуваат и во 14. век. Овој обичај се задржа и стана норма во најголем дел од светот, претставувајќи ја современата брачна симболика.

Глобализацијата значително се одрази на традиционалните обичаи поврзани со венчалните прстени. И во Индија, на пр., каде што прстенот се носел на десната рака, бидејќи левата рака се сметала за нечиста, денешните генерации често ја избираат левата рака - под влијание на западните обичаи и вредности. Ова покажува како обичаите се менуваат и прилагодуваат според светските текови.

Покрај културните и традиционалните аспекти, на изборот на рака за носење бурма може да влијаат и практичните причини. Десничарите честопати претпочитаат да го носат прстенот на левата рака, заради помала можност за оштетување на прстенот при секојдневните задачи. Исто така, некои парови одлучуваат да ја прилагодат традицијата на нивните лични претпочитања или професионални навики и барања.

Традицијата на носење венчален прстен е еден од најдолготрајните и најуниверзалните симболи на љубов, верност и посветеност во историјата на човештвото. Без разлика дали се носи на лева или десна рака, неговата важност како симбол на вечната љубов - останува непроменета. Совремието носи сè поголема флексибилност во толкувањето на овие обичаи, дозволувајќи им на паровите да изберат како да го носат овој важен симбол на нивната љубов.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Фото: Ревија на костими за капење на „Sports Illustrated Swimsuit“

Списанието „Sports Illustrated Swimsuit“ секоја година организира ревија на костими за капење во Мајами.

Учеснички во програмата се главно ѕвезди од реални шоуа, инфлуенсерки и дами од модната индустрија, така било и годинава.

Меѓу многуте убавици кои прошетаа во минијатурно бикини по пистата беше и провокативната реалити ѕвезда Стаси Шредер.

Станува збор за поранешната ѕвезда на реалното шоу „Vanderpump Rules“, која ги воодушеви многумина на модната ревија со својот атрактивен изглед и секси одење.

Сепак, јавноста на социјалните мрежи не беше задоволна од нејзините вештини, па за кратко време Стаси стана предмет на потсмев и бројни критики.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Фото: Секси русокосата не препушта ништо на случајноста

Актерката и манекенка Брукс Надер не престанува да изненадува со своите провокативни изданија, а моментално ужива во Франција, од каде што доаѓаат и нејзините најнови фотографии.

Моделот и актерка Брукс Надер ужива во топлотниот бран, со неа уживаат и нејзините следбеници кои желно ја очекуваат секоја нова објава на оваа контроверзна убавица.

Неодамна таа престојуваше и на Јадранот – ги посети Хрватска и Црна Гора – а нејзините изданија од таму исто така оставија силен впечаток на социјалните мрежи.

Сепак, таа подготви нешто ново за Франција, па најпрво позираше во кратки бели шорцеви и ѝ сврте грб на камерата, а иако не е првпат да покаже нешто повеќе, повторно ги воодушеви и изненади сите.

Меѓу низата фотографии се најдоа и оние на кои Брукс носи кратки и длабоко деколтирани фустани, па нејзините бујни гради беа главна тема и на овој одмор.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Веќе 21 фудбалер се платени повеќе од 100 милиони евра за трансфер

Дали фудбалерите навистина вредат толку многу?

Веќе 21 фудбалер се платени повеќе од 100 милиони евра за трансфер, а Јан Диоманде би можел да биде следниот.

Најголемиот трансфер што моментално се подготвува на пазарот е доаѓањето на Јан Диоманде од РБ Лајпциг во Реал Мадрид.

Доколку трансферот се реализира, репрезентативецот на Брегот на Слоновата Коска ќе се приклучи кон ексклузивната група играчи за кои се платени повеќе од 100 милиони евра.

Досега, 21 фудбалер ја достигнале таа вредност, почнувајќи од летото 2013 година, кога Реал Мадрид му плати на Тотенхем 101 милион евра за Герет Бејл.

Оттогаш, трансферите со обештетувања од деветцифрени износи станаа многу почести и веќе не предизвикуваат толку многу полемики како порано.

Доаѓањето на клубови во сопственост на држави и милијардери дополнително го зголеми бројот на вакви трансфери.

Меѓу нив, се издвојува Пари Сен Жермен, кој во 2017 година ги сруши сите рекорди со плаќање 222 милиони евра за Нејмар, активирајќи ја неговата откупна клаузула од договорот со Барселона.

Само неколку недели подоцна, ПСЖ го доведе и Килијан Мбапе од Монако за 180 милиони евра.

Ако има еден клуб што доминира на оваа листа, тоа е Челзи.

Во ерата на Роман Абрамович, а потоа под сопственост на Тод Боели, лондонскиот клуб донесе дури пет играчи за повеќе од 100 милиони евра: Морган Роџерс, Енцо Фернандез, Мојсес Кајсед, Ромелу Лукаку и Каи Хаверц.

Клубови од Премиер лигата учествуваа во дури 11 од вкупно 22 трансфери вредни над 100 милиони евра.

Шпанската Ла Лига, вклучувајќи го и евентуалното доаѓање на Диоманде, учествув во осум такви трансфери. Четири би му припаднале на Реал Мадрид, три на Барселона и еден на Атлетико Мадрид.

Франција е претставена од ПСЖ, додека единствениот претставник на Серија А е Јувентус, поради Кристијано Роналдо.

Покрај тоа што сè уште е најскапиот трансфер во историјата на фудбалот, Нејмар е и играчот за кого се издвоени најмногу пари во текот на неговата кариера.

Барселона и ПСЖ заедно платија речиси 400 милиони евра за неговите трансфери.

На второто место е Ромелу Лукаку, за кого клубовите издвоија вкупно околу 370 милиони евра, додека Кристијано Роналдо е трет со 247 милиони.

Трансфери над 100 милиони евра:

1.Нејмар – 222 милиони евра (Барселона → ПСЖ)

2.Килијан Мбапе – 180 милиони евра (Монако → ПСЖ)

3.Александар Исак – 145 милиони евра (Њукасл → Ливерпул)

4.Морган Роџерс – 138 милиони евра (Астон Вила → Челзи)

5.Елиот Андерсон – 135 милиони евра (Нотингем Форест → Манчестер Сити)

6.Жоао Феликс – 127,2 милиони евра (Бенфика → Атлетико Мадрид)

7.Флоријан Вирц – 125 милиони евра (Баер Леверкузен → Ливерпул)

8.Енцо Фернандес – 121 милиони евра (Бенфика → Челзи)

9.Филипе Кутињо – 120 милиони евра (Ливерпул → Барселона)

10.Антоан Гризман – 120 милиони евра (Атлетико Мадрид → Барселона)

11.Џек Грилиш – 117,5 милиони евра (Астон Вила → Манчестер Сити)

12.Мојсес Каиседо – 116 милиони евра (Брајтон → Челзи)

13.Еден Азар – 115 милиони евра (Челзи → Реал Мадрид)

14.Ромелу Лукаку – 113 милиони евра (Интер → Челзи)

15.Кристијано Роналдо – 112 милиони евра (Реал Мадрид → Јувентус)

16.Сандро Тонали – 108 милиони евра (Њукасл → Тотенхем)

17.Пол Погба – 105 милиони евра (Јувентус → Манчестер Јунајтед)

18.Усман Дембеле – 105 милиони евра (Борусија Дортмунд → Барселона)

19.Џуд Белингем – 103 милиони евра (Борусија Дортмунд → Реал Мадрид)

20.Герет Бејл – 101 милион евра (Тотенхем → Реал Мадрид)

21.Каи Хаверц – 100 милиони евра (Баер Леверкузен → Челзи)

Тагови: милиони Фудбал

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.