Мажот бил извлечен во несвест од морето со спасувачки хеликоптер во близина на Кејп Греко на југоисточниот брег на островот и подоцна бил прогласен за мртов, додека двајцата преживеани се задржани на лекување во болница, објави Сигмалив.

Επιχείρηση διάσωσης στο Κάβο Γκρέκο: Ελικόπτερα και διασώστες στη μάχη με τα κύματα – Αποκλειστικά πλάνα pic.twitter.com/Ikg99vFYPj

— ink Cyprus (@inkcyprus) August 29, 2026

Поплавени улици, предизвикани одрони

Силен дожд и силен ветер го погодија медитеранскиот остров, кој поплави улици, предизвика лизгање на земјиштето и урна бројни дрвја.

Противпожарната служба добила бројни итни повици поради штетите од невремето. Портпаролот на противпожарната служба изјави дека најмногу интервенции имало во областа околу главниот град Никозија.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Но, очигледно, тоа воопшто не го интересира Иван Стоилковиќ, неговата партија и луѓето од оваа политичка структура, кои продолжуваат да ги глорифицираат и релативизираат најголемите злосторници на минатиот век во Европа, по Втората светска војна.

А наспроти тоа, ВЛЕН не се осмелува ниту да го спомене името на Иван Стоилковиќ. Ова молчење останува тешко прашање за јавноста, особено кога самиот Стоилковиќ изјавил дека претставниците на ВЛЕН треба да внимаваат, бидејќи, според него, два-три пати им „го спасил образот пред јавноста“.

Затоа прашањето е неизбежно: што го поврзува ВЛЕН со Иван Стоилковиќ и зошто немаат храброст да го осудат?

Од формирањето на оваа Влада, Стоилковиќ и неговите политички структури се наградени со значајни државни функции. Функцијата заменик-премиер за имплементација на Охридскиот мировен договор, документ од витално значење за Албанците и другите заедници, му е доверена на политичка структура поврзана со овој политички правец, додека Далибор, близок кадар до Стоилковиќ, е именуван за директор во Агенцијата за остварување на правата на заедниците.

Оттаму започна серија настани и проекти кои предизвикуваат сериозна загриженост за продорот на таканаречениот проект „српски свет“ во Македонија.

ВЛЕН, не еднаш, туку повеќепати, не само што молчеше, туку и го бранеше Стоилковиќ: со гласање во Собранието, спречувајќи да поминат иницијативи за неговата одговорност и разрешување; со молчење пред неговите напади, пцовки и навреди кон албанските пратеници; како и преку пропаганда, релативизирајќи, прикривајќи и оправдувајќи ги неговите одлуки и постапки, па дури и остро напаѓајќи ги Албанците кои се спротивставуваат на Стоилковиќ.

Не треба да се заборави дека во овој период беа овозможени случувања кои сведочат за сè поголем продор на структурите и интересите поврзани со проектот „српски свет“ во земјата.

Бевме сведоци на активности и маршеви на српски воени структури, дефилирања и посети на српски министри во Македонија со провокативни изјави дека овие територии се Србија, како и доаѓањето на високи политички фигури како Милорад Додик.

Во енергетскиот сектор, директорот на МЕПСО, кадар на ВЛЕН, склучи договор за проектот на далекуводот со Албанија со компании блиски до Милорад Додик, со што се отвораат сериозни прашања за продорот на ова влијание и во стратешкиот енергетски сектор.

Алта Банка влезе во банкарскиот сектор, МТЛ се појавува како продор во телекомуникацискиот сектор, додека во медиумската сфера е основана српска телевизија во Македонија.

Неодамна, Недим Рама, близок до Изет Меџити и раководител во НОМАГАС, потпиша договор со српската страна за проектот за гасификација меѓу Македонија и Србија.

Не е случајност што Европскиот парламент, не еднаш, туку две години по ред, ја истакнува загриженоста дека експоненти на оваа Влада го промовираат и помагаат ширењето на влијанието на „српскиот свет“ во Македонија.

Иван Стоилковиќ дури јавно ја нарече Република Косово „Косово и Метохија“, а ВЛЕН не крена ниту глас.

Затоа прашањето до ВЛЕН е едноставно:

Кога ќе побарате разрешување од Владата на Иван Стоилковиќ и неговите функционери, кои го глорифицираат Ратко Младиќ и другите воени злосторници?

Ако кај вас постои барем еден елемент на албанска национална одговорност и посветеност кон европските вредности, тогаш во оваа Влада или треба да бидат отстранети оние кои ги глорифицираат воените злосторници, или треба да си заминете вие.

Но, вие не покажувате храброст ниту за едното, ниту за другото.

Колку подолго молчите, вашето молчење не е неутралност, туку политичка заштита и соодговорност.

Колку побрзо ќе си заминете дома, толку подобро, бидејќи со ова молчење и ова политичко потчинување, го посрамотивте албанското политичко претставување, се наведува во партиското соопштение.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Економијата расте, јавниот долг се намалува и става во одржлива рамка, а инфлацијата е значително намалена, со што се создаваат услови за поголема економска сигурност и повисок животен стандард за граѓаните.

Бројките јасно покажуваат дека во декември 2017 година јавниот долг изнесувал 4,787 милијарди евра, односно 47,7% од БДП, кој според ММФ изнесувал 11,34 милијарди долари. До крајот на 2023 година, по шест години власт на СДС, јавниот долг достигнал 8,477 милијарди евра или 57,8% од БДП, а според ММФ тогаш БДП изнесувал 15,86 милијарди долари.

Ова е зголемување од 3,69 милијарди евра на јавниот долг за шест години, додека во истиот период, БДП пораснал за 4,52 милијарди долари или околу 3,9 милијарди евра, што покажува дека растот на задолжувањето бил исклучително висок во однос на економскиот раст.

Со Владата предводена од ВМРО-ДПМНЕ, фокусот е поинаков, секое задолжување мора да има економска оправданост и да биде насочено кон инвестиции, инфраструктура, производство и проекти кои создаваат дополнителна вредност.

На крајот на 2024 година јавниот долг изнесувал 9,619 милијарди евра, односно 61,4% од БДП, додека според ММФ бруто домашниот прозивод изнесувал 16,95 милијарди долари, а заклучно со 30 јуни 2026 година, јавниот долг изнесува 58,8% од БДП, што значи дека долгот е намален.

Во исто време, според проекциите на ММФ, македонскиот БДП во 2026 година треба да достигне 21,61 милијарда долари, што е значителен раст во однос на 16,95 милијарди долари во 2024 година, додека јавниот долг би изнесувал 11 милијарди евра.

Ова значи дека за период од две години јавниот долг би пораснал за околу 1,381 милијарда евра, додека БДП би се зголемил за околу 4,66 милијарди долари, односно приближно 4,02 милијарди евра.

Друг важен показател за економската состојба е и инфлацијата, која во јули 2026 година во Македонија изнесува 2,3% на годишно ниво, наспроти високите 16% во јули 2022 година.

Во споредба со земјите од регионот во јули 2026 година Македонија има пониска инфлација од Словенија, Хрватска, Бугарија, Босна и Херцеговина, Косово, Романија и Црна Гора, Албанија, Турција.

Тоа е значително подобра состојба во однос на периодот кога граѓаните се соочуваа со двоцифрена инфлација во време на власт на СДС кога со исклучок на Босна и Херцеговина, Бугарија и Турција од сите останати земји во регионот имавме највисока и далеку повисока инфлација.

Намалувањето на инфлацијата е важен чекор и Владата продолжува со политики кои обезбедуваат реален раст на платите и пензиите, поголема продуктивност, нови инвестиции и повисока куповна моќ на граѓаните.

Разликата во економските политики е јасна. ВМРО-ДПМНЕ се залага секое задолжување да биде поврзано со конкретен развоен проект, секоја инвестиција да создава нова вредност, а економскиот раст да се претвори во подобар животен стандард. И дека ваквата цел се постигнува потврдуваат овие податоци и економски параметри.

Владата предводена од ВМРО-ДПМНЕ ќе продолжи со политики кои носат инвестиции, производство, нови работни места, повисоки приходи и поголема економска сигурност за граѓаните, се наведуива во партиското соопштение.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.