Исправете се веднаш!- Неочекувани симптоми предизвикани од лошото држење на телото - Канал 5

Здравје

Исправете се веднаш!- Неочекувани симптоми предизвикани од лошото држење на телото

Лошото држење на телото не е само естетски проблем; тоа има долгорочни последици врз бројни аспекти на нашето здравје за кои не сме ни свесни.

Исправете се веднаш!- Неочекувани симптоми предизвикани од лошото држење на телото

Важно е да бидете свесни за важноста на правилното држење на телото како дел од секојдневната здравствена заштита и веднаш да се исправите бидејќи долгорочното лошо држење е тесно поврзано со бројни други заболувања кои ги чувствуваме без да бидеме свесни за нив.

Постојаното подгрбавеност носи бројни последици, а еве кои пет непријатни симптоми и болки најверојатно се поврзани со тоа што постојано одиме како да носиме десет килограми тежина врз грбот, а исто така седиме.

Дигестивни проблеми

Многумина не се свесни дека лошото држење може значително да влијае на дигестивниот систем. Кога телото е подгрбавено, се намалува просторот во абдоминалната празнина, а тоа може да предизвика притисок врз органите за варење. Ова го успорува варењето, што може да доведе до непријатност, надуеност, па дури и хронични проблеми како синдром на нервозно дебело црево (IBS). Исто така, подгрбавеноста може да предизвика рефлукс на киселина особено после јадење.

Влијание врз дишењето и капацитетот на белите дробови

Нашето држење директно влијае на респираторниот систем, иако ова можеби не е очигледно на прв поглед. Свитканото држење ги компримира градите, го намалува просторот на белите дробови и го спречува целосниот капацитет за дишење. Како резултат на тоа, телото добива помалку кислород, што може да предизвика чувство на замор, намалена концентрација и пад на енергијата во текот на денот.

Покрај тоа, помалку кислород во телото негативно влијае врз работата на мозокот и другите органи бидејќи кислородот игра клучна улога во нивното правилно функционирање.

Хронични главоболки и напнатост во вратот

Кога главата е навалена напред или рамената се свиткани надолу, мускулите на вратот и горниот дел од грбот работат понапорно отколку што би требало за да ја поддржат тежината на главата. Поради постојаната напнатост на овие мускули, често се јавуваат главоболки и мигрени, кои можат да станат хронични. Затегнатите мускули, исто така, ја намалуваат циркулацијата на крвта во пределот на вратот, што дополнително може да ја влоши главоболката и да предизвика замор.

Влијание врз расположението и менталното здравје

Изненадувачки е колку држењето може да влијае на нашата емоционална состојба и менталното здравје. Истражувањата покажуваат дека подгрбавеноста може да ги зголеми чувствата на стрес, депресија и анксиозност. Кога стоиме или седиме исправено, телото природно испраќа сигнали до мозокот поврзани со подобро расположение и самодоверба.

Подгрбавеното држење на телото, од друга страна, може да предизвика чувство на несигурност и тага, што може дополнително да биде појачано во стресни ситуации.

Влијание врз зглобовите и мускулите на целото тело

Кога сме стуткани, телото не е во својата природна рамнотежа, што доведува до нерамномерно оптоварување на мускулите, лигаментите и зглобовите. Со текот на времето, ова може да предизвика болки во долниот дел на грбот, колената, колковите, па дури и зглобовите, бидејќи секој дел од телото се обидува да ги компензира неправилностите.

Свет

Турција ја зголеми безбедноста по должината на границата со Иран, но не забележа прилив на мигранти

Турција ја зголеми безбедноста по должината на границата со Иран поради конфликтот меѓу Израел и Иран, изјави денеска анонимен извор од турското Министерство за одбрана.

Турција ја зголеми безбедноста по должината на границата со Иран, но не забележа прилив на мигранти

Изворот додаде дека Анкара не забележала прилив на нелегални мигранти од Иран.

Турција продолжува да развива повеќеслоен и интегриран систем за противвоздушна и противракетна одбрана користејќи радарски и оружени системи произведени во земјата, посочи изворот.

Целта е да се одржи потенцијалната борбена готовност на високо ниво.

Авион на турскиот систем за брз одговор (QRA) полета откако Израел ги почна нападите врз југоисточниот сосед на Турција, Иран, рече изворот, додавајќи дека авионот продолжува да патролира по границите поради можноста за нарушување на воздушниот простор од страна на Израел.

Тагови: турција

Свет

Путин и Си Џинпинг во телефонски разговор ги осудија нападите на Израел врз Иран

 Рускиот претседател Владимир Путин и кинескиот претседател Си Џинпинг во телефонски разговор ги осудија нападите на Израел врз Иран и се согласија дека е потребна деескалација, соопшти Кремљ.

Путин и Си Џинпинг во телефонски разговор ги осудија нападите на Израел врз Иран

Двајцата „силно ги осудуваат дејствијата на Израел, кои ја кршат Повелбата на ОН и другите норми на меѓународното право“, изјави претседателскиот советник Јуриј Ушаков за новинарите.

„И Москва и Пекинг се целосно убедени дека нема воено решение за моменталната ситуација и прашањата поврзани со нуклеарната програма на Иран. Ова решение мора да се постигне исклучиво преку политички и дипломатски средства“, рече Ушаков.

Русија предупреди дека ќе настапи катастрофа ако конфликтот меѓу Израел и Иран, кој продолжува веќе седми ден, ескалира дополнително и ги повика САД да не се приклучуваат кон бомбардирањата кои ги извршува Израел.

Во последните денови, Путин телефонски разговараше со американскиот претседател Доналд Трамп, израелскиот премиер Бенјамин Нетанјаху и иранскиот претседател Масуд Пезешкијан и постојано повторуваше дека Русија е подготвена да посредува меѓу завојуваните страни. Досега никој не го прифатил предлогот на Русија, пренесуваат светските агенции.

Путин денеска го повтори предлогот во телефонскиот разговор со Си, кој е негов близок сојузник. Од своја страна, кинескиот лидер изрази поддршка за идејата, рече Ушаков, „бидејќи смета дека таа може да послужи за деескалација на моменталната тензична ситуација“.

Тагови: Иран Кина русија

Македонија

Средба на министерот Тошковски со Золт Бунфорд, специјален пратеник на унгарскиот премиер за З.Балкан

Министерот за внатрешни работи Панче Тошковски денеска остварил работна средба со Золт Бунфорд, специјален пратеник  за Западен Балкан на унгарскиот премиер Виктор Орбан.

Средба на министерот Тошковски со Золт Бунфорд, специјален пратеник на унгарскиот премиер за З.Балкан

Од МВР соопштија дека на средбата била потврдена одличната соработка помеѓу двете Министерства и двете Влади, при што двете страни ја потенцирале меѓусебната доверба, поддршка и соработка во натамошното промовирање на истите.

Министерот Тошковски изразил благодарност за меѓусебната посветеност, но и за братскиот однос во развивањето на односите помеѓу двете земји, подвлекувајќи го фактот дека, се наведува во соопштението, заедничките предизвици бараат заеднички решенија и дека она што денес го засега македонското Министерство за внатрешни работи, утре ќе има ефект на европските збиднувања.

- Средбата заврши со меѓусебно уверување во заемната посветеност на решавање на заедничките предизвици и апсолвирање на заедничките приоритети, како и со ветување за натамошна заедничка поддршка во сузбивањето на илегалната миграција и нејзиното сузбивање, соопштија од МВР.

Тагови: Панче Тошковски
притисни ентер