Живот

Исповед на девојка која растела покрај татко алкохоличар трогна многумина на социјалните мрежи

„Почина на 42 г., дури сега ми е стана јасно сè!“

Алкохолизмот е сериозна болест на зависност поради која страда цело семејство, особено децата. Исповедта на оваа девојка која растела покрај татко алкохоличар трогна многумина на Редит. Таа раскажува како изгледало нејзиното детство и живот покрај татко кој почесто бил пијан отколку трезен, но и низ што поминувало семејството поради неговиот порок.

-Моите родители се венчале млади, имале едвај нешто повеќе од 20 г. Набргу по моето раѓање, после 2 г. се родила мојата сестра. Првото сеќавање на мојот татко ми е како ме бакнува додека ме гребе со брадата, а неговиот здив мириса на алкохол. Сè уште го чувствувам тој мирис, иако татко ми почина пред 10 г. – ја започнува својата исповед оваа девојка со име Маја.

Како што вели, имала среќа што татко ѝ не бил агресивен кога ќе се напиел, напротив.

-Кога беше трезен, што ретко се случуваше, беше повлечен и молчалив. Штом ќе се напиеше, стануваше весел, разговорлив, сите нè бакнуваше додека здивот му мирисаше на вињак, или пиво. Мајка ми го толерираше неговото однесување, иако поради неговото пиење живеевме на работ од егзистенција. Сите пари ги пропиваше. Со мајка ми се расправаше секој први во месецот, кога таа ќе добиеше плата. Кавгата почнуваше кога ќе се вратеше од работа дома, а тој бараше да му даде пари. Таа не сакаше бидејќи мораше сите да не храни. Криеше пари дома, а ако татко ми ги најдеше, веднаш одеше во кафеана и не се враќаше додека не испиеше сè –додава оваа девојка од Балканот.

Како што раскажала, никогаш нема да го заборави денот кога татко ѝ исчезнал 3 дена.

-Веќе одев на училиште и се сеќавам дека мама му даде пари и го испрати во продавница да купи шеќер, што ѝ требаше за колачите кои ги правеше. Тој не се врати дома три дена! Мајка ми ги помина локалните кафеани, но не можеше да го најде. Тамам кога сакаше да повика полиција, се врати дома мртов пијан. Во рацете носеше овенато цвеќе за мајка ми. Кога ѝ ги подаде видов црна пантлика на која пишуваше: „Последен поздрав“. Цвеќето го собрал од гробишта – раскажала девојката.

Дома дошол каллив и искинат, а мајката на Маја не го ни прашала каде бил. Го избањала како дете и го сместила во креветот за да се наспие и отрезни.

- Кога тргнав во средно школо, еден ден налетав на него како спие на клупа во паркот додека во раката држеше празно шише вињак. Бев со другарките и избегав колку што ме држеа нозете. Мислев дека ќе пропаднам во земја од срам. Ја молев мајка ми да го остави, но таа не сакаше ни да чуе. Можев сè да побарам од неа, да ѝ кажам сè, освен да барам да го остави мојот татко пијаница. Не сфаќав зошто го трпи и се заколнав, кога ќе пораснам, никогаш во животот нема да погледнам маж кој пие – била искрена Маја.

Татко ѝ починал од цироза кога имал 42 г.

-Само стоев и гледав во сандакот. Немав солзи, ништо. Мајка ми плачеше. Кога помина погребот со денови седев на масата во кујна и гледав во влезната врата. Како да очекував дека ќе се појави тетеравејќи се, како некогаш. Дури тогаш сфатив дека мајка ми била зависна од него, како тој од неа. Тој не ѝ беше маж, туку го сакаше и третираше како трето дете. Никогаш повеќе не погледна друг маж и мислам дека засекогаш ќе пати по него, иако е мртво веќе 10 г. – ја завршила Маја својата болна исповед.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Урната е зградата на „Вјесник“ во Загреб (ВИДЕО)

Поранешниот симбол на хрватското новинарство и еден од најпрепознатливите симболи на Загреб, облакодерот Вјесник на раскрсницата на Савска цеста и Славонска авенија, е срушен.

Вјесник изгоре во катастрофален пожар во ноември 2025 година, а обвинителниот одбор на Општинскиот кривичен суд во Загреб го потврди обвинението против двајца 18-годишници кои се обвинети за палење, објави Индекс.

Обвинението против двајцата млади мажи беше покренато во февруари оваа година, со кое се товарат за тешко кривично дело против јавната безбедност. Потврденото обвинение ги товари обвинетите дека заедно и по претходен договор ја запалиле зградата на Вјесник на 17 ноември 2025 година.

Голема материјална штета

Според обвинението, првиот обвинет, 18-годишник, запалил картонска кутија полна со хартии, а вториот обвинет ја запалил хартијата од таа кутија, а потоа ја вратил запалената хартија во картонската кутија. Поради ова, пожарот се прошири брзо и неколку ката од зградата се запалија, која беше целосно уништена, што предизвика материјална штета од големи размери, според обвинителството.

Во обвинението, државното обвинителство му предложи на судот продолжување на притворот во домот против двајцата обвинети поради опасност од повторување на кривичното дело. Двајца 18-годишници беа ослободени од притвор во домашен притвор кон крајот на декември, со задолжително носење електронски наноознаки.

По пожарот, полицијата извести дека на 17 ноември, околу 21:50 часот, младите мажи скокнале преку оградата на облакодерот на авенијата Славонска, влегле во зградата и запалиле пожар на 15-тиот кат, а со нив наводно биле и три малолетници. Медиумите пишуваа дека другите четири малолетници, кои биле во зградата на Вјесник непосредно пред и по избувнувањето на пожарот, имаат статус на сведоци.

Кон обвинението е приложен извештај од експерт за телекомуникации, кој има речиси шест илјади страници и главно се однесува на писмената комуникација на 18-годишникот и другите тинејџери кои таа вечер биле во Вјесник.

Исто така, беше откриено дека еден од двајцата обвинети бил заинтересиран како да добие босанско државјанство, од што обвинителството заклучува дека имал намера да избегне кривично гонење за палењето на Вјесник.

Што ќе се појави на местото на Вјесник?

Што се однесува до иднината на оваа атрактивна локација на јужниот влез во градот, државата има големи планови. Владата на Република Хрватска поседува 64 проценти од комплексот и сака да го купи преостанатиот дел од другите сосопственици.

„Сакаме да изградиме објект на оваа раскрсница на јужниот влез во градот помеѓу авениите Савска и Славонска што ќе придонесе за уште поубав поглед на главниот град. Нашата цел е да сместиме државни органи кои моментално се под закуп таму“, рече министерот Бачиќ. Дали ќе се градат една или повеќе згради ќе утврди стручната комисија во согласност со ГУП-от откако ќе биде објавен јавниот тендер за архитектонското решение. Судбината на зградата во која е сместен Хрватскиот олимписки комитет (ХОК) ќе биде позната дури по тендерот - ако најдоброто решение предвидува нејзин опстанок, зградата на ХОК нема да се сруши.

Тагови: Вјесник Загреб

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Бугарско МНР: Не сме дистрибуирале дипломатска нота поврзана со посета на семејство од друга земја

Попладнево со став се огласија од бугарското МНР, од каде велат дека не диструбуирале дипломатска нота или друга официјална кореспонденција поврзана со посетата на Бугарија на членови на семејството на официјален претставник на друга земја..

„Информациите што циркулираа во јавноста во последните денови се однесуваат на вербална нота од 6 јануари 2026 година и се однесуваат на поодамнешен настан.. Во моментов, оваа информација не може да се сфати како основа за заклучоци дека постои непосредна закана за безбедноста на граѓаните на Бугарија или друга земја. Министерството за надворешни работи придава големо значење на заштитата на дипломатската кореспонденција и строго ги почитува утврдените меѓународни правила и практики во оваа област.“, велат од бугарското МНР за бугарската телевизија БТВ..

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Во сабота и недела наутро во Скопје ќе се прска против комарци

Градот Скопје ги известува граѓаните дека претстојниов викенд, односно на 27.06.2026 година (сабота) и на 28.06.2026 година (недела), во раните утрински часови ќе изврши авионска дезинсекција.

Градот Скопје ги известува граѓаните дека претстојниов викенд, односно на 27.06.2026 година (сабота) и на 28.06.2026 година (недела), во раните утрински часови ќе изврши авионска дезинсекција против возрасни форми на комарци на подрачјето на градот Скопје.

Доколку временските услови не го дозволуваат вршењето на дезинсекцијата, ќе се прска првиот нареден ден, кога ќе бидат поволни временските услови, во истиот термин.

Се известуваат пчеларите навреме да ги преземат потребните мерки за заштита на пчелите, информираат од Град Скопје.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.