Исланд ја прегази Словенија за полуфинале, Португалија го заврши ЕП со триумф над Шпанија - Канал 5

Ракомет

Исланд ја прегази Словенија за полуфинале, Португалија го заврши ЕП со триумф над Шпанија

Ракометарите на Исланд ѝ се приклучија на Данска во полуфиналето на Европското првенство (ЕП), откако попладнево во Малме ја совладаа Словенија со 39-31и го обезбедија едно од првите две места во групата 2 од главната рунда.

Исланд ја прегази Словенија за полуфинале, Португалија го заврши ЕП со триумф над Шпанија

Првото полувреме беше резултатски израмнето, но Исланд во финишот стекна предност од два гола за водство од 18-16.

Словенците три пати доаѓаа на гол негатива во продолжението, но откако Исланд влезе во серија од 6-1, поведе со 26-20 во 40. минута и до крајот ја зачува предноста за убедлив триумф кој им донесе пласман меѓу четирите најдобри европски селекции.

Исланд е лидер со седум бодови во групата 2, од која вториот патник во полуфиналето ќе биде познат по вечерашните завршни дуели меѓу Хрватска – Унгарија и Шведска – Швајцарија.

Во воведниот денешен натпревар во групата 1, Португалија ја совлада Шпанија со 35-27.

Во дуелот во кој и двете репрезентации беа без шанса за пласман во полуфиналето, Португалците влегоа многу помотивирано и од самиот почеток беа во водство кое на моменти во првото полувреме изнесуваше највисоки плус шест голови разлика.

Вториот дел донесе идентична слика на теренот и рутинска победа на Португалците со која се искачија на третото место на табелата со пет бодови, пред двата преостанатите натпревари од оваа група меѓу Данска – Норвешка и Франција – Германија.

Тагови: Исланд словенија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Во текот на изминатото деноноќие 15 лица се лишени од слобода поради безобѕирно управување моторно возило

Во текот на изминатото деноноќие на целата територија на државата, полициските службеници лишија од слобода 15 лица поради сторено кривично дело „безобѕирно управување со моторно возило“ по член 297-а од Кривичниот законик.

Во текот на изминатото деноноќие 15 лица се лишени од слобода поради безобѕирно управување моторно возило

Сите 15 лица управувале моторно возило без возачка дозвола, а пет од нив биле малолетници.

По целосно документирање на случаите, против лицата ќе бидат поднесени соодветни кривични пријави.

Министерството за внатрешни работи апелира сите учесници во сообраќајот доследно да ги почитуваат сообраќајните правила и прописи, да не управуваат моторно возило без возачка дозвола, доколку имаат изречена мерка за забрана за управување, ниту под дејство на алкохол. Одговорното однесување во сообраќајот е заедничка обврска и клучен предуслов за поголема безбедност на сите граѓани.

Тагови: безобѕирно управување

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Општина Битола: Нов паркинг простор во центарот на градот

Изградбата на паркинг и улицата „Браќа Џаферови“ влегуваат во завршна фаза.

Општина Битола: Нов паркинг простор во центарот на градот

Денес се асфалтираше и на оваа локација, а станува збор за површина од 1100 м2.

Новиот паркинг простор ќе обезбеди 25 паркинг места, согласно проектот ќе има и улично осветлување, а изведена беше и атмосферска канализација.

Со ова Битола добива уште еден паркинг простор во центарот на градот.

Вкупната сума на средства кои што ги обезбеди општината од својот буџет изнесува 2.752.772 денари.

И на неколку други локации се работи на новите паркинг места во градот, што е заложба на општината за подобрување на состојбата со сообраќајот во централното градско подрачје.

Општина Битола

Тагови: Општина Битола

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

МВР и Бирото за јавни набавки потпишаа меморандум за поефикасна размена на податоци и заедничка борба против корупцијата

Денеска (06.08.2026) во Министерството за внатрешни работи беше потпишан Меморандум за соработка меѓу Министерството за внатрешни работи – Биро за јавна безбедност и Министерството за финансии – Биро за јавни набавки.

МВР и Бирото за јавни набавки потпишаа меморандум за поефикасна размена на податоци и заедничка борба против корупцијата

Меморандумот го потпишаа директорот на Бирото за јавна безбедност, Александар Јанев, и директорката на Бирото за јавни набавки, д-р Маре Богева Мицовска.

Со потпишувањето на меморандумот се воспоставува рамка за унапредување на меѓусебната институционална соработка, со цел зголемување на ефикасноста во размената на податоци по електронски пат, организирање континуирани обуки, како и развивање други форми на соработка од делокругот на работењето на Бирото за јавна безбедност и Бирото за јавни набавки.

Меморандумот ги уредува и начините на остварување координација и меѓусебна соработка во областа на спречувањето и сузбивањето на корупцијата и криминалот поврзани со јавните набавки, преку поефикасна размена на информации и заеднички активности во рамките на законските надлежности на двете институции.

Со оваа соработка двете институции ја потврдуваат својата заедничка заложба за зајакнување на институционалните капацитети, транспарентноста и интегритетот во системот на јавните набавки, како и за поефикасна борба против корупцијата и криминалот во оваа област.

Тагови: мвр

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер