Искусниот Ник Калатес нов член на Монако

Грчкиот кошаркар Ник Калатес и официјално стана член на францускиот шампион тимот на Монако.

Искусниот плејмејкер по разделбата со Фенербахче брзо најде нова средина и се сели во Фрација.

Монако со искусниот Калатес и маестралниот Мајк Џејс ќе формира еден од најдобрите бековски тандеми во Европа и најверојатно ќе атакува на висока позиција и во Евролигата.

Предводникот на францускиот првак Саша Обрадовиќ сигурно е задоволен од новиот член бидејќи Калатес е најдобриот асистент во историјата Евролигата со 2.085 асистенции во 13 сезони.

Инаку, во кариерата Калатаес покрај за Фенербахче играше и за Панатинаикос, Локомотив Кубањ, Мемфис и Барселона.

Градоначалничката на Париз заплива во Сена, за да докаже дека е чиста пред Олимпијадата (ВИДЕО)

Градоначалничката на Париз, Ан Идалго, конечно го исполни ветувањето и утрово се капеше во Сена, девет дена пред почетокот на Олимписките игри.

Облечена во костум за нуркање, Идалго се нурна во реката во близина на Градското собрание, нејзината канцеларија и катедралата Нотр Дам.

Таа беше придружувана од претседателот на Комитетот на Олимписките игри, Тони Естангена и префектот на Ил-д-Франс, Марк Гијом.

„Ова е среќа. Сонувавме за ова со години, работевме многу, многу напорно, водата е многу добра, малку студена, но не толку многу“, рече таа, додавајќи дека реката е доволно чиста за да биде домаќин на натпреварите во пливање на отворено за време на Олимписките игри во 2024 година и церемонијата на отворање за девет дена, објави Паризиен.

Според неа, Олимписките игри биле мотор и педал за гас, но Французите мора да ги приспособат своите градови на климата и да најдат река.

Нејзиниот потег е дел од напорите да покаже дека чистотата на Сена е подобрена пред Летните игри, кои ќе започнат на 26 јули со раскошна церемонија на отворено, која вклучува парада на спортисти на чамци на Сена.

Од 2015 година, организаторите инвестираа многу, 1,5 милијарди долари, за да ја подготват Сена за Олимпијадата и да обезбедат парижаните да имаат почиста река во годините по Игрите.

Планот вклучуваше изградба на огромен подземен базен за складирање на вода во центарот на Париз, реновирање на канализационата инфраструктура и надградба на пречистителната станица за отпадни води.

И покрај постојаните ветувања на политичарите, пливањето во Сена е забрането повеќе од еден век.

Жак Ширак, поранешниот претседател на Франција, даде слично ветување во 1988 година кога беше градоначалник на Париз, но тоа никогаш не беше исполнето.

Ширак, кој во тоа време водеше кампања за трет мандат, вети дека ќе ја исчисти реката таа година како дел од неговата програма „Чиста Сена“.

Идниот претседател на Републиката тогаш сметаше на период од пет години за чистење на реката, не ни помислувајќи дека всушност ќе бидат потребни 36 години за да се спроведе.

Идалго тргна по стапките на француската министерка за спорт Амелија Оудо-Кастер, која во саботата пливаше во Сена во нуркачко одело.

Сена ќе биде домаќин на неколку пливачки настани на отворени води за време на игрите, вклучително и олимпиското маратонско пливање и пливачките етапи на олимпискиот и параолимпискиот триатлон.

Жител од с. Сирково е повреден во пожарот во близина на Росоман

Жител на селото Сирково во општина Росоман е повреден во пожарот што попладнево избувна во овој дел. 

Се здобил со изгореници на рацете и ногата, информираат од ЦУК. Во меѓувреме на помош во гаснењето на пожарите во земјава пристигнаа и два авиони од Романија. Големиот противпожарен авион „Спартан“ кој фрла т.н. водни бомби од повеќе од пет тони, а како логистика, со него во придружба е и авионот „Херкул“.

Директорот на Центарот за упрување со кризи Стојанче Ангелов најави дека веднаш ќе започнат да дејствуваат и ќе се придржат на авионите и хеликоптерите што претходно пристигнаа од Турција, Србија, Хрватска, Словенија и Црна Гора.

планината Серта каде гори појас долг 30 километри и натаму е главната критична точка.

„Четири хеликоптери полетаа кон планината Серта. Во општина Радовиш, кај селото Калањево упативме два големи армиски хеликоптери, еден полициски хеликоптер и еден црногорски хеликоптер. Во село Негорци, Гевгелија упативме два словенечки хеликоптери, а во Општина Ново Село, во непосредна близина на границата со Бугарија, упативме еден голем турски хеликоптер и еден голем српски хеликоптер. Пожарот под Солунска глава се одвива на исклучително тешко пристапен терен, а и на поголем дел непристапен терен. Таму ќе го упатиме романскиот „Спартан“, кој во еден налет ќе фрли пет тони вода, па потоа ќе одлучиме што понатаму.“

Градоначалникот на Неготино Горан Стојанов за Канал 5 вели дека загрижувачка е ситуацијата кај неготинското село Пепелиште, каде се ативни неколку жаришта. Интервенираат голем број пожарникари но се очекува и воздушна поддршка.

„Моменталната состојба на терен е тешка, се уште пожарот е активен и распрснат на повеќе места. од утрово е повторно активиран и пожарот кај Калањево, кај месноста Дуњица. Требаше од 10 часот да се интервенира со неколку летала и ер трактори, но сега за сега се уште не се дејствува.“

Градоначалникот на Општина Ново Село, пожарникари од струмичката противпожарна бригада и неколку граѓани попладнево се нашле опколени од огнените јазици на планината Огражден каде што во моментов има активен пожар. Подоцна биле евакуирани од местото со помош на хеликоптерите од Словенија.

„Бевме затекнати од сите страни со пожар. Околу нас имаше оган. Хеликоптерите стигнаа на време. “

„Бевме на многу непристапен терен. Патот по кој се движевме овие седум дена беше затворен со оган.“

Во гасењето на десетината активни пожари, освен леталата, вклучени се и пожарникарите, 100 припадници на Армијата и 30 припадници на полицијата.

Во меѓувреме, министерот за надворешни Муцунски во телефоснки разговори помош побарал и од грчкиот колега Јоргос Герапетритис и австрискиот шеф на дипломатијата, Александар Шаленберг, а разговорал и со колегите од Словенија, Хрватска и Романија.

Тема на Канал 5: Кои се најчестите причини за пожарите?

Надлежните се сомневаат дека зад поголем дел од пожарите кои беснеат низ земјава стои човечки фактор. Бараат поригорозни казни за предизвикувачите и навремени забрани за движење низ шумите. 

И намерни и ненамерни, се поголеми се сомнежите кај надлежните дека пожарите кои беснеат низ земјава се резултат на човечкИ фактор... ова За канал 5 го потврди и директорот на ЦУК Стојанче Ангелов.. од мвр засгеа нема информација дали има осомничени, иако велат дека работат на случаи каде постојат сомнеѓи за намерно подметунување на пожари..сомнеж дека актуелните пожари се предизвикани од човечки фактор има и кај поранешниот командант на скопската противпожарна бригада Владимир Симоновски, кој во неговиот стаж видел многу пиромански дела. Тој смета дека за предизвикувачите на пожар треба да има поригорозни казни, а проблем се и забраните за движење кои вели не се издаваат навремено.

„Во 2021 година имаше намерно палење на шумата во Македонски Брод каде што беа изречени и судски пресуди ама тоа е се под прекршочна пресуда, колкава и да е штетата се одговара прекршочно, со некоја финансиска казна. Ако ние губиме шуми со огромни количини и огромни квадратни километри, тогаш ќе треба да се преземат некои поригорозни мерки за да заштитиме шумите.“

Сепак, се поставува прашањето дали механизам за рана детекција би спречил пожари од вакви размери како моменталните. Хрватска таков и понуди на Македонија уште пред три години. Единствено како пилот проект се постави во резерватот Јасен.

„Со Јасен, во вакви периоди во последниве неколку години не сме имале некакви ситуации каде што би можело да дојде до пожари како што имаме, а знаете дека е 90% шума.“

Моделот за превенција е интелигентен надзорен систем кој ги следи во живо ранливите подрачја преку надзорни камери поставени на предаватели и состојбата ја следи деноноќно, а пожарите и штетите во Хрватска ги сведе на минимум.

„Ние можеме да го следиме и да го видиме тој пожар пред воопшто да почнеме да го гасиме, да видиме колку ќе се прошири и колку сили ни се потребни да можеме тој пожар да го ставиме под контрола. Факторот време за пожарникарите е навистина битен. Секоја минута или 10 минути подоцна ако започнеме тоа значи дека неколку часа подоцна ќе ни треба подолго да го ставиме под контрола. “

Во изминативе неколку години се опустошија огромни шумски подрачја во Македонија, каде беше предизвикана штета која брои десетици милиони евра, а допрва ќе се пресметува штетата од актуелните пожари.

притисни ентер