Исклучете една функција на вашиот мобилен и подмладете го мозокот за 10 години - Канал 5

Живот

Исклучете една функција на вашиот мобилен и подмладете го мозокот за 10 години

Позитивните ефекти се видливи после две недели!

Исклучете една функција на вашиот мобилен и подмладете го мозокот за 10 години

Исклучете го Интернетот на две недели и гледајте што ќе се случи!

Истражување спроведено од научници од Универзитетот во Британска Колумбија покажува дека не треба да трошите два милиони долари годишно на рутини со цел да ја подобрите функцијата на мозокот. Имено, научниците откриле дека исклучувањето на Интернетот на мобилниот телефон во период од две недели може да го подмлади вашиот мозок за цели 10 години.

Во истражувањето учествувале 400 луѓе, вклучително студенти и вработени, кои преземале апликација што им го блокирала пристапот до Интернет, но можеле да остваруваат повици и да испраќаат пораки.

Резултатите покажале дека вниманието на учесниците, односно способноста да се фокусираат на еден предмет, значително се подобрило, станувајќи еквивалентно на вниманието на 10 години помлада личност.

Интересно е што дури 90 проценти од учесниците зборувале дека им се подобрило менталното здравје, а исто така испитаниците забележале и подобрување на личната благосостојба и задоволството од животот, што укажува на длабокото влијание што овој вид на промена може да го има врз секојдневниот живот.

Истражувачите истакнаа дека промената во функцијата на мозокот е најверојатно резултат на поразличниот временски распоред, каде што учесниците поминувале помалку време на Интернет, а повеќе во социјализација, физичка активност и престој во природа.

За време на студијата, времето поминато пред екранот било речиси преполовено, од просечни 5 часа и 14 минути на 2 часа и 41 минута дневно. Овие промени сугерираат дека постојаното поврзување со дигиталниот свет може да има цена, бидејќи психолошката функција се подобрува кога таа поврзаност ќе се намали.

Во експериментот, објавен во списанието PNAS Nexus, учесниците биле регрутирани преку онлајн портал. Просечната возраст на учесниците била 32 години, при што 63 % биле жени, 29% студенти, додека 42% биле вработени со полно работно време.

Тие биле поделени во две групи, при што првата група преземала апликација која целосно го блокирала Интернетот, додека втората група ги користела своите телефони како и обично во првите две недели, а потоа ја симнала апликацијата.

Анализата покажала дека во групата која прва го блокирала Интернетот, времето поминато пред екранот се намалило од 314 минути на 161 минута дневно. Иако ова време благо се зголемило кога го вратиле пристапот до Интернет, тоа сепак било за 15 % под нивото пред да започне експериментот.

Во втората група, времето поминато пред екранот паднало од 336 на 322 минути во првите две недели, а потоа на 190 минути во вториот период, што претставува намалување од 41 % во однос на претходните периоди, пренесува „Дејли меил“ (Daily Mail).

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Пацифичката државичка Науру го смени името

Пацифичката островска државичка Науру официјално го промени своето име во Република Наоеро.

Пацифичката државичка Науру го смени името

Пацифичката островска државичка Науру официјално го промени своето име во Република Наоеро, враќајќи се на своето традиционално име, во потег за кој властите велат дека има за цел зајакнување на националниот идентитет и зачувување на културното наследство.

Во мај, парламентот на Науру усвои уставен амандман со кој се менува името на земјата и првично планираше да одржи национален референдум. Но, претседателот Дејвид Адеанг вчера на социјалните мрежи објави дека референдумот е напуштен.

„Одлуката да не се одржи референдум беше донесена по внимателно разгледување на фактот дека Наоеро не е ново име кое сè уште не е прифатено меѓу граѓаните. Тоа е веќе идентитетот на нашиот народ, се наоѓа на националниот грб, се користи во секојдневниот говор на заедницата и, најважно, е дозволено со Уставот“, напиша Адеанг.

Скратеното име на земјата ќе биде Наоеро, додека нејзините граѓани ќе се нарекуваат деи-Наоеро.

На европските колонизатори им беше тешко да го изговорат оригиналното име

Европските колонизатори ја преименуваа земјата во Науру затоа што им беше тешко да го изговорат нејзиното оригинално име Наоеро. Таа островска земја со околу 12.000 жители е третата најмала земја во светот, по Ватикан и Монако.

Адеанг истакна дека одлуката не е од политичка природа, туку дека станува збор за идентитет, наследство и „зачувување на наследството на нашите предци и зајакнување на иднината на нашите деца“. Владата официјално ги информираше меѓународните организации и другите земји за промената на името, а процесот на премин кон новото име е веќе во тек.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Повторно му е намалена затворската казна на Диди, ќе излезе еден месец порано

Шон Диди Комбс ќе биде ослободен од затвор порано од планираното, и покрај неговата неодамнешна вмешаност во тепачка што го одведе во самица. 

Повторно му е намалена затворската казна на Диди, ќе излезе еден месец порано

Диди Комбс (56), кој беше ослободен од најтешките обвиненија за трговија со луѓе и рекетирање минатиот јули, но беше осуден за организирање проституција, треба да биде ослободен на 24 јануари 2028 година, според новите податоци.

Хронологија на промените на датумот на ослободување

Комбс првично требаше да биде ослободен од затвор на 8 мај 2028 година, но датумот подоцна беше поместен за 4 јуни истата година поради обвинувања дека консумирал алкохол и остварил нелегален телефонски повик додека бил во затвор. Неговиот адвокат ги негираше обвинувањата.

Во октомври минатата година, датумот на ослободување беше поместен за 25 април 2028 година, врз основа на законот FIRST STEP Act, реформа на затворскиот систем донесена за време на мандатот на Доналд Трамп, со што се овозможи предвремено ослободување на десетици илјади осуденици.

Датумот потоа беше ревидиран на 15 април 2028 година, а минатиот месец повторно беше поместен на 23 февруари 2028 година. Според најновите податоци од Федералното биро за затвори, Комбс сега треба да биде ослободен на 24 јануари 2028 година.

Федералното биро за затвори не сакаше да објасни зошто датумот е повторно променет. „Поради приватноста и безбедноста, не коментираме за условите на затворениците, вклучително и плановите за ослободување или причините за промена на датумите за ослободување“, изјавија тие за Дејли меил.

Тепачка во затворот

Новата затворска казна беше објавена една недела откако Комбс се тепаше со друг затвореник во федералниот затвор Форт Дикс во Њу Џерси. Според TMZ, кој се повикува на повеќе извори, раперот нападнал друг затвореник откако бил вербално навредуван.

Изворите тврдат дека по туркањето избувнала тепачка. Чуварите брзо интервенирале и ги разделиле, а Комбс наводно завршил во самица по инцидентот. Портпаролот на затворот Форт Дикс одби да потврди дека инцидентот се случил.

„Не објавуваме информации за сместувањето на затворениците, ниту коментираме дали некој е предмет на обвиненија, истраги или дисциплински мерки“, изјави тој за Дејли Меил.

Тагови: Пи Диди

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Најмалку 25 лица загинаа во тешка автобуска несреќа во Алжир (ВИДЕО)

Најмалку 25 лица загинаа, а 44 се повредени во сообраќајна несреќа што се случи кога автобус падна во клисура во покраината Бумердес, во северен Алжир, соопшти Цивилната заштита.

Најмалку 25 лица загинаа во тешка автобуска несреќа во Алжир (ВИДЕО)

Несреќата се случила на регионалниот пат RN24, кога автобусот што патувал од Сетиф се лизнал и паднал во клисурата, објавува порталот TSA Algerie.

Причината за несреќата сè уште не е објавена.

Цивилната заштита на Алжир распоредила големи човечки и материјални капацитети, вклучувајќи 11 возила на брза помош, а спасувачката операција продолжила до раните попладневни часови.

На местото на несреќата отиде и алжирскиот премиер Сифи Гриб, кој ја обиколи областа.

Тагови: Алжир

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер