Свет

Ишиба: Јапонија бара праведност во економските преговори со САД

Јапонија ќе ја „нагласи праведноста“ во сите дискусии со САД за девизните курсеви, рече премиерот Шигеру Ишиба, додека очекуваните билатерални трговски разговори го привлекуваат глобалното внимание поради царините .

Јапонија ќе ја „нагласи праведноста“ во сите дискусии со САД за девизните курсеви, рече премиерот Шигеру Ишиба, додека очекуваните билатерални трговски разговори го привлекуваат глобалното внимание поради царините објавени од американскиот претседател Доналд Трамп, пренесуваат агенциите.

Говорејќи на јавниот радиодифузен сервис NHK, Ишиба сугерираше дека Токио може да купи повеќе енергетски ресурси од САД и понуди флексибилност во однос на обвинувањата на САД за нецарински бариери на јапонскиот автомобилски пазар.

Трамп, кој неочекувано се приклучи на првиот круг од американско-јапонските разговори во средата и промовираше „голем напредок“, посочи дека сака разговорите да ги вклучат неговите обвинувања дека Токио намерно ја слабее својата валута за да им даде предност на своите извозници.

Ишиба рече дека ќе се одржат конкретни дискусии за валутната политика меѓу министрите за финансии Кацунобу Като и Скот Бесант.

„Ќе мораме да се справиме со ова прашање од перспектива на праведност“, рече Ишиба на прашањето како Јапонија ќе одговори доколку САД побараат зголемување на курсот на јенот.

Тагови: Доналд Трамп јапонија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Литар дизел од денеска се точи за 101,5 денари, за 1,5 денар повисоки цените и на бензините

Нов скок на цените на нафтените деривати – за прв пат по стартот на војната на Блискиот исток, литар дизел скокна над 100 денари и од полноќ литар се точи по цена од 101,5 денари.

Со последната одлука на Регулаторна освен зголемување од 3,5 денари кај дизелот за 1,5 се зголемуваат и цените не бенизните. 95-ка од денска се продава по цена од 93 денари, а 98-цата за 95 денари по литар. Во пресметката влегуваат и намалените акцизи, и тоа за 2 денари кај бенизните и за 4 денари кај дизелот.

Тагови: Дизел

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Метео

Денес попладне нестабилно со пороен дожд

Претпладне времето ќе биде сончево и топло, а попладне и во вечерните часови наместа ќе биде нестабилно со пороен дожд, грмежи и засилен ветер.

Локално процесите ќе бидат во форма на невреме со засилен до силен ветер и појава на град. Минималната температура ќе биде во интервал од 15 до 21, а максималната ќе достигне од 32 до 38 степени.

Во Скопје, сончево и топло со мала до умерена облачност, во вечерните часови во делови во котлината ќе има услови за пороен дожд и грмежи. Ќе дува слаб до умерен ветер од јужен правец. Минималната температура ќе се спушти до 20, а максималната ќе достигне до 38 степени.

До крајот на работната седмица ќе се задржи сончево и топло време со појава на умерена облачност во текот на денот.

Тагови: дожд

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Мицкоски во посета на Управата за хидрометеоролошки работи (УХМР)

во 11:00 часот, претседателот на Владата на Република Македонија, Христијан Мицкоски, ќе изврши увид во реализираните инвестиции и модернизацијата на Управата за хидрометеоролошки работи (УХМР).

Предвидено е премиерот Мицкоски да даде изјава за медиумите на крајот од настанот.

Тагови: Мицкоски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.