Исчезна најуспешната шпанска скијачка

Поранешната шпанска скијачка и освојувачка на Олимписки медал , Бланка Фернандез Очоа е исчезната и полицијата трага по неа.

Фернандез Очоа исчезнала пред повеќе од една недела , соопштува полицијата. Последен пат била видена на 23 . август додека вози црн Мерцедес во предградие на Мадрид.

Полицијата побарала информации од граѓаните , на барање на семејството на поранешната скијачка. Таа ја напуштила куќата без телефон , а од тогаш не користела платежни картички. До сега не е најдена никаква трага.

Очоа е првата Шпанка , освојувачка на Олимписки медал , кога во 1992 го освои бронзениот медал на ЗОИ во Албервил. Во периодот меѓу 1980 и 1992 учествувала на четири Олимпијади.

Ердоган со помирен тон во кавгата со Грција:Мора да ја намалиме напнатоста

Турција и Грција се подготвени да започнат „подготвителни преговори“ во врска со нивниот спор за истокот на Медитеранот, објави денеска турското претседателство.

На видео конференција меѓу турскиот претседател Реџеп Таип Ердоган, германската канцеларка Ангела Меркел и претседателот на Европскиот совет Шарл Мишел, учесниците изјавија дека „Турција и Грција се подготвени да започнат подготвителни разговори“ за источниот Медитеран, каде што двете земји се борат за потенцијално богата територија со природен гас.

Ердоган на состанокот рече дека „тие мора да ги намалат тензиите со меѓусебни мерки и да ги користат каналите на дијалог“, додаде истиот извор.

Турскиот претседател во петокот рече дека е подготвен да се сретне со грчкиот премиер Киријакос Мицотакис и да разговара со него доколку Атина покаже „добра волја“ за решавање на кризата.

Првиот круг на подготвителни преговори насочени кон решавање на конфликтите во источниот Медитеран се одржа во 2016 година.

Турција и Грција, обете членки на НАТО, се борат за наоѓалишта на нафта и гас во источниот дел на Медитеранот, во областа за која Атина смета дека е под нејзина јурисдикција.

На 10-ти август, Турција испрати истражувачки брод, придружуван од воени бродови, во водите меѓу Грција и Кипар.

За кризата ќе се дискутира на европскиот самит што беше одложен од 24 и 25 септември за 1 и 2 октомври, а повеќе земји и се закануваат на Турција со санкции.

Уапсен водачот на верска секта во Русија со над 10.000 членови (ВИДЕО)

Водачот на позната руска верска секта е уапсен заедно со уште две лица во Сибир, пренесува Би-Би-Си.

Сергеј Тороп, познат меѓу неговите следбеници како Висарион, ја основал „Црквата на последниот завет“ во сибирскиот регион Краснојарск во 1991 година.

Тројцата уапсени се обвинети за изнуда на пари и предизвикување душевна и физичка болка на своите следбеници.

Сергеј Тороп, Вадим Редин и Владимир Ведерников се осомничени за „основање на верска организација чии активности вклучуваат насилство врз членовите“.

Руските истражители изјавија за медиумите дека триото им земало пари на своите следбеници и дека извршиле психичко и физичко насилство врз нив.

Од основањето на сектата по падот на Советскиот Сојуз, 59-годишниот Тороп, инаку поранешен полицаец, привлече илјадници следбеници. Некои од нив веруваа дека Тороп е воскреснатиот Христос.

Следбениците на Црквата на последниот завет ја основале во 1995 година, нивната населба позната како Град на сонцето, во регионот Курага. Неколку стотици од нив живеат таму и во неколку други населени места во регионот. Руското Министерство за правда во 2000 година објави дека оваа секта има 10 000 следбеници ширум светот.

На членовите на последниот завет не им е дозволено да пушат, да пијат или да користат пари и мораат да живеат во скромни услови. Исто така, не им е дозволено да консумираат месо, кафе, чај, шеќер, леб со квасец и производи од пченица. Тие следат настава заснована на комбинација на методи на Руската православна црква и реинкарнација и се подготвуваат за „неизбежната апокалипса“.

Предвреме ќе се исплатат септемвриските пензии

Владата на денешната седница донесе одлука во понеделник, на 28 септември 2020 година да се врши исплата на пензии со висина до 11.000 денари.

Во вторник, на 29 септември 2020 година да се исплаќаат на пензии во висина од 11.001 денари до 14.000 денари,

Во среда, на 30 септември 2020 година да се врши исплата на пензии во висина од 14.001 денари до 18.000 денари и во четврток, на 1 октомври 2020 година исплата на пензии во висина над 18.000 денари.

– Владата ја разгледа и усвои Информацијата за исплата на пензии за септември 2020 година, и го задолжи Фондот за пензиско и инвалидско осигурување да ги достави податоците за пензиите до деловните банки најдоцна до 25 септември 2020 година за да се обезбеди пензионерите со септемвриските пензии да може да располагаат преку мрежата на банкомати и во трговската мрежа од 28 септември2020 година во четири групи, информираа од владината прес-служба.

Владата ја разгледа и усвои и Информацијата за исплата на парични права од социјална заштита, за септември 2020 година, според која податоците за корисниците на парични права од социјална заштита до деловните банки најдоцна до 2 октомври 2020, по што деловните банки треба да обезбедат достапност на средствата за паричните права од социјална заштита за месец септември преку банкомати и во трговските мрежи од 5 октомври 2020 година.

притисни ентер