Ирскиот министер Томас Бирн во Скопје: ЕУ цврсто верува во договорот од 2022 година, јазикот не е во опасност - Канал 5

Македонија

Ирскиот министер Томас Бирн во Скопје: ЕУ цврсто верува во договорот од 2022 година, јазикот не е во опасност

Еу цврсто верува дека договорот што беше направен пред три години со т.н. Француски предлог ќе биде исполнет од македонска страна и на таков начин ќе се отвори преговарачкиот процес, порача во Скопје ирскиот минстер за европски прашања, Томас Бирн..

Ирскиот министер Томас Бирн во Скопје: ЕУ цврсто верува во договорот од 2022 година, јазикот не е во опасност

Македонскиот јазик е признаен од ЕУ, а културата и идентитетот ќе бидат засилени со членството – порача ирскиот министер за Европа Томас Бирн на заедничката прес-конференција со неговиот колега Орхан Муртезани. Ирска која идната година ќе претседава со Унијата е силен поддржувач на евроинтегративниот пат на земјава кој како што кажа Бирн, мора да биде предвидлив и врз основа на заслуги. Сепак, истакна дека не може да даде никакви гаранции за нови блокади на Македонија, но додаде дека очекува по спроведување на условите од преговарачката рамка да се отклучи пристапниот процес. Даде и пример како членството ја трансформирало неговата земја.

„Членството во ЕУ ја трансформираше Ирска економски и социјално. Го поттикна нашиот просперитет. Членството во ЕУ ја засили улогата на Ирска на светската сцена и би рекол дека нашиот суверенитет е значително засилен. / Исто така би рекол дека нашата култура и нашиот јазик беа значително засилени од членството во ЕУ. Видов дека говорот го одржавте на акедонски и на албански јазик, бидејќи и ние имаме два јазици. Говориме англиски претежно, но го имаме и ирскиот јазик исто така кој е првиот официјален јазик во нашиот устав. Пред три години тој стана официјален јазик на ЕУ и тоа беше трансформативно за иднината на ирскиот јазик.“

Министерот Муртезани пак, повтори дека Македонија останува посветена на евроинтегративниот пат кој како што кажа, мора да се вреднува врз основа на заслуги и да не биде заложник на билатерализација. На средбите со европските колеги како што кажа тој, се пренесуваат македонските грижи за идни блокади, и не се работи на репреговарање на нешто што веќе е договорено. Смета дека преку резолуција на бугарските европратеници, би се изградиле заеднички позиции со Бугарија и би се подобриле односите меѓу двете земји.

„Јас сум застапник на идејата дека резолуциите или внатрешните политички прилики не треба да се градат против соседите. Ние мора да градиме заеднички позиции како соседи бидејќи цело време се повикуваме на Кошенхашките критериуми каде главни се добрососедските односи и за нас и за Бугарија. Ова што ние го правиме последните неколку месеци сите посети на минситри е да апелираме на сите тие наши грижи, не да спремаме терен да репреговараме, туку да најдеме начин да има нашиот процес крај. “

Премиерот Мицкоски во гостување на Канал 5 пред две недели понуди иницијатива за заедничка резлуција со Бугарија во Европскиот парламент, со која како што истакна, јасно и недвосмислено би се потврдиле македонскиот јазик и идентитет. На тој начин според него, би се ставил крај на отворените прашања, но и ќе се откриело дали промената на уставот е единствениот услов за земјава. Сепак, до сега од официјална Софија нема никаков одговор.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Насилни судири во Берлин: Полицијата ги удира демонстрантите (ВИДЕО)

Нов протест на иницијативата „Gen Z regelt“ во Берлин во саботата навечер доведе до судири меѓу демонстрантите и полицијата.

Насилни судири во Берлин: Полицијата ги удира демонстрантите (ВИДЕО)

Видео објавено на социјалната мрежа „X“ покажува како полицијата турка и совладува група млади луѓе во вагон на метрото.

Според полициските податоци, околу 1.200 луѓе поминале низ западниот дел на Берлин во еден момент, иако собирот бил регистриран само за 100 учесници.

Колоната тргнала околу 17 часот од Савињи Плејс во областа Шарлоттенбург, поминала по Курфирстендам и се разотишла на станицата Халенсе, објавува Тагесшпигел .

Портпаролката на полицијата изјави во недела наутро дека 20 лица се привремено уапсени, вклучително и за поставување огномет, отпор при апсење и напад на полицајци.

Поднесени се 28 кривични пријави, вклучително и за нарушување на јавниот ред, напад на службени лица и кршење на прописите за експлозиви.

Тројца полицајци се повредени, додека полицијата не даде информации за повредени демонстранти.

Портпаролката додаде дека податоците сè уште се обработуваат и дека бројките би можеле да се променат.

Обид за пробивање на полицискиот кордон

Како што објави полицијата на својот „WhatsApp“ канал, учесниците се обиделе да го пробијат полицискиот кордон на чело на колоната пред да тргнат.

Полицијата ги запрела со туркање и удирање со тупаници.

На теренот имало околу 700 полицајци, а колоната била запрена неколку пати за време на нејзиното движење.

На митингот биле извикувани слогани против Израел и германскиот канцелар Фридрих Мерц, додека полицијата изјави дека неколку пати биле скандирани и слогани против полицијата.

Тагесшпигел пишува дека биле видени палестински и курдски знамиња и дека митингот не бил исклучиво студентски протест, бидејќи присуствувале и левичарски групи и пропалестински активисти.

Организаторите го опишаа митингот како мирен и се дистанцираа од насилство и екстремизам.

Портпаролката на полицијата рече дека протестот бил во голема мера мирен и дека нема оштетени продавници на Курфирстендам.

Најавен е европски штрајк на младите

Иницијативата „Gen Z regelt“ протестира против лошите услови во училиштата, задолжителната воена служба и намалувањата на универзитетите и социјалното осигурување.

На крајот на октомври, таа организираше протести во повеќе од 30 германски градови, а во Берлин, околу 5.000 луѓе се собраа пред Бранденбуршката порта, според полициските податоци.

Најавен е европски штрајк на младите за 20 ноември, а организаторите пријавија 15.000 учесници само во Берлин.

Се очекуваат протести и во Франција, Италија, Шпанија, Белгија и Обединетото Кралство.

Тагови: Берлин

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Технологија

Американски министер: Наследникот на Хуанг треба да биде надвор од „Nvidia“

Министерот за финансии на САД, Скот Бесент, во неделата изјави дека „Nvidia“ треба да бара нов извршен директор надвор од компанијата. Неговата изјава доаѓа откако основачот Јенсен Хуанг поднесе оставка минатата недела. 

Американски министер: Наследникот на Хуанг треба да биде надвор од „Nvidia“

„Одборот на директори треба да гледа надвор од компанијата кога бара ново раководство. Со оглед на сè што се случи, потребни се фундаментални промени“, изјави Бесент за „Fox News“.

По заминувањето на Хуанг, американскиот претседател Доналд Трамп го препорача Тим Кук, за нов извршен директор на американскиот производител на чипови.

Регулаторни пропусти

Бесент го пофали Хуанг како иноватор, но нагласи дека технолошкото водство не може да биде изговор за непочитување на прописите. Тој, исто така, истакна дека федералните регулатори од Канцеларијата на контролорот на валутата (OCC), која ги надгледува националните банки, ќе ги отстранат директорите во финансискиот сектор без одлагање поради слични пропусти во надзорот.

Министерот праша дали „Nvidia“ ги игнорира предупредувањата поврзани со фиктивните компании во Сингапур. Тој истакна дека компанијата престанала да објавува одредени регионални бројки за продажба откако приходите во Кина паднаа, додека продажбата во Сингапур нагло се зголеми. Тој цитираше извештаи дека само 1 процент од чиповите што се продаваат во земјата останале таму.

Позадина на оставката

Јенсен Хуанг поднесе оставка на 12 ноември откако ја водеше „Nvidia“ повеќе од три децении. На неговата оставка ѝ претходеше признание за вонбрачна афера со Алис Хуанг. Таа е поранешна извршна директорка на сингапурската компанија „Megaspeed“ и медиумите ја поврзуваат со кинеската разузнавачка служба.

Бесент ги отфрли шпекулациите за шпионажа како „измислици“. Тој рече дека негова примарна загриженост е дали корпоративната култура на „Nvidia“ охрабрува „очигледно нелегална продажба“ за вештачко зголемување на профитот. Тој побара од одборот и надворешниот правен советник да му дадат одговори во рок од 10 дена.

Извор: Индекс.хр

Тагови: Nvidia

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Дали САД се подготвуваат за нов напад? Трет носач на авиони пристигнува на Блискиот Исток

Американскиот носач на авиони „УСС Теодор Рузвелт“ пристигнува на Блискиот Исток во следните 24 часа, каде што ќе им се придружи на двете веќе присутни ударни групи.

Дали САД се подготвуваат за нов напад? Трет носач на авиони пристигнува на Блискиот Исток

Со неговото пристигнување, вкупно три американски носачи на авиони ќе бидат распоредени во регионот. Веста ја објави „Њујорк тајмс“ и ја потврди американски воен претставник.

Распоредувањето на силите следеше по нападот со беспилотни летала на Иран врз Бахреин, втор таков напад за само три дена. Со ова заврши двомесечното затишје во непријателствата, додека мировните преговори со Вашингтон остануваат блокирани. На нападот во неделата му претходеше инцидент во петокот, кога американските сили пресретнаа два ирански беспилотни летала испукани кон државата од Персискиот Залив.

Пентагон и Централната команда на САД (CENTCOM), одговорни за воените операции на Блискиот Исток, сè уште официјално не го потврдија точниот датум на пристигнување на носачот.

Дипломатски прекин и зголемено воено присуство

Обновените судири се случуваат во контекст на целосен дипломатски застој и зголемено американско воено присуство во регионот. Тие се дел од поширок конфликт со Иран, кој започна кон крајот на февруари со координирани напади на САД и Израел.

Претседателот на САД, Доналд Трамп, неодамна го исклучи потпретседателот Џ.Д. Венс од мировниот процес и на социјалните мрежи изјави дека на Вашингтон повеќе не му е потребен договорот со Техеран.

Иако дополнителен носач на авиони пристигнува во регионот, американската војска неодамна ги негираше извештаите во израелските медиуми дека се прават подготовки за евентуално продолжување на операциите против Иран. Тие ги опишаа тврдењата за промени во распоредувањето на регионалните сили како „чиста шпекулација“.

Извор: Индекс.хр

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер