Ирина Шајк му се враќа на поранешниот фудбалер со помош на Леонардо ди Каприо (ФОТО)

Том Брејди е виден како ја зема Ирина Шајк од нејзиниот хотел во Мајами за време на Арт Базел.

На фотографиите, супермоделот е забележана како влегува во возилото на Брејди во петокот вечерта, додека Ирина носеше бел топ и фармерки со низок струк.

Што се однесува до поранешната ѕвезда на американскиот фудбал, Брејди таа вечер носеше сина капа со соодветна поло маица. Претходната ноќ Брејди и Шајк беа забележани на ексклузивна забава за холивудскиот актер Леонардо ди Каприо.

Сепак, извори тврдат дека за време на забавата се држеле настрана еден од друг.

„Брејди накратко беше на забавата и се поздрави со неа, но се поздрави и со многу други луѓе“, изјави извор за Page Six.

Инсајдерот додаде дека Брејди е во врска со други жени по неговиот развод со манекенката Жизел Бундхен во октомври 2022 година.

Иако In Touch во ноември објави дека Шајк и Брејди се „повторно заедно“ откако нивната краткотрајна врска заврши во октомври, нивната повторно разгорена романса не е потврдена. Сепак, нивните претставници не одговорија веднаш на барањето на Page Six за коментар. Како што беше претходно објавено, поранешниот бек на НФЛ и руската манекенка за прв пат предизвикаа гласини во мај, откако извор изјави за Page Six дека биле заедно на свадбата на американскиот агент за недвижности Џо Нахмад и моделот Медисон Хедрик.

Иако тогаш нивната романса не беше потврдена, тие се најдоа на насловните страници во јули кога беа видени како се „пипкаат“ во автомобил. Набргу потоа, Брејди и Шајк, која има ќерка со актерот Бредли Купер, беа забележани заедно во повеќе наврати, а еднаш поминале 48 часа заедно во хотел, набргу откако Брејди го финализираше разводот со манекенката Жизел Бундхен во октомври 2022 година. Шајк очигледно не губела време и решила што поскоро да започне романса со поранешниот американски фудбалер. Инаку, Жизел и Брејди за повеќе од 13 години брак станаа родители на синот Бенџамин (13) и ќерката Вивијан (10), а тој го има и синот Џек (15) од претходната врска со манекенката Бриџит Мојнахан.

Хамилтон ќе се обиде да научи италијански пред да се приклучи на Ферари

Седумкратниот светски шампион Луис Хамилтон одговори на прашањето дали ќе научи италијански пред да се приклучи на Ферари во 2025 година.

- Во сите овие години не можев да научам други јазици, но секако дека ќе се обидам. Се сеќавам кога се тркав со картинг во Италија, можев да научам нешто, па се надевам дека брзо ќе се сетам на овие фрази, изјави Хамилтон за официјалната веб-страница на Формула 1.

Британецот вози за Мерцедес од 2013 година. На 1 февруари се дозна дека на крајот на сезоната 2024 година ќе го напушти германскиот тим и ќе се приклучи на Ферари. Беше објавено дека Хамилтон потпишал долгорочен договор со Скудерија.

Минатата сезона, 39-годишниот Хамилтон го освои третото место во генералниот пласман на возачи, со 234 поени. /МИА

Кржовска:Случајот е пријавен во надлежните институции, ученичката доби опомена пред исклучување

Доцна попладнево со став излезе директорката на гимназијата Јосип Броз Тито, Силвана Кржовска.

Таа потврдува дека во врска со вчерашни случувања било пријавено во надлежните институции кои имаат надлежност за понатамошно постапување, без да наведе повеќе детали за какво вознемирување станувало збор.. Таа посочува дека бил одржан наставнички совет, кој едногласно изрекол педагошка мерка опомена пред исклучување за ученичката, а дека не се работело за префрлување во друг клас како што е презентирано во јавноста..

Земјоделци го навредуваа и исвиркаа Макрон на Саем за земјоделство

Земјоделците денеска го исвиркаа и навредуваа францускиот претседател Емануел Макрон на Саемот за земјоделство во Париз, незадоволни од неговата политика и барајќи мерки за подобрување на состојбата во земјоделството.

Макрон го отвори Саемот со четири и пол часа задоцнување поради судирите меѓу полицијата и земјоделците кои упаднаа на Саемот.

Иако се чинело дека ситуацијата се смирила, кога Макрон ја пресекол лентата, земјоделците извикувале „Оставка!“, „Губи се!“, „Ѓубре!“, пренесе Бета.

Сепак, францускиот претседателот разговараше еден час со земјоделците од три синдикални организации чии членови учествуваа во судирот со полицијата и рече дека „преферира дијалог наместо конфликт“. /МИА

притисни ентер