Свет

ИРГЦ: Ракети погодија тајно место за собирање на американски пилоти и инженери

Корпусот на Исламската револуционерна гарда (ИРГЦ) денеска објави дека ракети погодиле тајно место за собирање на американски летачки инженери и борбени пилоти пред една од нејзините бази во Обединетите Арапски Емирати.

Корпусот на Исламската револуционерна гарда (ИРГЦ) денеска објави дека ракети погодиле тајно место за собирање на американски летачки инженери и борбени пилоти пред една од нејзините бази во Обединетите Арапски Емирати, тврдејќи дека имало смртни случаи и повредени.

Одделот за односи со јавноста на ИРГЦ изјави дека морнарицата на организацијата, како дел од 91-от бран на операцијата „Садек 4“, извршила напади врз воени и инфраструктурни цели на американско-израелските сили во јужните земји од Персискиот Залив.

Во соопштението се наведува дека во нападите биле користени балистички и крстосувачки ракети „Кадир“, како и беспилотни летала.

Се додава дека флотата „Абрахам Линколн“ во северниот дел на Индискиот Океан била исто така цел на операцијата со четири крстосувачки ракети „Кадир 380“.

Според ИРГЦ, во вториот бран од операцијата, балистичките ракети погодиле тајно место за собирање на американски пилоти и летачки инженери, а извештаите од терен и зголемениот сообраќај на амбулантни возила укажуваат на голем број мртви и повредени.

Во следната фаза од операцијата, се вели, бил извршен напад врз американската единица беспилотни летала „MQ1“ во базата Али Салем.

ИРГЦ, исто така, објави дека поморските системи на организацијата го следат сообраќајот во Ормуската Теснина и дека „секое непријателско движење ќе биде дочекано со решителен одговор“, наведувајќи дека несигурноста во овој стратешки важен теснец е резултат на, како што тврдат, „криминалната и терористичка агресија на Соединетите Американски Држави“.

Тагови: Иран САД

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ЈП Водовод и канализација: Водата во Скопје безбедна за употреба

Неделен лабораториски извештај за квалитетот и безбедноста на водата за пиење.

ЈП Водовод и канализација – Скопје со цел подобра информираност на граѓаните на град Скопје, го објавува неделниот извештај за квалитетот и безбедноста на водата за пиење, добиен од анализите спроведени во Секторот за санитарна контрола.

Секторот за санитарна контрола во периодот од 14.09.2026 до 18.09.2026 зема 206 примероци за физичко-хемиска и 206 примероци за микробиолошка анализа на вода за пиење од 49 мерни места во Градот Скопје.

Согласно добиените резултати од испитувањата, сите примероци ОДГОВАРААТ на Правилникот за барања за безбедност и квалитет на водата за пиење (Службен весник на РМ, бр.183/18).

Тагови: Водата во Скопје

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Порака од претседателката Сиљановска-Давкова по повод еврејскиот празник Јом Кипур

Претседателката Гордана Сиљановска-Давкова упати порака до претседателот на Еврејската заедница Пепо Леви и до сите нејзини припадници, по повод одбележувањето на еврејскиот празник Јом Кипур.

Почитуван г. Пепо Леви,

Дозволете ми, Вам, лично, како и на сите припадници на Еврејската заедница во Македонија на чие чело сте, со длабока почит кон Јом Кипур, да ви упатам искрени желби за духовен мир, здравје и благосостојба!

Јом Кипур, најсветиот и највозвишениот празник во еврејската духовна традиција, е празник на тишината и молитвата, на постот и преиспитувањето, на покајанието и простувањето.

На овој ден, човекот се повлекува од секојдневната врева и, со искрено и смирено срце, се соочува со сопствената совест, со своите постапки и со одговорноста што ја има кон ближниот, кон семејството и кон заедницата.

Нашата човечка големина не е во совршеноста и безгрешноста, туку во храброста да признаеме грешка, да се преиспитаме, да побараме прошка и да најдеме сила да простиме.

Денешниот ден нè потсетува дека помирувањето не е само религиозна, туку и суштинска човечка и цивилизациска вредност.

Во свет во којшто сме сведоци на поделби, нетрпеливост и отуѓување, вредностите на Јом Кипур се повик за човечност, достоинство и заемно почитување.

Заеднички да го градиме македонското општество како место во кое секој човек слободно и достоинствено ќе ја живее својата вера, традиција и културен идентитет, а различностите ќе бидат мостови на разбирање, а не линии на поделба.

д-р Гордана Сиљановска-Давкова

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ПОЦ: Санкционирани 123 непрописно паркирани возила минатата недела

ЈП Паркинзи на Општина Центар во периодот од 13.09 до 20.09.2026 година, со помош на специјалните возила „Пајак“ отстранија 123 непрописно паркирани возила кои го попречувале нормалното и безбедно одвивање на сообраќајот.

За трајно решение на сообраќајниот метеж и проблемот со неправилното паркирање неопходна е поголема сообраќајна култура, затоа ЈП ПОЦ во наредниот период ќе продолжи со секојдневно отстранување на сите непрописно и несовесно паркирани автомобили во Општина Центар со цел да се подигне сообраќајната свест на повисоко ниво и да се зголеми безбедноста во сообраќајот.

Тагови: ЈП ПОЦ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.