Иранка е избрана за Мис на Германија (ФОТО) - Канал 5

Забава

Иранка е избрана за Мис на Германија (ФОТО)

Иранката Апаме Шонауер е новата Мис на Германија.

Иранка е избрана за Мис на Германија (ФОТО)

Таа има 39 години и по професија е архитект, а кога имала шест години со мајка си побегнала од Иран во Германија. Нејзината победа претставува промена во традиционалните норми на убавина и зголемување на инклузивноста. На овој избор за убавина се пријавиле околу 15 илјади девојки, а во финалето стигнале девет.

YouTube video

Шенауер се залага за правата на жените и е основач на мрежата Ширзан за угнетените жени. Откако е прогласена за Мис на Германија, таа рече дека сака „да ја искористи видливоста и досегот на Мис Германија за да ја брани различноста, да ги поддржи силните жени во сите сфери на животот и да ја слави непоколебливата сила кај жените“.

„Мислам дека Германија треба повеќе да ги отвори рацете и да ни дозволи да станеме поразновидни. Отсекогаш ги славев Божиќ и мојата персиска Нова година“, рече таа, меѓу другото.

Натпреварот за Мис Германија, кој првично започнала како натпревар за убавина, беше темелно реформиран во 2019 година за да ги направи кандидатите поразновидни, а според организаторите, тие повеќе не се оценуваат само според изгледот, туку и според карактерот, личниот ангажман, креативноста или единствената приказна. Од оваа година старосната граница е укината, па сега можат да учествуваат сите жени над 18 години.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Живот

„Мета“ ќе плати над 16 милијарди долари, постепено ќе става ограничувања за тинејџерите на Фејсбук и на Инстаграм

„Мета“ ќе плати над 16 милијарди долари во следната деценија и ќе го ограничува начинот на кој тинејџерите ги користат Фејсбук и Инстаграм, согласно договорот со речиси сите сојузни држави во САД.

„Мета“ ќе плати над 16 милијарди долари, постепено ќе става ограничувања за тинејџерите на Фејсбук и на Инстаграм

„Мета“ ќе плати над 16 милијарди долари во следната деценија и ќе го ограничува начинот на кој тинејџерите ги користат Фејсбук и Инстаграм, согласно договорот со речиси сите сојузни држави во САД, откако компанијата беше обвинета дека ги дизајнирала овие социјални мрежи за да создаваат зависност кај децата,

„Мета“ се согласи во следната деценија да го ограничи користењето на Фејсбук и на Инстаграм на тинејџерите на два часа дневно, а и да го блокира целосното користење од полноќ до 6 часот наутро, освен ако родителите не дадат согласност.

Овие ограничувања би можеле да бидат заострени доколку социјалните платформи Снепчет, Тикток и Јутјуб усвојат слични услови.

„Мета“, исто така, ќе ги исклучи повеќето известувања за тинејџерите во текот на наставата, од 8 до 15 часот, и ќе ги зајакне мерките за спречување на пристапот на децата до содржини со старосни ограничувања.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Забраната за движење во шуми продолжена до 30-ти септември

Поради зголемениот ризик од појава и ширење на шумски пожари, движењето низ шумите и шумските земјишта низ целата држава останува ограничено сè до 30 септември 2026 година.

Забраната за движење во шуми продолжена до 30-ти септември

Поради зголемениот ризик од појава и ширење на шумски пожари, движењето низ шумите и шумските земјишта низ целата држава останува ограничено сè до 30 септември 2026 година, соопштија од Министерството за земјоделство, шумарство и водостопанство.

Оваа одлука е донесена со цел директна заштита на природните богатства и зачувување на шумскиот фонд во овој критичен период. Од надлежното министерство апелираат до сите граѓани на максимална одговорност и претпазливост, со цел да се избегнат инциденти и појава на нови пожари на отворен простор.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Експлозија на автомобил во Санкт Петербург, убиен висок руски офицер

Утринава се случи експлозија на автомобил во Санкт Петербург во која загинал висок руски воен офицер, додека неговата сопруга со тешки телесни повреди е пренесена во болница. 

Експлозија на автомобил во Санкт Петербург, убиен висок руски офицер

Инцидентот се случил на паркинг во станбена зона на Ростовска улица во моментот кога возачот го активирал моторот на своето возило.

Ударниот бран бил толку силен што ги разнел задните стакла, го откорнал поклопецот од моторот и задниот браник. Делови од автомобилот и метални парчиња биле расфрлани на десетици метри околу местото на настанот.

Според тамошните медиуми возачот им подлегнал на повредите на лице место. Неговата сопруга, која исто така се наоѓала во возилото во моментот на експлозијата, во критична состојба е хоспитализирана на одделот за интензивна нега. Официјалните руски власти сè уште не го соопштуваат идентитетот на загинатиот офицер, ниту точната причина за експлозијата.

Ова е трет пат високо рангиран руски воен офицер да биде разнесен од почетокот на месецот. На 13 август во експлозија на улица во Севастопол загинна капетанот Роберт Шагеев од руската морнарица.

Тагови: русија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер