Свет

Иран погуби човек осуден за шпионажа во корист на Израел

Иранските власти погубија човек осуден за шпионажа во корист на Израел, обвинувајќи го за пренесување информации за нуклеарен научник убиен за време на 12-дневната војна на Израел во јуни, објави порталот Мизан на иранското судство.

-Рузбе Вади беше погубен по судењето и откако неговата казна беше потврдена од Врховниот суд, рече изворот. Тој беше обвинет за пренесување информации за „нуклеарен научник кој беше убиен за време на неодамнешната агресија на ционистичкиот режим“.

Осудениот беше обесен. Сè уште не е познато кога бил уапсен или осуден.

Според Мизан, Рузбе Вади работел во една од „клучните и тајни организации“ на Иран, а неговите функции му дозволувале да пренесува „доверливи информации“ откако бил регрутиран преку интернет од Мосад, израелската разузнавачка служба.

Во средината на јуни, Израел започна кампања за бомбардирање против Иран, што доведе до војна во која Техеран одговори со ракети и дронови. Во израелската офанзива беа убиени високи воени лица, нуклеарни научници и стотици други, целејќи и воени објекти и населени области.

Според локалните медиуми, најмалку десетина нуклеарни научници беа убиени за време на офанзивата.

По завршувањето на непријателствата, Иран вети брзи судења за оние осомничени за соработка со Израел. Властите најавија неколку апсења за шпионажа за Израел, како и егзекуции на оние прогласени за виновни за соработка со Мосад.

Дополнително, иранските власти денеска егзекутираа човек прогласен за виновен за припадност на џихадистичката група Исламска држава, за која Мизан рече дека планирала „терористички операции во Иран“. Според групите за човекови права, вклучувајќи ја и Амнести Интернешнл, Иран има втор најголем број егзекуции во светот, надминат само од Кина.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ВМРО-ДПМНЕ: Венко Филипче ја мрази Македонија, треба да се извини што лажеше за прославата за независност

Очигледно дека Венко Филипче ја мрази Македонија.

Паднаа лагите на Филипче и СДС – нема ништо незаконски во прославата.

Сите факти се на маса и сите конструкции паднаа. По обелоденувањето на информациите поврзани со проектот за одбележување на 35 години независност, јасно е дека нема ништо спорно и ништо незаконски.

Венко Филипче и СДС со денови ја лажеа јавноста, создаваа афери таму каде што ги нема и преку своите контролирани пера организираа хајка против луѓе и уметници. Сега, кога фактите ја разобличија нивната приказна, најмалку што можат да направат е јавно да се извинат.

Но оваа измислена афера откри нешто многу поголемо – на Филипче и СДС им пречи сè што создава чувство на гордост и припадност кон Македонија. Им пречи одбележувањето на независноста, им пречи кога народот е горд, им пречи кога Македонија слави сопствени успеси и сопствена историја.

Затоа нивната политика сè повеќе се претвора во антимакедонска матрица во која секој национален успех треба да биде омаловажен, секоја прослава да биде претворена во скандал, а секој човек кој не се вклопува во нивниот наратив да биде изложен на организирана хајка.

Особено лицемерно е однесувањето на Филипче. Во едната половина од денот измислува борба против некаква негова измислена „српска свест“, а во другата половина застанува во одбрана на турбо-фолкот и неговото присуство. Денес едно, утре друго – единствениот принцип е политичката корист.

Тоа не е политика на принципи, туку политика на конфузија, двојни стандарди и немоќ. И токму затоа Филипче толку лесно самиот се препознава кога ќе се спомене талогот. Не затоа што некој го посочил, туку затоа што политиката на лаги, конструкции, хајки и омаловажување на сопствената држава сама го пронаоѓа своето место.

Фактите победија, лагите паднаа.

А талогот, колку и да е гласен, на крајот секогаш останува на дното.

ВМРО-ДПМНЕ

Тагови: ВМРО-ДПМНЕ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Неколку дуќани изгореа откако изби голем пожар во Шуто Оризари (ВИДЕО)

Ноќеска избувнал голем пожар во скопската населба Шуто Оризари, изгорени се неколку дуќани и кафулиња.

Како што пренесуваат повеќе медиуми, на терен нема повредени, но е предизвикана голема материјална штета.

Постојат и сомневања дека пожарот бил подметнат.

Се очекуваат повеќе детали од МВР и противпожарните служби.

Тагови: пожар Шуто Оризари

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Општина Карпош: Детското игралиште во „Жданец“ со нов лик

Детското игралиште во населбата Жданец е целосно реновирано и реконструирано, со што најмладите жители добија побезбедно, поуредно и пофункционално место за игра и дружење.

Во рамки на реконструкцијата, целосно се заменети оштетените реквизити, поставени се нови седишта на клацкалките, како и нова заштитна мрежа на кошот кој се наоѓа во состав на игралиштето.

Дополнително, со цел подобрување на урбаната и естетската функционалност на просторот, заменети се дотраените дрвени даски на клупите со нови. Општина Карпош континуирано вложува во ревитализација на детските игралишта, обновување на постојната урбана опрема и поставување нова опрема таму каде што има потреба, создавајќи поквалитетни и побезбедни јавни простори за сите генерации. Грижата за јавниот простор е заедничка одговорност.

Затоа апелираме до сите граѓани совесно да ја чуваат и одржуваат урбаната опрема, која е наше заедничко добро и простор што го користиме сите.

ОПШТИНА КАРПОШ

Тагови: Општина Карпош

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.