СветИран: Оманскиот Залив може да стане гробница за американските бродовиИран во неделата упати остра закана до Соединетите Американски Држави поради нивната поморска блокада.Иран во неделата упати остра закана до Соединетите Американски Држави поради нивната поморска блокада, а главниот воен советник на врховниот лидер предупреди дека Оманскиот Залив би можел да се претвори во „гробишта“ за американските бродови доколку продолжат тензиите. Генерал-мајор Мохсен Резаи, член на Советот за проценка на целесообразноста на Иран, рече дека Иран ја смета поморската блокада за воен чин. Резаи: Блокадата е воен чин „Мојот воен совет до САД е да се повлечат пред Оманскиот Залив да стане гробишта за вашите бродови. Во спротивно, ние разбираме дека поморската блокада е воен чин, а одговорот на неа е наше природно право“, изјави Резаи за иранската државна телевизија. Тој додаде дека воздржаноста на Иран досега не треба да се толкува како прифаќање на притисок или закани. „Ако досега бевме трпеливи, тоа не значи дека сме го прифатиле“, рече тој. Резаи, исто така, го доведе во прашање оправданоста на военото присуство на САД во Заливот, тврдејќи дека Вашингтон повеќе нема изговори што претходно ги користеше за да ја задржи својата улога во регионот. „Америка доаѓа тука и ги носи своите воени бродови. Кој е нејзин непријател? Тие велеа дека дојдоа да се соочат со Советскиот Сојуз. Советскиот Сојуз повеќе не постои“, забележа тој. Тој нагласи дека Ормутскиот теснец останува отворен за трговија, но не и за воени кампањи. „Ормутскиот теснец е отворен за трговија, но ќе биде затворен за воено засилување и какви било обиди за дестабилизација на безбедноста“, рече тој.Тагови: Иран Ормускиот теснец Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.Бидете информирани следете не на Facebook
БалканЦрвен аларм во Грција поради шумски пожариДенес во Атика и неколку други региони во Грција беше издадена црвена тревога за шумски пожари, а властите го кренаа нивото на подготвеност на највисоко ниво.Денес во Атика и други региони на Грција беше издадена црвена тревога за шумски пожари, објави Генералниот секретаријат за цивилна заштита на Министерството за климатска криза и цивилна заштита. Државниот апарат е ставен во висока оперативна подготвеност поради опасноста од пожари, објави „ERT News“. Црвената тревога за шумски пожари е издадена за регионот Атика, вклучувајќи ја Китера, како и регионалните единици Коринт, Арголис, Аркадија и Лаконија. Истата тревога е издадена и за регионот Крит и регионалните единици Беотија, Фтиотида и Евија. Во северниот Егеј, црвената тревога се однесува на регионалните единици Лезбос, Хиос, Самос и Икарија, како и на Кикладите во јужниот Егеј. Активирањето на црвената тревога за пожар значи дека националниот механизам за цивилна заштита е ставен во целосна мобилизација, со распоредување на потребниот персонал, опрема и ресурси за справување со потенцијални пожари. Фото: ВИТагови: грција пожар Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.Претплатете се на нашиот newsletter
МакедонијаСДСМ: Со нетрпение го чекаме Мицкоски од екскурзијаБрисел е многу популарна дестинација за летување, особено за екскурзии.Екскурзија е организирано патување на група луѓе - најчесто ученици или студенти, заради учење, запознавање нови места, култура, историја… или во овој случај, заради одмор и политичко препакување. Со нетрпение го чекаме враќањето на Христијан Мицкоски. Одвои осум дена. Остануваат уште седум. Четири дена Брисел - „стручна екскурзија“. Таму, како што доликува на сериозна стручна посета, ќе се запознава со фабрики, институции и, секако, со Европската комисија. За да стекне практични знаења за… францускиот предлог. Ќе почекаме да се врати. Па сите да научиме дека францускиот предлог воопшто не е лош. Исто како што од Мицкоски научивме дека НАТО не е лош - напротив, феноменален. Исто како што од Мицкоски научивме дека Преспанскиот договор е ремек-дело на дипломатијата и многу други убави работи. Ќе треба само малку повеќе време гласачите на ВМРО да го сфатат тоа. Затоа што до вчера Мицкоски ги учеше сосема спротивно, додека клечеше и ветуваше само за да дојде на власт. Единствена трајна последица од тоа патриотско клечење во претходната кампања е што сега го болат колената. Затоа и го зеле седиштето 11D - да може да ги испружи. Со нетрпение го чекаме. Ќе имаме многу да учиме. СДСМТагови: СДСМ Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.Бидете информирани следете не на Facebook
МакедонијаВо Струмица заврши 21. „Астерфест“Синоќа, со проекција на пет наградени филмa, заврши 21. издание на интернационалниот филмски фестивал „Астерфест“, коешто се одвиваше под мотото „Со отворени очи“.По свеченото отворање од градоначалникот Петар Јанков, на самиот почеток, лауреатката Синоличка Трпкова ја прими наградата „Астер“ од претседателот на „Астерфест филм фестивал“, читајќи ја беседата „Ода за уметникот“. Во текот на петдневните чествувања во знакот на филмската уметност, во преполниот Амфитеатар беа прикажани 20-тина кусометражни филмови. Покрај натпреварувачката, имаше и ревијална долгометражна програма во која специјални проекции имаа „Версус: филмовите на Кен Лоуч“ на Луиз Осмонд, „Железна тврдина“ на Митко Панов, „Филм до вжештување“ на Дарко Баиќ и „Жртвопринесување“ на Андреј Тарковски. Гостите имаа Тивериополска филмска посета на Манастирот во Велјуса, а се одржаа и промоција на филмска литература и авторска средба низ прашања и одговори од публиката. Жири-комисијата, составена од Теа Китаришвили, Бернард Дичек и Ана Витанова-Рингачева, едногласно одлучи и ги соопшти наградите за најдобрите филмови. Гран прито за најдобар краток филм го понесе „Неми филмови“ на Крсте Господиновски, во македонско-романска копродукција. Златната потковица му припадна на „Крајолици на човештината“ на Јана Хунтерова, во чешко-македонско-британска копродукција. Сребрената потковица отиде во рацете на данскиот „Душа птица“ на Тобијас Кампан, а со Бронзената потковица се закити Маријам Бакачо Хачвани за грузискиот „Земјата на мажите“. За најдобар режисер со наградата „Ацо Алексов“ беше прогласена Елвира Барбоза за францускиот филм „Франсин, исток-запад“, а наградата за најдобро сценарио „Ѓорги Абаџиев“ отиде кај Бранко Костески за македонскиот краток филм „Остров“. Специјални признанија од жирито добија и јужнокорејскиот „Разденување“ на Хе-о Парк и бугарскиот „Оџачарот“ на Настимир Цачев. Најголем број гласови од публиката освои канадскиот оскаровец „Девојчето што ронеше бисери“ на Крис Левис и Мациек Шчербовски, а нововостановената награда за најдобра женска улога „Зора Георгиева“ ѝ припадна на британската актерка Софи Томпсон во филмот „Нешто бесмислено“. Фестивалот продолжува со намерата да го афирмира светскиот авторски филм, но и дела од македонската кинематографија. Овогодишниот „Астерфест“ беше поддржан од Агенцијата за филм на Македонија и од Општина Струмица.Тагови: Струмица Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.Бидете информирани следете не на Facebook