Иран егзекутира човек обвинет за шпионажа за Мосад - Канал 5

Иран егзекутира човек обвинет за шпионажа за Мосад

Иран рано утрово егзекутира човек обвинет за шпионажа за израелската разузнавачка агенција Мосад.

Иран егзекутира човек обвинет за шпионажа за Мосад

„Смртната казна на израелски шпион, кој им обезбедувал на службениците на Мосад слики и информации за чувствителни области во земјата, беше извршена утрово откако помина низ законската постапка и доби одобрение од Врховниот суд“, јави иранската новинска агенција Тасним.

Човекот наводно бил регрутиран преку интернет од израелската разузнавачка служба додека бил во Шведска, откако ги објавил своите податоци на линк за рекламирање групни патувања. Првиот контакт наводно го направил офицер на Мосад кој зборувал персиски, се додава во извештајот. Тој бил уапсен од страна на Иранската револуционерна гарда (ИРГЦ) во јуни минатата година во Иран, за време на 12-дневната војна со Израел.

Според извештаите, тој поседувал софистицирана шпионска, разузнавачка и сателитска комуникациска опрема, а кај него биле пронајдени и 30.000 евра во готово.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Седум лица лишени од слобода во Скопје, Струга и тетовско затоа што кај нив била пронајдена дрога

Во текот на изминатото деноноќие, полициски службеници на повеќе локации низ државата лишија од слобода седум лица кај кои била пронајдена дрога.

Седум лица лишени од слобода во Скопје, Струга и тетовско затоа што кај нив била пронајдена дрога

На 14.06.2026 во 01:05 часот кај месноста „Мороишки мост“ во близина на Струга, полициски службеници од Одделението за недозволена трговија со дрога при ОВР Струга го лишија од слобода Ј.О.(39) од Струга. При извршена контрола и преглед кај него била пронајдена и одземена марихуана.

На 13.06.2026 во 23:30 часот во тетовското село Боговиње, полициски службеници од Полициското одделение Камењане го лишија од слобода Н.Е.(19) од Тетово. при преглед во патничко моторно возило „фолксваген голф“ со скопски регистарски ознаки, кое го управувал, било пронајдено и одземено пакување со бела прашкаста материја. Тој е задржан во полициска станица.

На 13/14.06.2026 во Скопје, на различни локации, полициски службеници од СВР Скопје ги лишија од слобода А.Д.(48), И.А.(22), Д.П.(18), сите од Скопје, како и Г.Б.(37) од с.Волково, скопско и М.А.У.(24) од Турција затоа што кај нив се пронајдени и одземени марихуана, бела прашкаста материја и грутчеста материја.

По целосно документирање на случаите против нив ќе следуваат соодветни поднесоци.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Лишен од слобода возач од Батинци, управувал возило со 244 километри на час

Лишен од слобода возач од Батинци, управувал возило со 244 километри на час, двојно поголема брзина од дозволеното, следува соодветна пријава.

Лишен од слобода возач од Батинци, управувал возило со 244 километри на час

На 13.06.2026 во 20:00 часот на автопат Скопје - Гевгелија, кај село Милетково, гевгелиско, полициски службеници од СВР Струмица - ОВР Гевгелија го лишија од слобода И.Р.(21) од село Батинци, општина Студеничани. При контрола на патниот сообраќај со радар, полициските службеници констатирале дека И.Р. управувал патничко возило „бмв“ со скопски регистарски ознаки со брзина од 244 километри на час на место каде со сообраќаен знак брзината на движење е ограничена на 120 километри на час.

За настанот е запознаен јавен обвинител од Основното јавно обвинителство Гевгелија, по чии насоки возилото е одземено. По документирање на случајот против И.Р. ќе биде поднесена кривична пријава по член 297- а - „безобѕирно управување со моторно возило“.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

26 годишна девојка од Македонија загина утрово во стравична сообраќајка

Тешка сообраќајна несреќа се случила денеска на патниот правец Поградец – Ќафасан во Албанија, при што животот го загубила 26-годишна девојка од струшкото село Ливада.

26 годишна девојка од Македонија загина утрово во стравична сообраќајка

Според првичните информации, автомобил управуван од жителка на Корча Албанија се судрил со возило со македонски регистарски таблички, кое го управувала македонската државјанка. Во несреќата смртно настрадала 26-годишната Е.Л., која била сопатничка во возилото со македонски таблички. Повредени се и двајцата возачи, како и уште двајца патници кои се наоѓале во двете возила. Сите повредени се пренесени во болница, каде што им е укажана лекарска помош. Според информациите на албанските медиуми, нивната состојба е стабилна и тие се надвор од животна опасност. На местото на несреќата извршен е увид, а истражните органи работат на утврдување на причините и околностите под кои дошло до трагичниот судир.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер