Ирак го презема управувањето со едно од најголемите нафтени полиња на светот - Канал 5

Свет

Ирак го презема управувањето со едно од најголемите нафтени полиња на светот

Ирачката влада денес објави дека ќе го преземе управувањето со нафтеното поле Западна Курна 2 од Лукоил, според условите на договор за услуги со рускиот нафтен гигант.

Ирак го презема управувањето со едно од најголемите нафтени полиња на светот

Ирачката влада има намера да ги финансира операциите на Западна Курна 2, едно од најголемите нафтени полиња во светот, преку сметка на нафтеното поле Маџнун и ќе бара дозволи за тоа, изјавија официјални лица. Сметката ќе биде „надополнета“ со приходи од испораките на нафта што ги продава државната компанија SOMO.

„Државната нафтена компанија Басра ќе ги покрива платите за локалните вработени, оперативните трошоци и плаќањата на подизведувачите, користејќи ја сметката поврзана со нафтеното поле Маџнун за да го олесни процесот“, рече еден од ирачките менаџери на нафтеното поле Западна Курна 2.

Производството во Западна Курна 2 останува стабилно на околу 465.000 до 480.000 барели нафта дневно, додаде официјалниот претставник.

Премногу голем залак?

Лукоил поседува 75 проценти од акциите во Западна Курна 2, а остатокот го контролира државната ирачка нафтена компанија „Саут Оил Компани“.

По воведувањето на американските санкции во октомври, Лукоил одлучи да ги продаде своите странски средства, вклучително и својот удел во ирачкото нафтено поле.

Ирачките експерти во ноември изјавија дека Западна Курна 2 е преголем проект за управување од страна на ирачките државни компании и дека ирачкото Министерство за нафта нема намера да го купи уделот на Лукоил во полето.

На почетокот на декември, министерството објави дека поканило неколку големи американски нафтени компании да достават понуди за уделот на Лукоил, наведувајќи дека победникот на тендерот ќе го замени рускиот гигант како менаџер.

Според извори, околу десетина инвеститори изразиле интерес за купување удел во Западна Курна 2, вклучувајќи ги американските нафтени гиганти „Ексон Мобил“ и „Шеврон“, како и американската инвестициска фирма „Карлајл“.

Незаменливи барели

Ирачкото Министерство за нафта сега одлучи да ги преземе операциите за да спречи какви било прекини во производството што би можеле да предизвикаат санкции врз рускиот Лукоил, изјави неименуван функционер на министерството, кој е директно запознаен со ситуацијата во Западна Курна 2.

Лукоил прогласи „виша сила“ на полето Западна Курна 2 во ноември. Санкциите на САД ѝ го отежнаа на руската компанија префрлањето пари во Ирак, па затоа Багдад се договори да ги исплати платите на вработените во ноември за да се осигури дека производството ќе продолжи.

Западна Курна 2 е клучна за извозот на Ирак, објаснија неименувани ирачки функционери во ноември, истакнувајќи дека другите ирачки полиња не би можеле да ги заменат неговите барели, со оглед на моменталните ограничувања на капацитетот.

Ирак е втор по големина производител во Организацијата на земјите извознички на нафта (ОПЕК), зад Саудиска Арабија, а продажбата на сурова нафта сочинува 90 проценти од буџетските приходи на Ирак.

Ирак моментално извезува 3,4 милиони барели нафта дневно. Нафтата од Западна Курна 2 сочинува 0,5 проценти од глобалното производство и околу девет проценти од ирачкото.

Тагови: Ирак

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Фото: Најзгодната мама повторно воодушеви во бикини

Екс манекенката Роузи Хантингтон-Вајтли ужива во одморот со својот славен сопруг, холивудскиот актер Џејсон Стетам и децата.

Фото: Најзгодната мама повторно воодушеви во бикини

Познатото семејство летниот одмор го мининува на егозтичната Малта, каде што Роузи повторно позира во провокативно бикини.

Убавата Роузи Хантингтон-Вајтли ја покажа својата извајана фигура во минијатурни бикини за време на луксузниот семеен одмор со Џејсон Стетам.

39 годишната манекенка моментално ужива на Малта со 20 години повозрасниот Џејсон и нивните две деца – деветгодишниот син Џек и четиригодишната ќерка Изабела.

Парот веќе објави фотографии од одморот, но кога станува збор за Роузи, никогаш не е доволно.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Во Франција пронајдени тела на пет бебиња

Француските обвинители покренаа истрага за сомнително убиство откако во станот на еден пар во градот Оранж, во југоисточна Франција, беа пронајдени посмртните останки на пет новороденчиња, соопштија локалните правосудни органи.

Во Франција пронајдени тела на пет бебиња

Остатоците од бебињата биле пронајдени во картонски кутии за време на претрес на станот во историскиот центар на градот, спроведен од 32-годишниот партнер на жената, откако тој – според обвинителството – дури во напредна фаза дознал дека таа повторно е бремена, пренесува „Франс 24“.

Жената во неделата дома родила здраво дете, по што била пренесена во болница.

По пристигнувањето во станот, нејзиниот партнер пронашол остатоци за кои се сомневал дека се човечки остатоци и ги известил болничките вработени, кои го пријавиле случајот во обвинителството. Според првите наоди на судскиот испитувач, остатоците најверојатно им припаѓаат на пет бебиња, а причината и околностите на нивната смрт ќе бидат утврдени со обдукции.

Истражителите сè уште не разговарале со мајката, соопштија од обвинителството.

Двојката има и две деца на возраст од осум и девет години.

Тагови: Франција

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Шпанската пејачка ја откри вистината за нејзината врска со фудбалерот

Шпанската пејачка Ана Мена одлучи да проговори по бројните гласини што ја поврзуваат со сè попопуларниот фудбалер Феран Торес.

Шпанската пејачка ја откри вистината за нејзината врска со фудбалерот

Шпанската пејачка Ана Мена категорично демантираше дека е во врска со напаѓачот на Барселона, Феран Торес – освојувач на Светското првенство во 2026 година со шпанската репрезентација – и ги нарече таквите тврдења „глупости“ и „апсурдни“, откако беа видени заедно за време на прославата на светската титула.

Пејачката веднаш реагираше на гласините што се појавија во медиумите деновиве, особено на оние што ја поврзуваат со фудбалерот на Барселона.

„Ова е бесмислица, за име на Бога. Навистина е смешно“, им изјави таа на собраните новинари, пренесува Goal.com.

Медиумите почнаа да ги поврзуваат Ана Мена и Феран Торес откако беа видени заедно на прослава на плоштадот Сибелес, организирана од Шпанската фудбалска федерација, а потоа и на приватна забава во еден од најпознатите ноќни клубови во Мадрид.

Шпекулациите дополнително се разгореа кога пејачката се појави во дрес со бројот 7, кој Торес го носи во шпанската репрезентација.

Кога ја прашале Анна зошто го носела токму тој дрес, Ана Мена кратко одговори: „Па, тоа е дресот што ми го дадоа, не знам.“

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер