Интригантниот живот на Том Круз - Канал 5

Шоу биз

Интригантниот живот на Том Круз

Холивудската ѕвезда, легендарниот актер Том Круз води многу интригантен живот поради врската со Скиентолошката црква. 

Интригантниот живот на Том Круз

Црква која според медиумите од големиот заводник бара да исполнува скоро невозможни работи.

Во моментов светските медиуми се преокупирани со врската на славниот Том Круз со младата кубанска актерка Ана де Армас. Извори блиски до Том и Ана тврдат дека нивните средби се „строго деловни“, а шпекулациите за можен четврти брак на Круз продолжуваат.

Мегапопуларниот Круз зад себе веќе има три брака со актерките Мими Роџерс, Никол Кидман и Кејт Холмс. Сите врски на легендарниот актер се придружени со бројни контроверзии, а неговиот приватен живот е поинтригантен од сценаријата што Том ги игра на во филмовите.

Доколку Ана стапи во врска со Том, би се соочила не само со партнерот кој е 26 години постар од неа, туку и со целиот систем што го опкружува Круз – од неговата посветеност на Скиентологијата, до комплицираниот однос со неговите деца, а секако и до вниманието на светските медиуми.

Првата сопруга на Том беше актерката Мими Роџерс. Тие се венчаа во 1987 година и се разведоа две години подоцна. Токму преку Мими Круз влезе во светот на Скиентолошката црква, која подоцна ќе одигра клучна улога во неговиот личен живот.

Во 1990 година Том се венча со убавата австралиска актерка Никол Кидман.

Заедно посвоија две деца – Изабела и Конор, кои денес живеат во согласност со скиентолошката вера на нивниот татко. Разводот во 2001 година ја остави Никол во состојба на целосен шок.

Се претпоставува дека причината за раскинувањето е нејзиниот отпор целосно да се приклучи на скиентологијата.

По неговиот развод со Кидман, почнаа да кружат гласини дека високи членови на Скиентолошката црква организирале „аудиции“ за да му најдат нова сопруга на Том.Изборот најверојатно паднал на убавата актерка Кејт Холмс.

Том во 2006 година во Италија се жени со Кејти Холмс, на скиентолошка церемонија.

Во 2012 година Кејти го напушта бракот, но и скиентологијата. Наводно, нејзиниот главен мотив бил да ја заштити нивната ќерка Сури од влијанието на оваа организација. Оттогаш Том и Сури не биле во контакт.

Иако судските документи покажуваат дека Том и плаќа на Кејти 400.000 долари годишно за Сури и ги покрива сите нејзини трошоци додека таа не полнолети, таткото и ќерката наводно не се виделе од 2013 година.

Тагови: Том Круз

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Мицкоски: Во рамките на посетата на Вашингтон, остварив средба со Каролин Вик

Во рамките на посетата на Вашингтон, остварив средба со Каролин Вик, главен директор за политики и вршител на должноста главен директор за развој во Американската корпорација за меѓународен финансиски развој - DFC.

Мицкоски: Во рамките на посетата на Вашингтон, остварив средба со Каролин Вик

Во рамките на посетата на Вашингтон, остварив средба со Каролин Вик, главен директор за политики и вршител на должноста главен директор за развој во Американската корпорација за меѓународен финансиски развој - DFC, институција која располага со инвестициски капацитет од 205 милијарди долари и претставува значаен инструмент на САД за мобилизирање приватен капитал и инвестиции во стратешки сектори.

Разговаравме за можностите за продлабочување на соработката и отворање нови перспективи за инвестиции во Македонија, особено во стратешки области како енергетиката, високите технологии и современата инфраструктура.

Нашата цел е преку силното стратешко партнерство со Соединетите Американски Држави да создадеме нови можности за економски развој, привлекување инвестиции и подобар стандард за граѓаните, напиша на својот профил на Фејсбук, премиерот Христијан Мицкоски.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Видео: Се огласија сирени во два полски града, затворени и аеродромите

Полска привремено затвори два аеродрома поради воени дејствија на руските воздухопловни сили во соседна Украина. 

Видео: Се огласија сирени во два полски града, затворени и аеродромите

Пријавени се експлозии во близина на полско-украинската граница.

Оперативната команда на полските вооружени сили соопшти дека активностите во воздушниот простор се поврзани со руските напади со беспилотни летала во Украина, пренесува LBC.

Украински претставник потврди дека за време на денешниот руски напад со беспилотни летала, се слушнале експлозии на неколку километри од границата со Полска, која е членка на НАТО. Во Жешов и Лублин, во источниот дел на земјата, се огласија сирените за воздушна опасност, а граѓаните беа предупредени да побараат засолниште.

„Копнените системи за противвоздушна одбрана и системите за радарски надзор се во состојба на целосна готовност“, соопштија Полските вооружени сили.

Од командата додадоа дека станува збор за превентивни мерки насочени кон обезбедување и заштита на воздушниот простор, особено во областите што граничат со загрозените региони.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Герасимовски: Казни до 1.800 евра за градилишта што го нарушуваат комуналниот ред и узурпираат јавни површини

Инспекциските служби на Општина Центар за една недела изрекоа глоби, во износ од 1.300 до 1.800 евра, за четири градилишта на територијата на локалната самоуправа.

Герасимовски: Казни до 1.800 евра за градилишта што го нарушуваат комуналниот ред и узурпираат јавни површини

Казните се изречени поради оставање градежен материјал и градежен шут на јавни површини, со што биле нарушени комуналниот ред и јавната чистота, а биле отежнати движењето на пешаците и одвивањето на сообраќајот.

„Нашите инспектори се на терен и будно ја следат состојбата на активните градилишта. Контролите продолжуваат, а особено внимание посветуваме одржувањето на чистотата и непреченото користење на јавниот простор. Секој што нема да ги почитува прописите ќе биде соодветно санкциониран“, порача градоначалникот на Општина Центар Горан Герасимовски.

Од Општина Центар апелираат до инвеститорите и градежните компании да не оги узупираат а јавните површини, да ги почитуваат законските обврски и да се грижат за безбедното движење на граѓаните.

Инспекциските контроли продолжуваат со засилен интензитет.

Тагови: Општина Центар

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер