Интервју на Бошко Трпески, претседател на Здружението на македонските спортски новинари - Канал 5

Други спортови

Интервју на Бошко Трпески, претседател на Здружението на македонските спортски новинари

Бошко Трпески, претседателот на Здружението на македонските спортски новинари во интервју за МИА зборуваше зборуваше за членството во Меѓународната асоцијација за спортски новинари (АИПС), за Првиот конгрес на АИПС за Југоисточна Европа што се одржува во Охрид, за придобивките на Македонија и македонските новинари од зачленувањето во АИПС ЈИЕ, како и за целите на македонското Здружение.

Интервју на Бошко Трпески, претседател на Здружението на македонските спортски новинари

Македонија првпат по осамостојувањето стана членка на Меѓународната асоцијацијата на спортски новинари - АИПС. Кога и каде се случи тоа?

- Чекавме 23 години. Во поранешна Југославија бевме членки и рамноправни со колегите од Европа и светот, а сега тоа е случај и со македонските спортски новинари. Одлуката е донесена на 77. Конгрес на АИПС, одржан во Баку од 27 април до 1 мај. Во европската и светската АИПС бевме примени под уставното име Македонија, заедно со Лесото, Малави, Тунис и Туркменистан. На овој Конгрес присуствуваа по двајца делегати од 147 земји во светот.

Дали беше тешко изборено нашето членство во АИПС?

- Се започна во Будва пред девет години по иницијатива на црногорската, македонската босанската и српската асоцијација на спортски новинари, а во присуство на врвни сегашни и поранешни спортисти кои ни дадоа целосна поддршка тргнавме во уривање на бариерите кои ги поставија политичарите за свои интереси. Ние не се бориме за враќање на Југославија туку за уривање на бариерите меѓу нас. Најактивни бевме ние и Црногорците, а подоцна се приклучија и Хрватите, Србите, новинарите од Романија, Словенија, Бугарија, Молдавија... Целта е остварена и успеавме. Членки сме и на Европската и на Светската АИПС.

Како македонските спортски новинари можат да ја добијат АИПС легитимацијата и кои бенефиции ги имаат со неа?

- За да се стане член на АИПС ЈИЕ прво треба да се биде дел од матичните асоцијации во државите од овој дел на Европа. Македонските спортски новинари кои се членови на нашето здружение имаат можност да аплицираат за добивање на АИПС карта. Поседувањето на таква легитимација дава големи придобивки за новинарите. Тоа значи отворени врати за нив на сите големи европски и светски настани. Котизацијата до лани беше 42 долари за една година, а сега е 45 долари за две години.

Охрид од денеска е домаќин на Првиот конгрес на АИПС за Југоисточна Европа. Што беше пресудно на Македонија да и се додели организацијата на еден ваков голем настан?

- Македонскиот туристички бисер Охрид ќе пречека повеќе од 120 новинари од спортските редакции на електронски и печатени медиуми од држави на Југоисточна Европа кои ќе учествуваат во работата на Првиот конгрес на АИПС од ЈИЕ што во организација на Здружението на спортски новинари на Македонија од денеска наредните три дена ќе се одржува во Охрид. Ние ја добивме честа, но и обврската да бидеме организатори на овој голем настан како резултат на нашата работа. АИПС ги следеше нашите активности, а признанија за нашата асоцијација за помагање на многу спортски натпревари стигнуваат од повеќе европски страни.
Работниот дел од конгресот ќе содржи и неколку тематски предавања на претседателот на Македонскиот олимписки комитет Васил Тупурковски, директорот на Агенцијата за млади и спорт Марјан Спасески, како и на проф. Зоран Ханџиски кој ќе одржи предавање на тема „Допингот и спортот“.

Конкретно кои се темите на кои ќе се дебатира?

- Учесниците ќе можат да се произнесат на следниве теми: улогата на спортскиот новинар во создавање на здрав животен стил, спортскиот новинар и неговата улога во елиминирање на насилството на спортските терени, спортскиот новинар и неговата улога во елиминирање на допингот во спортот и улогата на спортскиот новинар во борбата против криминалот на спортските терени, односно местењето резултати.
На крајот ќе се усвои резолуција која ќе биде испратена УЕФА, ФИФА, ФИБА, и до други спортски федерации и институции од спортот за да видат какви пораки испраќаме.
Во рамки на состанокот во Охрид предвиден е и спорстко-рекреативен дел, со турнир во мал фудбал на кој ќе учествуваат екипи на спортските новинари од Македонија, Србија, Црна Гора, Босна и Херцеговина, Хрватска, Словенија, Бугарија, Грција, Романија, Молдавија, Турција, Албанија и Унгарија како придружна членка. Предвидени се признанија и награди за победниците на турнирот, а на најдобриот голман ќе му биде врачена специјална награда „Петар Милошоски“, во знак на сеќавање на прерано починаиот наш репрезентативен голман.

Овој настан е убава можност за промоција на нашата држава?

- Една од целта беше и да го поврземе спортот со туризмот. Многумина прват доаѓаат во Охрид па ќе можат да се запознаат со културно-историските споменици, македонската традиционална кујна... Сакаме пред гостите да ги претставиме СРЦ „Билјанини извори“, убавините на планината Галичица која има потенцијал да стане голем Зимски спортски центар. Да помогнеме на туризмот и на бизнисот, а овие гранки да возвратат во спортот. Да се искористат искуствата. Со изградбата на спортската инфраструктурата веќе можеме да конкурираме за натпревари од повисоко ниво. Целта во таа насока.

Вие сте претседател на Здружението на спортски новинари на Македонија. Кои се целите на ова здружение?

- Ние сакаме да го обалгородиме спортскиот живот во Македонија. Сакаме да ја вратиме довербата во клубовите, да го избегнеме насилството, местењето резултати на спортските терени. Кај нас обложувалниците се полни со сиромашни луѓе. Се стремиме преку разни средби, семинари, предавања да го афирмираме спортот, да го промовираме и негуваме спортското достоинство и да ги елиминираме девијатните појави во спортот како допингот, насилството и криминалот во спортот кој зема се поголем замав. Но, тука сме и кога треба и да се критикува без да навлегуваме во политички игри. Спортот не признава политика. Единаесетте кои настапуваат за нашата фудбалска репрезентација се борат за бојата на Македонија без оглед на нивната политичка, национална, верска припадност и поради тоа ние мора да им даваме безрезервна поддршка. Улогата на спортскиот новинар треба да биде насочена во таа насока. Сакаме младите да ги превоспитуваме, да бидеме поактивни. Организираме многу предавање, со вклучување на психолози, педагози, социолози. Бараме спортот да се сфати како фер игра, а не како борба со непријатели.

Интервјуто што го пренесе МИА го направи Зоран Стерјовски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Тенис

Синер прв, Ѓоковиќ на 12 местот на листата на АТП

Најтрофејниот светски тенисер во историјата, Новак Ѓоковиќ, го задржа 12-тото место на најновата АТП-листа со 2.980 бода, додека Италијанецот Јаник Синер останува на првото место со 11.500 бода. 

Синер прв, Ѓоковиќ на 12 местот на листата на АТП

Шампионот од Грен слемот во Њујорк, Германецот, Александар Зверев ја држи втората позиција со 9.690 бода, додека Шпанецот Карлос Алкараз е трет со 5.560.

Американецот Бен Шелтон останува четврти во светот, а Канаѓанецот Феликс Оже-Алијасим се наоѓа на петтото место.

Меѓу топ десетте најдобри светски тенисер се и Русинот, Данил Медведев, Италијанецот Флавио Коболи, Американецот Френсис Тиафо, Австралиецот Алекс де Минор и уште еден Американец, Тејлор Фриц.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Разбиена криминална група за шверц на лекови, полициска акција во Скопје, Тетово и Гевгелија

Разбиена криминална група осомничена за шверц на лекови..

Разбиена криминална група за шверц на лекови, полициска акција во Скопје, Тетово и Гевгелија

Во акцијата која се спроведува на повеќе локации во Скопје, Тетово и Гевгелија според првичните и неофицијални информации упасени се шест лица а се трага по уште неколкумина.

Според се уште неофицијалните информации, при претресите во Скопје и Тетово полицијата пронашла магацини со лекови и кај еден правен субјект и машина за екстракција на масло.

Полициската акција од одделот за сузбивање на организиран и сериозен криминал, под раководство на ОЈО ГОКК ја потврдуваат од МВР но засега само со информација дека е насочена кон сузбивање на криминална група инволвирана во криумчарење на стоки и извршување на коруптивни кривични дела.

Од обвинителството информираат дека акцијата е под раководство на јавен обвинител од специјализираното одделение за гонење на кривични дела сторени од лица со полициски овластувања и припадници на затворската полиција и дека во тек се претреси и други истражни дејствија на повеќе локации по што ќе следува детална информација

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Здравје

Клековски: Што ќе добијат пациентите со дигиталното здравство - податоците го следат пациентот

Што ќе добијат пациентите со дигиталното здравство - податоците го следат пациентот, а пациентот одлучува кој ги гледа.

Клековски: Што ќе добијат пациентите со дигиталното здравство - податоците го следат пациентот

Во организација на Министерството за здравство денес во Свечената сала на Владата беше претставена Стратегијата за дигитално здравство 2026–2030 на лекари, пациентски организации, комори, институции и ИТ експерти. Во центарот на стратегијата е пациентот. Целта е до 2030 година секој граѓанин да има пристап до своите здравствени податоци, а секој лекар да ја има целосната информација во моментот кога го лекува пациентот.

Денес пациентот ја носи својата историја од шалтер до шалтер. Наодот од приватната лабораторија, снимката направена во друга болница и терапијата препишана надвор од упатниот ланец често не се пред лекарот кога тој одлучува. Анализата на која се заснова стратегијата го опишува системот како „функционално оперативен, но структурно фрагментиран“. „Мој термин“, Фондот и регистрите на Институтот за јавно здравје работат, но не разменуваат податоци меѓу себе, истакна министерот за здравство, Сашо Клековски.

Што ќе значи тоа за пациентите и кои се бенефитите:

Податоците го следат пациентот. Податоците ќе одат со пациентот од матичниот лекар до специјалистот, болницата, лабораторијата и аптеката. Пациентот нема да ја раскажува историјата одново, а истите анализи нема да се прават двапати.

Своето досие на интернет. Преку надградениот портал „Мое здравје“ граѓаните ќе имаат пристап до своето здравствено досие, покрај термините и е-рецептите што се достапни денес. Потоа ќе следат и консултации на далечина.

Пациентот одлучува за своите податоци. Здравствените податоци се сметаат за дел од личноста. Секој ќе може да види кој ги отворил неговите податоци, да побара исправка на грешка, да овласти претставник и да даде или повлече согласност. Овие права ќе бидат уредени со закон.

Еднаков пристап за сите. Телемедицината ќе добие правна основа, а хроничните пациенти ќе можат да се следат на далечина, особено во руралните средини без редовен пристап до специјалист. Услугите ќе бидат прилагодени за лица со попреченост, а за постарите лица и за граѓаните што не користат дигитални услуги ќе останат достапни и класичните канали.

Превенција навреме. Благовремените податоци за опфатот со скрининзи и за ризиците ќе овозможат болестите да се откриваат порано, а превенцијата да се насочи таму каде што е најпотребна.

„Стандардите и системите ги правиме ние. Разликата ја чувствува пациентот — или не ја чувствува. Тоа е мерката“, изјави министерот за здравство Сашо Клековски. „Ова не е проект за нови компјутери. Сакаме системите што веќе ги имаме да почнат да работат заедно, за пациентот и за лекарот.“

Стратегијата содржи 5 приоритети, 38 мерки и 152 активности. Во 2026–2027 година се поставуваат основите: законите, институциите и стандардите. Главната имплементација, вклучувајќи го „Мое здравје“, е предвидена за 2028–2029 година. Стратегијата е усогласена со Европскиот простор за здравствени податоци, што ќе им овозможи на граѓаните по пристапувањето во ЕУ нивните податоци да бидат достапни и кога се лекуваат во друга држава-членка.

Стратегијата е изработена во рамки на проектот „Надградба на системот за е-здравство“, финансиран од Европската Унија преку ИПА III. Проектот го спроведуваат консултантските компании Гномон и АСЕЕ. Коментарите од денешната консултација ќе бидат вградени во ревидираната верзија, која ќе биде доставена до Владата на усвојување.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер