Интензитетот на сообраќај на патните правци надвор од градските средини е зголемен - Канал 5

Македонија

Интензитетот на сообраќај на патните правци надвор од градските средини е зголемен

СОСТОЈБА: Сообраќајот на државните патишта се одвива непречено, по суви коловози.

Интензитетот на сообраќај на патните правци надвор од градските средини е зголемен

ФРЕКВЕНЦИЈА: Интензитетот на сообраќај на патните правци надвор од градските средини е зголемен. На граничните премини од македонска страна нема подолги задржувања за влез и излез од државата.

ВНИМАТЕЛНО: АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.

ИЗВЕСТУВАЊЕ: Во периодот од 17.08.2026 до 01.10.2026 година, поради изведување работи на објектот „Санација на косина на автопат А4, делница Миладиновци – Свети Николе – Штип (кај наплатна станица Преод)“, ќе биде изменет режимот на сообраќај пред наплатната станица Преод.

СЕЗОНСКИ РЕЖИМ НА СООБРАЌАЈ: Од 15 Април, патниот правец Охрид – Ресен преку националниот парк Галичица е отворен за сообраќај за сите видови возила до 3,5 тона.

ЗАБРАНА ЗА ТЕШКИ ТОВАРНИ ВОЗИЛА: Од 1 јули до 31 август на државните патишта во Македонија се воведува летен времен режим на сообраќај со кој се забранува движење на тешки товарни возила со вкупна маса над 15 тони, за време на деновите од викендот и за денови при екстремно високи температури. Термините се следни:

петок од 17:00 – 22:00 часот,

сабота од 09:00 до 18:00 часот и

недела од 09:00 до 22:00 часот.

Во деновите со екстремно високи температури, определени од Министерство зa здравство, забранaта ќе важи и од понеделник до четврток во период од 11:00 до 17:00 часот.

Ограничувањето не се однесува на возила кои превезуваат животни, цвеќе, хуманитарна помош, жито и житни култури и леснорасиплива стока, нафта и нафтени деривати, превоз на опасни материјали и возила кои вршат превоз за компании кои имаат склучено договори за изведување на проекти на државните патишта со ЈП за Државни патишта.

На магистралниот пат А2 делница: Скопје – Охрид – Скопје (со важност до 01 септември) се забранува движење на тешки товарни возила чија вкупна маса преминува 7,5 тони за време на викендите, во следните интервали:

петок од 15:00 – 22:00 часот,

сабота од 07:00 до 12:00 и од 18:00 до 24:00 часот и недела од 07:00 до 22:00 часот.

Овој посебен режим на сообраќај се воведува во текот на летото со цел избегнување на застојот во сообраќајот на патната делница кон најпосетуваното туристичко место во Република Македонија, намалување на застоите на пунктовите за наплата на патна такса и воопшто побрз проток на возилата и непречено движење на туристите.

Ограничувањето не се однесува на возила кои превезуваат живи животни, цвеќе, хуманитарна помош, жито и житни култури и леснорасиплива стока.

РАБОТИ НА ПАТ:

Од 06.07.2026 г. започна времена измена на сообраќајот при санација на мост на река Брегалница на Р1204 во Штип и ќе трае до завршувањето на санацијата.

Од 21.05.2026 г. во 8 часот ќе се започне со изведување на градежни активности-санација на мостови на државен пат А2 делница Гостивар-Стража конкретно на мост бр.4 Вијадукт на Атанасова река и мост бр.7 Вијадукт на Дол и истата ќе трае до завршување на санацијата. Со таа цел ќе биде воспоставен времен режим на сообраќај кој ќе трае до самото завршување на градежните активности.

Од 14.04.2026 г. се изведуваат градежни активности на Државен пат А2 делница Гостивар – Стража на мост бр.7 Вијадукт на Дол. Со цел да може да се реализираат работите за санација на мостови, ќе биде воспостовен времен режим на сообраќај додека траат градежните активности.

Од 30.03.2026 година, ќе се изведуваат градежни активности на државен пат А2, мостови на А2 на реката Вардар во близина на с.Желино во двата правци (Скопје – Желино и Желино – Скопје), со цел санација на истите. Времениот режим ќе се спроведува согласно Одобрението за временска измена на режим на сообраќај издадено од Министерство за транспорт.

Од 13.03.2026 година започна со активности за изведба на премин на интерконективен гасовод под автопат А1 (М1) Пријателство, делница Смоквица – Гевгелија. На делницата се поставени знаци за времен режим на сообраќај.

На државниот пат А2 (скопска обиколница) се врши рехабилитација во должина од 250 метри од клучка Волково до клучка Кондово. Има поставено соодветна сигнализација за затворањето на левата сообраќајна лента за претекнување. Сообраќајот се одвива по лентата за движење (средна) и лентата за принудно запирање (десна).

Од 12.09.2025 започната е градежната активноста – санација на свлечиште на регионален пат Р1202 делница Косоврасти – Мелнички Мост, односно воспоставена е времена измена на режимот на сообраќај до завршување на активностите.

Според известување од Виадукт Треј Дооел – Гостивар, како дел од изведбата на Коридор 10Д, во тек е важност на времен режим на сообраќај на патен правец Прилеп – Битола, каде ќе се пренасочи движењето на возилата по регионалниот пат Прилеп – Битола, од делот од клучка Лагово до Тополчани.

Тагови: сообраќај

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Драма во Венеција по судар на два чамца: Момче е мозочно мртво, девојката ја бараат во каналот (ВИДЕО)

Млад Италијанец (25) е прогласен за мозочно мртов откако нивниот чамец се судрил со водно такси во Венеција, додека неговата сопруга (26), бразилска државјанка, сè уште се води како исчезната.

Драма во Венеција по судар на два чамца: Момче е мозочно мртво, девојката ја бараат во каналот (ВИДЕО)

Несреќата се случила во сабота наутро, пред изгрејсонце, во каналот помеѓу островот Тесера и аеродромот Марко Поло во Венеција.

Според досегашните информации, италијанскиот рибар од Бурано патувал во мал чамец со својата бразилска сопруга кога се судриле со водното такси.

25-годишникот претрпел тешка трауматска повреда на мозокот во судирот, како и други повреди.

Тој бил итно префрлен во болница, каде што бил опериран, а потоа лекуван на интензивна нега. Лекарите се обиделе да му го спасат животот, но без успех.

Младиот човек оттогаш е прогласен за мозочно мртов.

Неговата сопруга Габриела сè уште се води како исчезната. Досега е пронајдена само нејзината чанта.

Нуркачи, пожарникари и карабинери учествуваат во операцијата за пребарување, поддржани од хеликоптер. Оштетениот и потонат чамец на младиот рибар е лоциран и ќе биде извлечен од водата, по што ќе биде темелно испитан.

Истражителите се обидуваат да реконструираат што се случило во раните утрински часови.

Според првичните информации, во делот од каналот каде што се случила несреќата нема камери што би го снимиле судирот.

Возачот на водното такси им рекол на истражителите дека не видел други чамци пред судирот.

Затоа, причината за несреќата засега е непозната. Карабинерите обезбедиле водно такси, додека експертите ќе се обидат да утврдат како се случил судирот откако ќе се извлече вториот пловил.

Според бразилските и италијанските медиуми, починатиот млад човек е Шон Микиели, додека името на неговата сопруга е Габриела Кверино.

Бразилскиот портал „Метрополс“ објавува дека двојката се венчала пред само три месеци.

Двајцата се запознале во Венеција, градот каде што подоцна почнале да живеат заедно.

Габриела наводно живее во Италија околу две години, потврди нејзината сестра Марија Едуарда на социјалните мрежи.

Таа моментално се обидува да патува во Италија за да помогне во потрагата по својата сестра.

Тагови: венеција каналот

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Бизарно

Извлечена е премија на лото, но добитникот не се јавува- нема кој да ги подигне 7,5 милиони долари

Тикет од Лото Тексас вреден околу 7,5 милиони долари е продаден во продавница за храна во Хјустон, но добитникот сè уште не го добил џекпотот, соопштија претставници на Лотаријата на Тексас.

Извлечена е премија на лото, но добитникот не се јавува- нема кој да ги подигне 7,5 милиони долари

Добитниот тикет, кој содржел случајни броеви, бил купен во продавницата Крогер на адреса Меморијал Драјв 14344. Тој се совпаѓа со сите шест броеви извлечени во извлекувањето на Лото Тексас на 5 септември: 14, 17, 25, 26, 30 и 37.

Играчот ја избрал опцијата за готовина при купувањето на тикетот и има право на 3.971.819,05 долари пред оданочување. Сопственикот на тикетот има 180 дена од датумот на извлекувањето за да ја подигне наградата.

Службениците ги повикаа сите што го имаат добитниот тикет да го потпише, да го чуваат на безбедно место и да размислат да побараат финансиски и правен совет пред да контактираат со Лотаријата на Тексас.

„Освојувањето на џекпотот на Лото Тексас е секогаш голем момент и со нетрпение очекуваме да прославиме со играчот што го држи добитниот билет кога ќе дојде да ја земе својата награда“, рече Кортни Арбур, извршен директор на Одделот за лиценцирање и регулирање на Тексас, кој ја надгледува Лотаријата на Тексас.

Џекпотот започна од рекламираните 5 милиони долари за извлекувањето на 12 август и порасна за 11 извлекувања пред да биде освоен во саботата навечер.

Речиси 47.900 други билети на Лото Тексас, вклучувајќи ги и оние со функцијата Extra!, освоија пониски награди кои се движат од 2 до 11.813 долари на истото извлекување.

Тагови: добитник лото

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Нашиот Македон на 12 години е примен во престижната Програма за талентирани млади при Универзитетот „Џонс Хопкинс“ во САД

На само 12 години, нашиот Македон е примен во престижната Програма за талентирани млади при Универзитетот „Џонс Хопкинс“ во САД, со седиште во Балтимор, Мериленд – , Baltimore, Maryland , USA. 

Нашиот Македон на 12 години е примен во престижната Програма за талентирани млади при Универзитетот „Џонс Хопкинс“ во САД

Програмата е наменета за ученици со исклучителни академски способности од целиот свет.

По тестирањето, Македон го доби и престижното признание „Гранд Хонорс / СЕТ“, за исклучителни резултати по математика и вербални способности.

Grand Honors = највисоко признание за исклучително високи резултати во рамките на CTY тестирањето.

SET = Study of Exceptional Talent – програма/признание на Johns Hopkins за ученици кои постигнуваат исклучително високи резултати на тестирањата, значително над очекуваното за нивната возраст.

На само 11 години постигна и 1440 поени на САТ тестот – 740 по математика и 700 по читање и пишување.

Зад сите овие бројки и признанија стои едно нешто – огромна љубов кон знаењето.

Со повеќе од 20 златни медали од меѓународни математички натпревари, Македон продолжува да учи, да сонува и да ги поместува своите граници.

Како родители, не можеме да бидеме погорди.

Македон, продолжи да веруваш во себе.

Ова е само почеток, објави на ФБ неговиот татко Владимир..

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер