Потадоците покажуваат дека само од почетокот на годинава до месец април , од 66 закони предложени од страна на пратениците 59 биле донесени по скратена постапка..Дополнително минатата година од вкупно 314, податоците на институтот покажуваат дека само 105 закони биле на предлог на пратениците, што значи дека не биле предмет на проценка на регулатива, ниту на антикорупциска проверка на легислативата..

-Не треба да не зачуди констатацијата на граѓаните, осносно нивната перцепција согласно Извештајот за проценка на корупција од 2023тата година каде што за речиси 80% од граѓаните пратениците се едни од најкорумпираните професии во државата. Оттука тоа што е битно е во наредната година да се посветиме на многу поголема надзорна расправа која што ќе се случува во рамки на собранието, да се дискутираат многу поголем број на значајни прашања кои што се под надлежност на самото Собрание, вели Снежана Камиловска Трповска – Македонски Центар за мегународна соработка.

Корупцијата е најголемиот проблем на општетстовото, а Собранието и пратениците во својата улога како надзор врз институциите кои ги избираат имаат клучна улога во борбата против неа – смета Миша Поповиќ од Институтот за демократија..Според него потребно е да се организира што поголем број на надзорни расправи во Собранието, наместо да расте политичката поларизација.

-Потребно е да видиме повеќе надзорни расправи. Едноставно улогата на Собранието е тоа да практично биде „полицаец“ на некој начин врз институциите.. Секој коруптивен инцидент заслужува меѓудругото и надзорна расправа. Да не заборавиме дека надзорната расправа не може да ја замени работата на јавното обвинителство, на антикорупциска комисија, на ДЗР, на Биро за јавни набавки, меѓутоа затоа грижата за надвор е во рацете на Собранието, истакна Миша Поповиќ – Институт за демократија..

Институтот за демократија Социетас Цивилис организираше тркалезна маса на тема „До каде е Собранието со борбата против корупцијата?“, на која беше анализирано со какви пречки се соочуваат институциите во борбата против корупцијата и што се било преземено во изминатите 12 месеци од страна на Собранието за спроведување на антикорупциски политики.