Институт Преспа: Бугарија била политички најприсутна во Македонија

Бугарија минатата година имала највисоко политичко присуство во земјава, и покрај тоа што најголемиот дел од граѓаните во земјава не го перцеприаат нашиот источен сосед како голем пријател.

– Покажува индексот за меѓународно присуство направен од институтот Преспа. Од таму велат дека тоа се должи на големиот број на посети на бугарски политичари на земјава минатата година, но и на Договорот за добрососедство и пријателство со официјална Софија. Според нив, иако Бугарија високо рангира на индексот, заедно со САД, Германија и Словенија, очекуваат зголемување на политичкото присуство во Македонија и на Грција.

Во поглед на мекото или културолошко присуство во Македонија, високо рангира и Турција. Истражувањето покажува дека најголемиот дел од студентите, странците кои имаат регулиран престој, како и војниците кои доаѓаат во земјава на воени вежби доаѓаат од оваа земја.

Од институтот велат дека според истражувањето Македонија е геополитички атрактивна држава, а податоците покажуваат дека најголемо присуство во севкупното политичко, економско и меко влијание имаат, пред се, земјите од Европската Унија и САД. Токму и амбасадата на САД во поглед на останатите дипломатските мисии во Македонија е најголема, односно по бројот на акредитирани дипломати, таа е голема колку грчката и руската амбасада заедно.

Ердоган: Турција е согласна за членството на Финска во НАТО

Турција е согласна за членството на Финска во НАТО, Шведска во моментов ништо да не се обидува.

Турција позитивно гледа на барањето на Финска за членство во НАТО, но не и на барањето на Шведска, изјави денеска тТурскиот претседател, Реџеп Таип Ердоган, во обраќање пред пратениците на неговата партија на Правдата и развојот (АК) во турскиот Парламент.

-Шведска во овој момент не треба ништо ни да се обидува. Нема да го поддржиме нивното барање за влез во НАТО се додека тие дозволуваат палење на Куранот, рече Ердоган, пренесен од британските медиуми.

Турскиот претседател пред пет ден сугерираше дека неговата земја можеби ќе се согласи Финска да влезе во НАТО пред Шведска.

Шефот на турската дипломатија, Мевлут Чавушоглу, два дена подоцна даде слична изјава.

Почна со работа стационарот за бездомни кучиња во Струмица

Во Струмица денеска почна со работа стационарот за бездомни кучиња со кој управува ЈП „Лана“. 

Стационарот располага со вкупно 58 легла-боксови, каде ќе работат двајца ветеринарни лекари, тројца ветеринарни техничари, двајца заловувачи и тројца одгледувачи.

Според градоначалникот на Струмица, Костадин Костадинов, процесот на иницијален третман на околу 500 бездомни кучиња од градот и населените места на Општина Струмица започнува веднаш, а во текот на следните 2-3 месеци, во соработка со Факултетот по Ветеринарна медицина, Сектор за благосостојба и Агенцијата за Храна и Ветеринарство е планирано броење на сите бездомни кучиња во Општината.

-Со пуштањето во употреба на Стационарот „Лана“ практично почнуваме со решавање на еден од најголемите проблеми на струмичани, а тоа се бездомните кучиња- скитници за кои имавме многу несакани ситуации, каснување на луѓе и во неколку случаи на деца. Додека во државата одредени општини декларативно се занимаваат со овој проблем, ние суштински и системски го решаваме и од денес општина Струмица е единствената општина во државата со свој сопствен стационар за бездомни кучиња. Јас ги уверувам граѓаните дека стационарот ќе ги дава посакуваните резултати и на крај мора да нотирам дека особено ме радува фактот што веќе ги имаме и првите семејства, граѓани коишто сакаат да вдомат кучиња, рече Костадинов.

Директорката на „Лана“, Сузана Стојкова, истакна дека во стационарот бездомните кучиња ќе бидат згрижени, но објектот е и место за едукација и средби на љубителите на животни, но и место каде ќе се разговара за правата на животните и ќе се учи како да се покаже благодарноста кон кучињата.

Изградбата на Стационарот за бездомни кучиња чини 7 милиони денари кои се обезбедени од општинскиот буџет, а проектот го подготви и реализираше Центарот за развој на Југоисточниот плански регион. За функционирање на Стационарот Општината предвидува 4,5 милиони денари годишно, но и самиот ќе обезбедува средства преку заловување и третман на кучињата од општините Босилово и Ново Село.

Инаку, со оперативниот план за работа на Јавното претпријатие за заловување бездомни кучиња “Стационар Лана – Струмица“ во период од 2 години е предвиден целосен третман на целокупниот број бездомни кучиња заедно со новородените и новодојдените на територијата на Општина Струмица.

Мицкоски:ВМРО-ДПМНЕ е пример како треба да се градат општините, а и Македонија по изборите

Градоначалникот на Карбинци, Паунов за две години ќе ја реализира целата програма, ВМРО-ДПМНЕ е пример како треба да се градат општините, а и Македонија по предвремените парламентарни избори.

Секогаш е задоволство кога се присуствува на вакви настани, кога можете да сведочите на нешто кое претходно сте го ветувале, како што градоначалникот во кампањата за локалните избори во 2021 година ветуваше. Од она што можев во еден неврзан разговор пред да ја дадеме оваа изјава, е дека повеќе од 60-70% од она што е ветено во таа кампања е и реализирано.

Градоначалникот Паунов е оптимист, заедно со администрација овде заедно со луѓето кои се дел од тимот на Општина Карбинци е дека до крајот на втората година, практично во истекот на втората година од неговиот мандат како градоначалник речиси и ќе исполни целата програма која што ја ветуваше во кампањата за локалните избори во 2021 година.

Слушнавме дека ќе имаме и градежна офанзива и оваа пролет и лето, временските прилики се добри. Денеска се завршува со асфалтирање на оваа улица, видовте дека граѓаните се задоволни бидејќи после децении газење кал, сега имаат можност да видат еден исклучително квалитетен градежен објект, со тротоари, со атмосферска канализација, со нов асфалт.

Продолжуваме да градиме, онаму каде што ВМРО-ДПМНЕ има градоначалници продолжува да биде пример како треба да се гради најрпвин својата општина, а потоа и како ќе ја градиме Македонија после следните предвремени парламентарни избори.

Јас само можам да охрабрам и да посакам уште многу вакви проекти да бидат реализирани и граѓаните овде во Општина Карбинци, иако мала општина, но со огромен потенцијал, да бидат задоволни од тоа што градоначалникот заедно со неговиот тим ќе им го работат.

Христијан Мицкоски, претседател на ВМРО-ДПМНЕ

Центар за комуникации на ВМРО-ДПМНЕ

притисни ентер