И тој и министерот Лимани кои ќе влезат во трката за локалните избори, нема да ги напуштат функциите, кажа премиерот Христијан Мицкоски, кој не очекува нивните кандидатури да го нарушат функционирањето на Владата и ресорните миистерства. Премиерот не сакаше да коментира дали е етички и коректно Меџити и Лимани да водат кампања, додека се министри, бидејќи според него тоа е согласно закон, а политичарите, како што рече, не се тука да даваат морален суд.

-Она кое што во моментот во рамките на Владата е дека секој министер има и заменик министер. Тие не поднесоа оставка. Нормално дека ќе ги извршуваат своите обврски во рамките на министерствата, на ресорите кај што се министри и истовремено ќе бидат кандидати. Тоа не е првпат тоа да се случува, честопати се случувало и во минатото така што сето она коешто претставува нормално функционирање на институциите, ќе продолжи во таа насока, изјави Мицкоски.

Според претсетаделот на Институтот за Демократија, Марко Трошановски сите истражувања покажуваат дека локалната власт ужива многу поголема поддршка кај граѓаните, а одливот на дел од кадрите на ВЛЕН од централна во локална власт го гледа во таа насока - да се зајакне позитивниот впечаток на терен помеѓу општините и граѓаните и нивните секојдневни проблеми.

-. Мислам дека на некој начин менаџирањето на штетата што заминуавњето на Таравари ја направи по ВРЕДИ и дополнително зајакнување на впечатокот на локално ниво е целта и на Лимани и на Изет Меџити коишто би настапиле во општините. Во таа смисла нема премногу да влијае на централната власт особено доколку истите извојуваат победа, особено Меџити, бидејќи неговата победа би била потенцијално многу посимболичка во дуелот со Бујар Османи, изјави Трошановски.

Се поизвесно е дека локалните избори ќе се одржат со стариот Изборен законик. Измените на новиот ги блокираат ДУИ и немаат Бадентерово мнозинство во Собранието. И премиерот Мицкоски не е оптимист дека ќе се постигне консензус за нив, согласно роковите. Со тоа останува неизвесна и судбината на независните кандидати за учество на локалните избори откако настана правен вакуум со прагот за собирање потписи.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.