Инспектори влегоа во битолската болница, се истражува како било третирано 24-годишното момче - Канал 5

Здравје

Инспектори влегоа во битолската болница, се истражува како било третирано 24-годишното момче

Инспектори влегоа во битолската болница за најновиот смртен случај во оваа клиника, дваесет и четири годишно момче кое почина заврчера, според обдукцијата, од внатрешно крварење предизвикано од инфекција.

Инспектори влегоа во битолската болница, се истражува како било третирано 24-годишното момче

Освен докторите од неврологија, инфектологија, ОРЛ, хирургија, и други оддели при битолската клиника што го лекувале младото момче под лупа на Државниот санитарен и здравствен инспекторат е и целата медицинска документација, потврдува за Канал 5 Директорката Рената Младеновска. Иако овој инспекторат нема ингеренции да утврдува лекарска грешка, сепак има право да лоцира евентуална одговорност за тоа дали зошто пациентот не е веднаш хоспитализиран кога првпат дошол во болница. Директорката на ДСЗИ појаснува дека детали за постапувањето на лекарите ќе има во понеделник, кога инспекторите ќе си ја завршат работата.

-По налог на Министерството за здравство, Државниот санитарен и здравствен инспекторат во моментот врши вонреден инспекциски надзор во битолската болница со двајца инспектори со кои располага подрачното одделение во Битола.Имаше информации од страна на директорката дека првично детето се јавило на лекар, па било пуштено дома, а вечерта се влошила состојбата па бил пренесен итно?Не би сакала да конментирам изјави на директори или останати лица. Секако имаме ингеренции и тоа да го утврдиме, затоа, како што напоменав, да оставиме да заврши инспекцискиот надзор и ќе направиме информација и до Министерот, а секако ќе ја информираме и јавноста што се случувало за време на приемот на пациентот.-Рената Младеновска – Директорка на ДСЗИ.

Директорката на битолската болница Елизабета Ивановска за Канал 5 вели дека кога момчето прв пат дошло на лекар било пратено на испитувања и требало да се врати назад, но тоа не се случило.

Годинава, ова е трет смртен случај во оваа болница кој ја бранува јавноста. На претходните два смртни случаи кои беа обелоденети, за утврдување на евентуална вина работеше и обвинителството. За малата Јана не беше констатирана лекарска грешка, а за новороденчето кое почина се уште нема епилог, а од јавното обвинителство велат дека во овој случај се уште се работи на утврдување на причинско-последична врска помеѓу интервенцијата и настанатата смрт.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Принцови, принцези, актери, пејачи... Познати личности на финалето на Вимблдон

Финалето на Вимблдон во недела попладне привлече голем број холивудски ѕвезди и британски познати личности од А-листата.

Принцови, принцези, актери, пејачи... Познати личности на финалето на Вимблдон

Сите очи беа насочени кон Централниот терен, каде што Италијанецот Јаник Синер и Германецот Александар Зверев се соочија во напнат судир.

Кралското семејство во преден план

Меѓу многуте познати лица, особено се издвои принцезата од Велс, која блескаше во елегантен зелен фустан.

Таа пристигна на Вимблдон придружувана од своето семејство. Кејт беше придружувана од принцот Вилијам, принцезата Шарлот и принцот Џорџ, додека најмладиот син, принцот Луис, беше отсутен. Принцезата не ја симна насмевката од лицето, навидум невознемирена од моменталниот топлотен бран, додека принцот Џорџ се разладуваше во Кралската ложа со преносен вентилатор.

Принцезата, исто така, го носеше својот „брош Вимблдон“ во препознатливите бои на турнирот.

Мноштво познати лица

На кралското семејство во престижната ложа му се придружија и мноштво други ѕвезди. Актерката Никол Кидман (59) изгледаше шик облечена во бело одело, придружувана од Дама Ана Винтур. Сиена Милер (44) исто така беше видена во Кралската ложа во убав мини-фустан, додека актерите Бен Стилер и Рами Малек се прегрнаа топло по пристигнувањето. Поп-сензацијата Џенифер Лопез (56) ги пленеше погледите во тесна беж-фустан, која го дополни со елегантна шапка и високи потпетици.

Меѓу гламурозните гости беа водителката Тес Дејли (57) со нејзината ќерка Фиби (21), актерките Дејзи Едгар-Џонс (28), Лили Колинс (37) и Мариса Абела, легендарната Твиги (76) и Ники Хилтон (42). Актерот Том Хидлстон (45) избра стилски морнарски костум, Ендру Гарфилд бел костум од Ралф Лорен, а ѕвездата на „Adolescence“ Стивен Греам пристигна со сопругата Хана Волтерс.

Извор: Индекс.хр

Фото: Инстаграм

Тагови: Вимблдон

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Автомобилизам

„BYD“ подготвува нов „ѕвер“ - ќе чини околу 40.000 евра

„BYD“ подготвува нов луксузен седан „Da Han“, кој ќе им се нуди на клиентите како целосно електричен модел или „plug-in“ хибрид.

„BYD“ подготвува нов „ѕвер“ - ќе чини околу 40.000 евра

Станува збор за автомобил кој користи иста платформа како и теренецот „Da Tang (Great Tang)“, и носи импресивни перформанси и многу брзо полнење на батеријата.

Електричната верзија добива батерија „Blade“ од втора генерација, која, според производителот, овозможува полнење од 10 до 97 проценти за само девет минути. Моделот ќе има управување на задните тркала, како и активна суспензија.

Со должина што е 6,6 сантиметри подолга од стандардниот „Mercedes-Benz S-Class“, „Da Han“ е меѓу најголемите луксузни седани на пазарот.

Основната електрична верзија користи еден електричен мотор сместен на задната оска кој развива 496 КС (370 kW), додека помоќната варијанта со погон на сите тркала има вкупна моќност од дури 764 КС (570 kW).

„BYD“ сè уште не го објави капацитетот на батеријата на електричната верзија, но наведува дека моделот со погон на задните тркала може да помине до 1.008 километри според кинескиот циклус на мерење „CLTC“.

Верзијата со погон на сите тркала има деклариран опсег од 880 километри. Треба да се напомене дека стандардот „CLTC“ дава пооптимистички резултати во споредба со европскиот „WLTP“ циклус.

„Plug-in“ хибридот користи 1,5-литарски турбо бензински мотор со 154 КС во комбинација со електричен мотор со 268 КС. Благодарение на „LFP“ батеријата со капацитет од 54 kWh, овој модел може да помине до 470 километри само на електрична енергија според кинеските мерења.

Според првичните информации, „BYD Da Han“ треба да има почетна цена од околу 41.000 евра.

Извор: Б92

Тагови: BYD

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

„Белата куќа повеќе нема да биде безбедна за Трамп“

Иранскиот пратеник Алаедин Боруџерди, член на Комитетот за национална безбедност на парламентот, изјави дека Белата куќа „веќе нема да биде безбедна“ за американскиот претседател Доналд Трамп.

„Белата куќа повеќе нема да биде безбедна за Трамп“

Боруџерди нагласи дека одмаздата за атентатот врз поранешниот врховен лидер Али Хамнеи станала „обврска“ за неговите следбеници и „сите слободни луѓе низ целиот свет“.

Тој додаде дека Трамп, израелскиот премиер Бенјамин Нетанјаху и „нивните агенти“ треба да очекуваат „слободните луѓе на светот да ја донесат раката на божествената одмазда“, додавајќи дека „ниту едно место во светот, дури ни Белата куќа, нема да биде безбедно“ за нив.

Тој исто така рече дека одмаздата станала „глобално движење“ наместо „ограничен одговор“.

Тагови: Доналд Трамп

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер