Фудбал

Иниеста: Трофејот од Купот на Кралот за спас на сезоната

Еден од најдобрите фудбалери на шпанскиот шампион Барселона Андрес Иниеста оцени дека триумф над Реал Мадрид во вечерашното финале на Купот на Кралот на некој начин би значел спас на сезоната за Каталонците.

Барселона неодамна беше елиминирана од Атлетико Мадрид од четврт-финалето на Лигата на шампионите , а потоа со поразот од Гранада падна на третата позиција на табелата во Примара дивизионот.

-Имама сила и квалитет да го освоиме трофејот во Купот, но ќе мора да го одиграме најдобриот меч против големиот ривал. Освојувањето на Купот би ни донесол радост и секако спас на сезоната. Сепак тоа не може да го избрише фактот дека сме елиминирани од ЛШ, изјави Иниеста.
Шпанскиот ас и покрај заостатокот од 4 бодови зад Атлетико смета дека Барса има се уште шанси да ја одбрани титулата .

„Се уште сме во трка за титулата, деталната анализа ќе ја оставиме за крајот на сезоната. Секакао, животот е поубав кога се победува и кога се е во ред. Сепак мора да бидеме самокритични, порача Иниеста.

Големото финале во Купот на Кралот меѓу вечните ривали Барселона и Реал Мадрид се игра вечерва на Местаља во Валенсија од 21 часот и 30 минути.

Свет

Зеленски отпушти висок разузнавач поради обвинувања за корупција

Украинскиот претседател Володимир Зеленски го разреши Илја Витјук, висок функционер во разузнавачката служба СБУ, поради обвинувања за корупција, јави ДПА.

Указот е објавен синоќа на веб-страницата на украинскиот претседател, без да се прецизираат причините за разрешувањето.

Витјук беше шеф на одделот за кибер безбедност на Службата за безбедност на Украина (СБУ).

Претходно, украинските медиуми објавија истраги во кои беше наведено дека сопругата на Витјук купила луксузен стан во центарот на Киев. /МИА

Македонија

Ковачки: За Свети Николе предвидуваме изградба на магистрален гасовод до Велес

За Свети Николе предвидуваме изградба на магистрален гасовод до Велес, реконструкција и проширување на патот до Пробиштип, реконструкција и проширување на градинката „Рахилка Гонева“ и нови 8 милиони евра за општината Свети Николе.

Почитувани граѓани, за земјоделците од овој крај, вклучително и за сите земјоделци, предвидуваме 800 милиони евра коишто ќе бидат директна поддршка за земјоделците, за навремени субвенции, за чистење на водоснабдителните системи. Нашите земјоделци заслужуваат подобар живот. Нашите граѓани заслужуваат подобар живот. Затоа ве повикувам сите на 8 мај заеднички да излеземе и да ги донесеме промените. Да ја донесеме победата на Македонија којашто долго се очекува.

Драган Ковачки, носител на изборна единица 3

Свет

При уривање на автопат во јужна Кина загинаа 36 лица

Уривање на дел од автопат во кинеската провинција Гуангдонг предизвика пад на повеќе возила, при што загинаа 36 лица, а 30 беа повредени, јавија денеска државните медиуми, во моменти кога милиони Кинези патуваат за празникот Први мај.

Уривањето, предизвикано најверојатно од пороен дожд, се случи во средата околу 02:10 часот на автопатот Меиџоу-Дабу, јави новинската агенција Синхуа, додавајќи дека урнатиот дел бил долг 17,9 метри и предизвикал пад на 23 возила.

Меиџоу е една од областите во Гуангдонг во јужна Кина, што е силно погодена од поројни дождови и град од крајот на април, што предизвикаа опасни лизгања на земјиштето, поплавени куќи и уништени мостови.

Причината за несреќата се истражува. /МИА