Иницирани кампањи за обнова на опожарената црква „Вондел“ во Амстердам - Канал 5

Свет

Иницирани кампањи за обнова на опожарената црква „Вондел“ во Амстердам

Жители на Амстердам иницираа кампањи за собирање средства за реставрација на амстердамската црква „Вондел“ што беше во голема мера уништена во пожар што избувна во текот на новогодишната ноќ, јавија денеска холандските медиуми.

Иницирани кампањи за обнова на опожарената црква „Вондел“ во Амстердам

Според досегашниот увид, во пожарот се урнале кулата и покривната конструкција на црквата, а сериозни оштетувања претрпеле и други делови на градбата, но нема опасност од уривање на ѕидовите.

На социјалните мрежи веќе се шират жиро сметки на кампањите „Срце за црквата Вондел“ и „Фондација црква Вондел 2026“, а се споделуваат и други линкови до веб-страници што собираат пари за реконструкција на црквата.

Експерти во изјави за холандските медиуми оценуваат дека технички е можно да се реставрира црквата, но дека тоа дефинитивно ќе биде скап потфат.

Пожарот избувна вчера околу еден часот по полноќ, а беше целосно угаснат во претпладневните часови,

Причините за пожарот сè уште официјално не се познати. Полицијата информира дека не сака да шпекулира за можните причини за пожарот додека истрагата не заврши целосно.

Градската управа на Амстердам, која е официјален сопственик на објектот од 1996 година, соопшти дека причините за пожарот во црквата се „неразбирливи“.

Холандските медиуми, повикувајќи се на изјави на локални жители, објавија дека во времето на избувнувањето на пожарот крај црквата имало огномет, алудирајќи на него како можна причини за инцидентот.

По избувнувањето на пожарот властите спроведоа евакуација на околу 90 семејства од околните објекти, на кои им беше дозволено да се вратат во своите домови синоќа некаде по 19 часот, откако надлежните служби го исчистија реонот од саѓи и пепел.

При пожарот немаше жртви.

Изградбата на црквата, дело на архитектот Пјер Кујперс, започнала во 1872 година и траела до 1880 година, кога била пуштена во употреба како католичка црква „Светото Срце Исусово“. Црквата била сериозно оштетена во пожар во 1904 година, но била возобновена според проект на синот на Пјер Кујперс, Јозеф.

Римокатоличката црква го користела објектот до 1977 година, кога таа е претворена во концертна сала, а дополнително дел од нејзините простории биле издадени под наем како канцеларии. Од 2017 објектот повторно се користи како храм на протестантската Слободна црква.

Слободната црква вчера се огласи со соопштение нагласувајќи дека е „длабоко натажена“ поради разорниот пожар во објектот, каде секоја недела редовно биле одржувани богослужби.

- Оваа зграда чува многу значајни спомени за нашата заедница, како и за градот Амстердам, се наведува во соопштението објавено на веб-страницата на Слободната црква.

Нејзиниот пастор Ерик Фенис за холандските медиуми изјави дека иако црквата ја користела неговата верска заедница, таа сепак има историско значење и вредност и за католичките верници за кои таа претставувала важно место речиси еден век.

- Нејзината прекрасна монументална архитектура и локација ја направија црквата показател за богата историја на верата, додаде Фенис.

Тагови: Амстердам

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Посебен режим на сообраќај во Скопје поради фудбалски натпревар на арената „Тодор Проески“

Вечерва  со почеток од 20:45 часот ќе се одржи фудбалски натпревар од Лига на нации помеѓу репрезентациите на Македонија и Шкотска на арената „Тодор Проески“ во Скопје.

Посебен режим на сообраќај во Скопје поради фудбалски натпревар на арената „Тодор Проески“

Од тие причини СВР Скопје – Единицата за безбедност на патниот сообраќај ќе преземе мерки за посебен режим на сообраќајот.

Апел до сите граѓани учесници во сообраќајот да се почитуваат наредбите кои ќе ги даваат униформираните полициски службеници.

Тагови: Посебен режим

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Интензитетот на сообраќај на патните правци надвор од градските средини е умерен

На граничните премини од македонска страна нема подолги задржувања за влез и излез од државата.

Интензитетот на сообраќај на патните правци надвор од градските средини е умерен

СОСТОЈБА: Сообраќајот на државните патишта се одвива непречено, по суви коловози.

ФРЕКВЕНЦИЈА: Интензитетот на сообраќај на патните правци надвор од градските средини е умерен. На граничните премини од македонска страна нема подолги задржувања за влез и излез од државата.

ВНИМАТЕЛНО: АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.

СЕЗОНСКИ РЕЖИМ НА СООБРАЌАЈ: Од 15 Април, патниот правец Охрид – Ресен преку националниот парк Галичица е отворен за сообраќај за сите видови возила до 3,5 тона.

РАБОТИ НА ПАТ:

Од 30.09.2026 г. се изведуваат градежни активности на Државен пат А2 делница Гостивар – Кичево, конкретно на мост бр. 63 Мост на река Тајмишка. За таа цел се применува времен режим на сообраќај и ќе трае додека не се завршат предвитените градежни работи согласно договорот за санација.

Градежен институт Македонија известува дека од 29.09.2026год. се воведува времен режим на сообраќајот на регионален пат Р1201, делница Струга – Дебар при реконструкција на инекциона завеса на брана „Глобочица“. Времениот режим на сообраќај ќе се изведува согласно одобрен основен сообраќаен проект. Времетраењето на времената измена на режимот на сообраќајот ќе биде се до завршувањето на активностите.

МИСА МГ ДОО известува дека од 24.09.2026год. до 15.04.2027год. се воспоставува времен режим за сообраќај на државниот пат А1 делница Гевгелија – ГП Богородица односно од исклучувањето за Гевгелија до ГП Богородица, автопатот ќе биде затворен за сообраќај и истиот ќе се пренасочува на спротивната страна на автопатот, т.е. од ГП Богородица кон Скопје собраќајот ќе се одвива во две насоки. Исто така и на клучката на Гевгелија сообраќајот ќе се одвива под времен режим.

ВИА ДОО Вевчани известува, поради реконструкција на граничниот премин Делчево, од 09.09.2026 воведен е времен режим на сообраќај. За целото времетраење на градежните работи граничниот премин ќе фунционира непрекинато и сообраќајот ќе се одвива нормално.

Во периодот од 17.08.2026 до 01.10.2026 година, поради изведување работи на објектот „Санација на косина на автопат А4, делница Миладиновци – Свети Николе – Штип (кај наплатна станица Преод)“, ќе биде изменет режимот на сообраќај пред наплатната станица Преод.

Од 06.07.2026 г. започна времена измена на сообраќајот при санација на мост на река Брегалница на Р1204 во Штип и ќе трае до завршувањето на санацијата.

Од 12.09.2025 започната е градежната активноста – санација на свлечиште на регионален пат Р1202 делница Косоврасти – Мелнички Мост, односно воспоставена е времена измена на режимот на сообраќај до завршување на активностите.

Според известување од Виадукт Треј Дооел – Гостивар, како дел од изведбата на Коридор 10Д, во тек е важност на времен режим на сообраќај на патен правец Прилеп – Битола, каде ќе се пренасочи движењето на возилата по регионалниот пат Прилеп – Битола, од делот од клучка Лагово до Тополчани.

Времена измена на режим на сообраќај на регионален пат Р1306 делница Прилеп-Крушево -Сладуево, заради започнување со градежни активности во врска со проект Санација на оштетувања на регионален пат Р 1306 делница Прилеп-Крушево-Сладуево, во вид на слегнувања на трупот на патот на стационажа од км 15+100 до км 15+600. Заради тоа од 16.12.2024 год. па се до завршување со градежни активности ќе се изврши целосно затворање на делницата во потег од Мало Коњари до Кривогаштани. При тоа сообраќајот ќе се одвива по друга делница во склоп на поставената сообраќајна сигнализација, согласно Одобрение за времена измена на режим сообраќај и Сообраќаен проект.

На патниот правец ГП Блаце – Скопје се изведуваат градежни активности на неколку делници. Поставена е соодветна сообраќајна сигнализација и соорбаќајот се одвива според одобрен времен режим.

На патниот правец Кичево – Охрид, поради градежни работи на повеќе делници, сообраќајот се одвива со девијации. Поставена е соодветна сообраќајна сигнализација и затоа препорачуваме строго почитување на истата и прилагодена брзина на движење.

Тагови: АМСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Метео

Утрото ќе биде студено, во текот на денот сончево со умерена облачност

Утрото ќе биде ведро и студено. Во текот на денот сончево со мала до умерена облачност.

Утрото ќе биде студено, во текот на денот сончево со умерена облачност

Ќе дува слаб до умерен ветер од северен правец. Минималната температура ќе биде во интервал од -2 до 7, а максималната ќе достигне од 19 до 27 степени.

Во Скопје, променливо облачно со сончеви периоди. Ќе дува слаб до умерен ветер од променлив правец. Минималната температура ќе се спушти до 3, а максималната ќе достигне до 26 степени.

За време на викендот времето ќе биде сончево. Од понеделник ќе биде сончево со променлива облачност во текот на денот. Утрата ќе бидат ведри и студени со ниски температури кои наместа ќе се спуштат под нула степени.

Тагови: УХМР

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер