Македонија

Иницијатива за нова спомен-плоча и за отворање легат за Мисирков во Одеса

Партијата Македонски концепт ќе упати барање и ќе се координира со новите министри за надворешни работи и за култура за да се постави нова меморијална плоча и да се отвори легат за Крсте Петков Мисирков во Одеса.

Партијата Македонски концепт ќе упати барање и ќе се координира со новите министри за надворешни работи и за култура за да се постави нова меморијална плоча и да се отвори легат за Крсте Петков Мисирков во Одеса, а исто така и да се разгледа можноста за отворање македонски конзулат во тој украински град.

Претседателот на Македонски концепт, Петар Богојески, и потпретседателот Самуел Наумовски Викиус, иницирале средба со градоначалникот на Одеса, Генадиј Труханов, и со директорот на Одделот за култура, меѓународни односи и европска интеграција, Иван Липтуга, за да се дискутира за македонското културно-историско наследство во Украина и, конкретно, во Одеса.

-Во фокус на разговорот беше спомен-куќата во која живеел и творел македонскиот апостол и борец за македонската кауза, Крсте Петков Мисирков. Дискутиравме за достојно одбележување на неговото име и дело со поставување нова меморијална плоча на куќата каде што Мисирков живеел од 1909 до 1913 година, на улица „Канатна“ број 28. Македонски концепт побара таа да биде задолжително и на македонски јазик и на неа да биде изгравирано македонското знаме, соопшти денеска Македонски концепт.

Општината Одеса, како што наведуваат, ја поддржала таа идеја и било дадено ветување дека постапката ќе почне наскоро.

-Дополнително, побаравме отворање легат (спомен-соба) на Мисирков, со помош на македонската Влада и документација која може да се најде во украинските архиви. Исто така, ја разгледавме можноста за отворање македонски конзулат на ова свето место за нас, Македонците, и за македонската кауза, информира партијата на Богојевски. Додаваат дека нивните домаќини во Украина се подготвени за можноста и некоја од улиците во Одеса во иднина да биде именувана по Мисирков.

Како што информира, од општината Одеса одлучиле да почнат со истражување во нивните архиви со цел да најдат што е можно повеќе информации за делото и трагите на Мисирков и за сегашниот сопственички статус на Куќата музеј на архитектурата и историјата.

Македонија

Се санираат последиците од невремето во Тетово и Скопје

Се санираат последиците од невремето во Тетово и Скопје, бројни пријави за претпрена материјална штета.

Ситуацијата по завчерашното невреме што ги зафати Тетово, Скопје и околните општини полека се нормализирана, соопшти ЦУК.

Речиси 99% од повиците на 112, во текот на последното деноноќие биле барање да се направи записник за претрпена материјална штета, што се трансферираат до надлежните во општините, а потоа до владина комисија за понатамошна постапка.

ЦУК информира и за пет пожари на отворено и за неколку помали интервенции на пожарникарите во последното деноноќие. Сите пожари се изгасени.

Пожари имало во Долнени - помеѓу селата Лажани и Кошино (горела ниска вегетација нискостеблеста шума), во Босилово - с.Старо Балдовци (грмушки), во Ново Село кај место викано „Хаџиица“ (букова шума млада јасикова шума, ниска вегетација и папрат), во Куманово кај место викано „Љикшичка“ (ѓубре) и во Велес кај резервоарот за вода на ЈП „Дервен“ кај месноста „Поток“ (горела ниска вегетација).

Македонија

Собранието ќе ги пополни местата на пратениците кои станаа министри

 Собранието денеска на осмата седница треба да ги верификува мандатите на новите пратеници кои доаѓаат на местата на премиерот Христијан Мицкоски и на неколкумина новоизбрани министри.

Пратеници стануваат Драган Недељковиќ, Велика Стојкова Серафимовска, Сергеј Попов, Емилија Ангелова, Весна Ѓорѓиева и Дијана Илиевска од коалицијата предводена од ВМРО-ДПМНЕ, Фериде Хаџиу и Каљтрина Хаџиу од коалицијата Влен.

Тие доаѓаат на местата на Мицкоски и на минустрите Гордана Димитриеска Кочоска, Љупчо Димоски, Изет Меџити, Владо Мисајловски, Иван Стоиљковиќ, Александар Николоски и Фатмир Лимани.

Македонија

Македонија трета во Европа според стапката на смртни случаи од огнено оружје

Со 12,25 случаи на милион жители, Македонија е трета во Европа според стапката на смртност од огнено оружје, покажува анализата на статистичкиот портал „Ландгеист“.

Со 12,25 случаи на милион жители, Македонија е трета во Европа според стапката на смртност од огнено оружје, покажува анализата на статистичкиот портал „Ландгеист“, базирана на податоци на меѓународниот Институтот за мерење и и проценка на здравјето со седиште на Универзитетот во Сиетл.

Повисока стапка на смртност од огнено оружје има во Турција (18,16) и во Албанија (15,20). Од земјите во соседството, оваа стапка во Србија е 10,44, во Бугарија 7,69, а во Грција 4,35.

Најниски стапки има во Велика Британија (0,66), Исланд (0,87) и Норвешка (0,92). Овие три земји се и единствените во Европа каде што полицијата не носи оружје.

Генерално, стапката на смртност од оружје во Европа е исклучително ниска. Малку смртни случаи предизвикани од огнено оружје има и во сите земји во Африка, Азија и Океанија (во кои нема оружени конфликти).

За разлика од нив, повисоки стапки се бележат во Северна и Јужна Америка, каде што освен во Канада и Куба, во сите други земји стапката на смртност од оружје е повисока од онаа во Турција.

За споредба, стапката на смртност од оружје во САД е 41,69.

„Ландгеист“ посочува дека стапката на смртност се однесува на периодот пред војната во Украина, и во неа не се вклучени самоубиствата со огнено оружје.

притисни ентер