Стопанствениците од земјава се жалат дека предвидениот рок за изградба на автопатот Скопје Блаце е долг – треба да почне да се гради следните месеци, а да биде готов дури за 4 години.
„Изградбата на автопатот Скопје Блаце е долгогодишно барање на бизнисите, а особено сега кога делот од страна на Косово е завршен, останува главен инфраструктурен проблем. Целосното заокружување на овој проект од страна на Македонија е планирано да се заврши до 2023тата, што за бизнисните е неприфатлив рок. Цениме дека ова е критичен момент за овој инфраструктурен проект и апелираме до владата да го забрза и да ја реши оваа проблематика,“ изјави Неби Хоџа, претседател на СКСЗМ .
Политичкиот врв од земјава ги слушна поплаките. Премиерот Заев вети побрза динамика во изградбата на автопатиштата кои ќе обезбедат побрз проток на стоки и подобра комуникација меѓу државите.
„Тендерот за првата делница во нашата земја Скопје – Блаце го распишавме . верувам дека до крајот на годината, почетокот на наредната ќе биде и вториот дел за делницата распишан. Нашата намера со брз интензитет да го изградиме автопатското решение Скопје Блаце во вкупна должина од 12,5км,“ вели Зоран Заев, претседател на Влада.
Според податоците од заводот за статистика, во првите седум месеци, трговската размена меѓу Македонија и Косово била 185 милиони евра, од кои 90 проценти се извоз, кој на земјава и донеле девизен прилив од 169 милиони евра.