Инфлуенсерка добила ќерка со 14 години помладиот посинок (ФОТО)

Руска инфлуенсерка која го оставила сопругот, родила ќерка со неговиот син.

Марина Балмашева (35) од минатата година е во врска со нејзиниот 14 години помлад посинок Владимир. Неговиот татко Алексиј Шавирин, во меѓувреме, се развел од сопругата (со која бил во брак 13 години), а таа наскоро се омажи за неговиот син.

Марина, која минатиот јуни објави дека чека бебе, вчера сподели фотографија од ќеркичката на Инстаграм. На инфлуенсерката која се прослави со документирање на своето слабеење ова и е петто дете, откако со поранешниот сопруг посвоила четири деца. Но, според „Руски вести“, сите деца останале по разводот со Алексеј, откако судот и ги одзел родителските права.

45-годишниот Шавирин вели дека неговата поранешна сопруга „го завела неговиот син“. „Тие немаа срам, имаа секс дури и кога бев дома“, рече тој. „Ќе и простев за изневерувањето - да не беше со мојот син.”

„Одеше во креветот на мојот син од нашата спална соба додека јас спиев ... После тоа ќе се вратише и ќе легнеше во кревет со мене како ништо да не се случило.”

Во меѓувреме, Балмашева, наводно, барала предбрачен договор со Владимир, кого го познава од неговата седумгодишна возраст.

Руската блогерка со повеќе од половина милион следбеници на Инстаграм признала дека направила естетска операција за да стане попривлечна за нејзиниот посинок.

"Дали жалам што го уништив семејството? Да и не", им рекла таа на своите придружници.

Снимката која ја објави ќерката на Балашевиќ го расплака Балканот

„Најмногу го сакам татко како тато“, вели малечката Лола на снимката.

Лола Балашевиќ, најстарата ќерка на Ѓорѓе Балашевиќ, е неутешна по татковата смрт и на Инстаграм со своите следбеници сподели снимка со сестрата и родителите која настанала на крајот од осумдесеттите или на почетокот на деведесеттите години од минатиот век.

На снимката се Ѓорѓе, Оливера, Беба и Лола, а двете девојчиња зборуваат за љубовта кон својот татко и она што сакаат да бидат кога ќе пораснат.

„Најмногу го сакам татко како тато“, вели малечката Лола на снимката, а истата реченица ја сподели и во описот на видеото.

Стотиците нејзини следбеници не ги допре толку снимката колку плачењето и издишувањето на Лола Балашевиќ кои се слушаат во позадина.

Многумина и напишаа дека плачат додека ја гледаат снимката.

Снимката на Инстаграм е прегледана повеќе од 50 илјади пати.

Електричен автомобил кој чини само 4.500 долари

Бројот на продадени примероци од евтиниот кинески електричен автомобил со вена од 4.500 долари, го надмина бројот на продадени Тесла автомобили во Кина.

Овој многу компактен автомобил се покажа како вистински хит и на кинескиот автомобилски произведувач „SAIC“ му донесе голем приход.

„Hong Guang Mini EV“ со значката на „Wuling“ во Кина, се произведува во соработка со американскиот произведувач на автомобили „General Motors“.

Само во минатиот месев бројот на продадени автомобили од овој тип е двојно поголем во споредба, со бројот на продадени Тесла автомобили.

Иако најпопуларен е моделот кој чини 4.500 долари, со доплата од околу 500 долари може да се добие модел кој има вграден клима уред.

Според експертите, иако заостанува зад Тесла во смисла на квалитетот ,големината и дометот затоа што со едно полнење поминува само 160 километри (сосема доволно за во град), малиот електричен автомобил тоа го надополнува на полето на цената и компактноста.

Малиот автомобил може да се паркира било каде и е практичен за големите и пренатрупани кинески градови.

Малиот електромобил се продал во 25.778 примероци само во јануари, додека Тесла, за споредба, продала 13.843 автомобили.

Иако е голема разликата во бројот на продадени автомобили, продажбата на електромобили од повисока класа е во пораст во Кина, каде компанијата Тесла само во минатата година ја зголемила продажбата за двојно.

Италија ги заострува мерките заради новите видови корона

Италијанската влада денес ги заостри рестриктивните мерки во пет од 20 региони во обид да го спречи брзото ширење на инфекцијата со коронавирус, особено на многу заразните нови варијанти.

Италија воведе систем со четири зони во зависност од раширеноста на инфекцијата (бела, жолта, портокалова и црвена), што овозможува прилагодување на рестриктивните мерки, а ситуацијата се проценува секоја недела.

За прв пат од крајот на јануари, два региона, Базиликата и Молизе, се класифицирани како црвени зони.

Тоа значи дека тие треба да ги затворат баровите и рестораните, строго да го ограничат движењето на луѓето и да затворат се, освен неопходните продавници.

Три региони се префрлени од жолто во портокалова зона, Ломбардија и Пиемонт, кои ги вклучуваат Милано, Торино, соодветно и централниот крајбрежен регион Марке.

Во овие региони, рестораните и баровите се затворени, освен за достава, на луѓето не им е дозволено да ги напуштаат своите градови, освен во итни случаи, поради работа или поради здравствени причини.

Сардинија е првиот регион прогласен за бела зона и има само минимални ограничувања.

Од понеделник, два региона ќе бидат црвени, девет портокалови, осум жолти и еден бел.

Министерството за здравство во петокот предупреди дека бројот на заразени продолжува да расте. Во изминатите 24 часа имало 20.499 новозаразени, а во претходниот ден регистрирани биле 19.886 случаи.

Во последните пет дена, бројот на новозарезени се зголемил за 35 отсто во однос на истиот период минатата недела.

Италија објави 253 смртни случаи од коронавирус во петокот, а 308 ден претходно.

Со регионални ограничувања, спортските сали остануваат затворени скоро низ целата земја, а работното време на баровите и рестораните е ограничено.

Мерките скоро сигурно ќе останат на сила и по Велигден на 4 април.

Министерот за култура Дарио Франческини рече дека владата се уште размислува да за отворање на кината и театрите во жолтите зони од 27 март.

притисни ентер