Индиска компанија почнува со тестирање на вакцината против корона на луѓе

Индиската фармацевтска компанија „Зидус“ денеска потврди дека нејзините експерти започнале клинички да ја тестираат можната вакцина против „ковид 19“ врз луѓе.

Првите дози на вакцината , базирана на ДНК од плазма наречена ZyCoV-D се тестирни врз луѓе, се вели во соопштението на компанијата.

Оваа вакцина предизвикала силен имунолошки одговор при тестирањето на животни како глувци, стаорци, заморчиња и зајаци. До денес, не се регистрирани неповолни здравствени ефекти.

„Кај зајаците, администрираните дози биле трипати поголеми од оние наменети за луѓето и тие се покажаа безбедни и имуногени“, велат од компанијата.

Компанијата наведува дека платформата за вакцинирање што ја развиле, може да се користи за можно прилагодување на вакцините, во рок од неколку недели, во случај на мутација на коронавирусот за да се обезбеди целосна ефикасност.

Заедно со неколку други држави, Индија бара вакцина против ковид-19 бидејќи се зголемува бројот на заболени и смртни случаи.

По Соединетите држави и Бразил, Индија се најде на трето место меѓу земјите најтешко погодени од пандемијата со повеќе од 930.000 случаи на инфекција и повеќе од 34.000 смртни случаи поврзани со коронавирус, според индиското Министерство за здравство.

Вчера биле пријавени 30.000 нови случаи, додека 582 лица починале.

Црна Гора ја отвара границата за граѓаните од Македонија

За влез во Црна Гора најверојатно ќе биде потребен ПЦР тест или серолошки ЕЛЕСА , тест изјавил директорот на црногорскиот Институт за јавно здравје др. Бобан Мугоша.

Во сабота се отвара границата со Македонија, Србија, Босна и Херцеговина и Албанија, изјавил во телевизиска емисија директорот Мугоша.

Тој истакнал дека денеска ќе биде оддржана онлајн седница на Националното координативно тело на која ќе бидат дефинирани начините за влез во Црна Гора од земјите од западниот Балкан.

Синот на Хашим Тачи преживеал тешка сообраќајна несреќа

Ендрит Тачи, синот на косовскиот претседател Хашим Тачи, преживеал сообраќајна несреќа што се случи утрово.

Полицијата потврдила дека несреќата се случила утрово, а во неа биле вклучени три автомобили, пренесуваат медиумите. "денес во 05:25 часот на патот Приштина – Урошевац , на кружниот тек кај јужната полициска станица, се случи несреќа во која учествуваа три возила.

Едно лице е повредено во несреќата. Случајот го презема сообраќајната единица", изјави портпаролката на косовската полиција, Флора Ахмети.

Според медиумите, Ендрит Тачи е во добра состојба и бил пуштен по интервенцијата во болницата во Приштина.

СДСМ: Продолжуваат сериозни разговори за формирање одговорна Влада

Продолжуваат сериозни разговори за формирање одговорна Влада, со институции кои уште повеќе и уште подобро ќе им служат на граѓаните.

СДСМ, како предводник на коалицијата „Можеме", со освоени најмногу пратенички места во Собранието го доби мандатот за состав на нова демократска, политичка, одговорна Влада, со институции кои уште повеќе и уште подобро ќе им служат на граѓаните.

Процесот на сериозни разговори за формирање стабилно парламентарно мнозинство кое треба да осигура нова Влада со полн четири годишен мандат продолжува.

Пред македонското Собрание ќе биде испорачан предлог за Влада составена од квалитетни, одговорни и отчетни кадри, решена и која силно ќе се бори со криминалот и корупцијата на сите нивоа, а особено внимание ќе биде посветено на прочистување на правосудството и на проверката на потекло на пари кај секој функционер.

Програмата на Владата во најголема мера ќе биде посветена на новата македонска економија каде главните принципи се платите и пензиите да продолжат да растат, да вложуваме во младите и во рамномерниот регионален развој, да водиме посебна и уште поголема грижа за најсиромашните граѓани и да даваме постојана поддршка на домашно стопанство.

Северна Македонија ќе добие Влада која го следи јасниот правец за кој е определено големото мнозинство граѓани – тоа е европскот пат, патот на економијата и правдата, патот до просперитет и долгорочна стабилност, Влада која не знае за скршнување од патот кој после членството во НАТО води до членство во Европската Унија.

Во изминатиот период успеавме да донесеме големи одлуки, да ги решиме отворените прашања. Следува период кога ќе се посветиме на работа дома, бидејќи можеме уште повеќе и уште подобро.

СДСМ

притисни ентер