Индијански хороскоп: Духот на кое животно живее во вас? - Канал 5

Забава

Индијански хороскоп: Духот на кое животно живее во вас?

Индијански хороскоп.

Индијански хороскоп: Духот на кое животно живее во вас?

Видра (20 јануари – 18 февруари)

Мала, комплицирана и невообичаена, видрата е животно кое тешко кој може да го сфати. Оваа личност е доживеана како неконвенционална појава, па ретко кога луѓето се вртат за помош или да побараат некоја работа да биде завршена од нивна страна. Тоа е голема грешка, бидејќи иако неконвенционални видрите се доста ефикасни. Надарени со висока интелегенција и ефикасност видрите преку својата имагинација можат да го решат секој проблем или предизвик со минимален труд. Видрата е осетлива, сочуствува, храбра и искрена, но доколку е оставена во неуредна околина може да биде непристојна, бескрупулозна и бунтовна.

Волк (19 февруари – 20 март)

Длабоко емотивен и страствен, волкот е љубовник и во физичка и во филозофска смисла на зборот. Тој разбира дека љубовта е единственото нешто што на сите нас ние е неопходно и тој може да го обезбеди тоа по било која цена. Потребна му е слобода, но сепак е нежен и чувствителен. Волкот во неговото окружување може да биде страствен, великодушен, нежен и благ. Но оставен сам на себе може да биде непрактичен, опсесивен и осветољубив.

Сокол (21 март – 19 април)

Нему му е во природата да биде лидер. На него се потпирате кога ви е потребен совет или конечна пресуда и одлука во необични ситуации. Покрај тоа, овој индијански знак не троши време бесцелно, тој добро знае дека железото се кове додека е топло. Го краси невидена упорност и тој е битен и незаменлив дел од секој тим посебно во екпините спортови. Соколот може да биде суетен, но затоа е во право и некогаш може да биде арогантен. Во окружување во кое соколот има поддршка ќе му расне самодовербата, способноста за одржување на страста, а тоа ќе побуди и сочувство. Сепак, оставен сам и на цедило, соколот може да биде непристоен, нетолерантен, нестрплив и претерано осетлив.

Дабар (20 април – 20 мај)

Неговото мото е – преземи одговорност, прилагодисе и помини ја пречката. На дабарот, работата му е речиси се во животот, па е во состојба се да заврши со максимална самодоверба и ефикасност. Менталните способности му се мнгоу изострени, па на нив може и да се смета. На дабарот речиси се му оди од рака, но ставот “”Или по мое или никако”” често може да го доведе во неволја. Може да биде сочуствителен, великодушен, корисен и оддан, но и нервозен, посесивен, арогантен а понекогаш и кукавица.

Елен (21 мај – 20 јуни)

Еленот е главната муза на зодијакот. Тој секогаш може да ве насмее со неговиот совршен хумор. Доста е остроумен, па секогаш е добредојден гостин на забавите бидејќи е одличен соговорник. Неговата природна интелегенција го прави секогаш да биде свесен за неговата околина и случувањата околу него. Неговиот нарцисоизам може и да се претпостави со оглед на тоа што тој е главната зодијачка муза. Во заштитени услови тој е инспиративна сила за негување на односите, но ако го отавите сам тој за кратко станува себичен, нерасположен, нестрплив, дволичен и мрзелив.

Клукајдрвец (21 јуни – 21 јули)

Клукајдрвците се посветени на негувањето. Тие се совршени слушатели, полн сочуство и дефинитивно некој кој сакате да го имате на своја страна секогаш кога имате некој проблем. Секако, како таков клукајдрвецот е и одличен родител, прекрасен пријател и партнер. По природа е скромен, снаодлив и организиран. Грижлив е, посветен и многу романтичен, но тоа лесно може да премине во љубомора, посесивност и пакост.

Лосос (22 јули – 21 август)

Фокусиран, интуитивен и величенствено креативен. Лососот е полн со енергија. Тој е природен мотиватор, неговата самодоверба и ентузијазам се толку големи што дури се и заразни. Не е потребно да бидете долго време со него, дури и ако неговата идеја најнапред звучи лошо. Великодушен е, интелигентен и интуитивен, па не е чудо што има многу пријатели. Тој е стабилен, мирен и сензуален, но често може да биде вулгарен нетолерантен егоист.

Мечка (22 август – 21 септември)

Прагматичен и методичен, мечката ја повикувате секогаш кога ви е потребна стабилна рака. Неговата сталоженост, практичност и методичност го чинат одличен деловен партнер. Во повеќето сценарија тој е гласот на разумот и решавачот на проблеми. Инаку, награден е со големо срце и сака великодушно луѓе. Малкумина знаат дека мечката е многу скромен, па дури и срамежлив. Одличен наставник и ментор. Ќе ве обвие со љубов и доблесност, но може да биде и скептичен и мрзелив.

Гавран (22 септември – 22 октомври)

Полн со ентузијазам, гавранот е природен шармер без ни малку труд. Неговата енергија лесно се препознава, па повеќето се согласуваат и се вртат кон неговите идеи и мислења. Идеалсит е, а дипломатијата му е посилната страна. Едноставен е, интуитивен, романтичен и трпелив, но често може да биде недоследен, осветољубиви и да бара многу од партнерот.

Змија (23 октомври – 22 ноември)

Змијата е природна во секој поглед. Лесно е да се поистоветите, па затоа е и одличен духовен лидер. Предничи во медицинските професии, бидејќи нејзиниот талент за лечење ги надминува сите останати. Преокупацијата на змиите со прашања кои се надвор од овој свет, често ја чини мистериозна и страшна во очите на останатите. Вистината е дека може да биде таинствена и помалку мрачна, но и чувствителна и доста грижлива. Може да биде страствена, духовита и инспиративна, но и насилна и склона на ненормални нарушувања во расположението.

Був (23 ноември – 21 декември)

Променлив и непостојан, бувот е тешко да го врзете за едно место. Бувот е топол, природен и едноставен, и воедно е најголемиот пријател на целиот свет. Ја следи глас дека животот го живее брзо, со полни гради и е склон кон авантури. Тоа сепак може да биде на сопствена штета бидејќи, знае да биде несовесен, невнимателен и непромислен. Бувовите се големи уметници, наставници и конзерватори. Меѓутоа поради својата посветеност тие се издвојуваат во секоја професија. Осетливи се и одлични слушатели, но можат да бидат и горки, претерани и воинствени.

Гуска (22 декември – 19 јануари)

Ако сакате нешто да биде направено викнете ја гуската. Таа е истрајна, упорна и амбициозна до срж, поставува цели и секогаш ги достигнува. Одлучна е да успее по секоја цена, не поради тоа што сака да се докаже некому, но бидејќи целото време се бори со својот внатрешен непријател на кого и му се докажува. Затоа е одлична и во спортот и во натпреварувачките спортови. Кога е смирена во окружување на семејството, гуската може да биде духовита, сензуална, страствена и друштвена. Во спротивно, опсесијата може да ја доведе до зависност која со сигурност ќе биде и нејзиниот крај.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Засилени сообраќајни контроли во Скопје: Осум возачи под дејство на алкохол

Четири лица лишени од слобода за безобѕирно управување со моторно возило.

Засилени сообраќајни контроли во Скопје: Осум возачи под дејство на алкохол

Во текот на ноќта на 17/18.10.2026 година, во периодот од 21:00 до 03:00 часот, Мобилната единица за безбедност на сообраќајот на патиштата при Секторот за сообраќајни работи спроведе засилена акциска контрола на подрачјата на општините Илинден, Гази Баба и Кисела Вода, со посебен акцент на откривање и санкционирање возачи кои управуваат моторни возила под дејство на алкохол.

При контролата откриени се осум возачи кои управувале моторни возила под дејство на алкохол, од кои тројца се лишени од слобода поради сторено кривично дело „безобѕирно управување со моторно возило“ по член 297-а од Кривичниот законик, бидејќи кај нив било утврдено присуство на алкохол над 1,50 ‰.

Дополнително, од слобода е лишено уште едно лице поради сторено кривично дело „безобѕирно управување со моторно возило“ по член 297-а од Кривичниот законик, затоа што управувало моторно возило без возачка дозвола.

Против сите сторители ќе бидат поднесени соодветни прекршочни и кривични пријави.

Министерството за внатрешни работи продолжува со засилените акциски контроли и во наредниот период, со цел зголемување на безбедноста во сообраќајот и заштита на животот и здравјето на сите учесници во сообраќајот.

Апелираме до сите возачи и учесници во сообраќајот доследно да ги почитуваат сообраќајните правила и прописи, да не управуваат возило под дејство на алкохол и со своето одговорно однесување да придонесат за побезбедни патишта

Тагови: дејство на алкохол

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Лишени од слобода 25 возачи за „безобѕирно управување возило“

12 возеле без положен возачки испит, 11 под дејство на алкохол, а двајца возеле со активна забрана.

Лишени од слобода 25 возачи за „безобѕирно управување возило“

Во текот на изминатото деноноќие, на различни локации во државата, полициски службеници лишија од слобода 25 возачи поради сторено кривично дело „безобѕирно управување возило“ по член 297-а од Кривичниот законик. Од нив, 12 лица управувале возило без положен возачки испит и тоа, В.Р.(24), А.Н.(31), М.С.(32), Б.Д.(48), И.М.(22) и М.А.(20) и уште двајца малолетници на возраст од 16 и 17 години сите од Скопје А.Џ.(32) од селото Ново село, Ј.Б. (25) од село Орланци, М.И.(44) од село Бојане, и еден малолетник од Кочани. Под дејство на алкохол патничко возило управувале, К.В.(51) и Ѓ.С.(35) двајцата од Скопје, Р.К.(30) од Радовиш, В.М.(24) од Штип, Д.П.(21) од Штип, К.К.(41) од Прилеп, Д.В.(47) од Прилеп, В.К.(43) од Прилеп, Б.Р.(63) од Неготино, Б.Т.(27) од село Негорци, гевгелиско, М.Б.(42) од Гевгелија, додека В.С.(53) од Делчево и П.Д.(24) од Битола управувале возило за време на изречена забрана за управување со моторно возило.

По целосно документирање на случаите, ќе бидат поднесени соодветни кривични пријави. Апелираме до сите учесници во сообраќајот да ги почитуваат сообраќајните правила и прописи, да не управуваат возило без положен возачки испит или доколку имаат изречена мерка за забрана за управување или доколку се под дејство на алкохол и сите заеднички да придонесеме за побезбеден сообраќај.

Тагови: безобѕирно управување

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Автомобилизам

„BMW“ им нуди на вработените над 650.000 евра за да си заминат, интересот е преголем

Германскиот автомобилски гигант „BMW“ им нуди на дел од вработените отпремнини што надминуваат 650.000 евра, доколку доброволно ја напуштат компанијата.

„BMW“ им нуди на вработените над 650.000 евра за да си заминат, интересот е преголем

Интересот за заминување е толку голем што внатрешниот портал, преку кој вработените можат да ги проверат понудите, привремено престана да функционира. Во меѓувреме, „BMW“ ја стопираше програмата за да може да ги обработи пристигнатите барања.

Според германскиот весник „Handelsblatt“, некои вработени би можеле да добијат повеќе од 650.000 евра за спогодбен раскин на договорот за вработување. Станува збор за исклучително високи отпремнини, дури и според стандардите на германската автомобилска индустрија.

Ваквите износи не се правило, туку се однесуваат на конкретни, поединечни случаи. Од „BMW“ одбија да потврдат конкретни бројки, наведувајќи дека не даваат коментари за поединечни договори за вработување.

Вработените го преплавија порталот, системот падна под товарот

На 8 октомври, „BMW“ започна програма за доброволно заминување. Десетици илјади вработени беа известени дека преку внатрешен портал можат да проверат колкава сума би им исплатила компанијата доколку одлучат да си заминат.

Интересот беше толку голем што порталот не можеше да го издржи товарот и привремено престана да работи.

Од „BMW“ потврдија дека постои исклучително голем интерес кај вработените за понудените услови, иако официјално не потврдија дека токму напливот на корисници е причината за техничките проблеми. Според извештаите во германските медиуми, компанијата привремено ја стопираше програмата, само неколку дена по нејзиното започнување, за да може да ги обработи пристигнатите пријави. Сè уште не е познато кога повторно ќе се прифаќаат нови пријави.

Планови за укинување на 8.000 работни места

До крајот на 2027 година, „BMW“ планира да укине приближно 8.000 работни места на глобално ниво. Програмата за доброволно заминување во Германија опфаќа околу 40.000 вработени, првенствено оние во администрацијата, менаџментот, како и во секторот за истражување и развој.

Вработените кои работат директно во производството не се опфатени со оваа програма.

Висината на отпремнината зависи првенствено од платата на вработениот и од должината на неговиот стаж во компанијата. „BMW“, исто така, нуди дополнителни бонуси за вработените кои ќе се согласат да си заминат порано. Според документите што ги разгледа „Handelsblatt“, предвидените датуми за заминување се 31 март и 31 октомври 2027 година.

Исплатите за отпремнина може да се извршат еднократно или на рати, а под одредени услови, вработените можат да насочат дел од средствата во својата пензиска заштеда.

Некои вработени, исто така, може да задржат одредени бенефиции што им се достапни на пензионираните вработени во „BMW“

За постарите вработени важат посебни услови. Оние што ќе наполнат 55 години до крајот на октомври 2027 година – под услов да исполнуваат дополнителни критериуми – можат да се стекнат со статус што им овозможува пристап до дел од бенефициите наменети за пензионираните вработени во „BMW“. Овие бенефиции вклучуваат поповолни услови за купување нови и половни автомобили.

Пакетите за отпремнина на „BMW“ се издвојуваат, особено во споредба со оние што ги нудат други германски производители. „Handelsblatt“ пренесува дека „Volkswagen“, во претходните програми, нудел отпремнини во износ од околу 405.000 евра, додека „Mercedes-Benz“ на некои вработени со долг стаж на раководни позиции им понудил приближно половина милион евра.

Вработениот може на крајот да добие значително помалку од 650.000 евра

Иако понудените износи се исклучително високи, вработените не ја добиваат целосната сума, бидејќи отпремнините подлежат на оданочување.

Според пресметките на германскиот весник „Münchner Merkur“, вработен што ќе добие отпремнина од 650.000 евра – и нема други приходи што подлежат на оданочување во текот на годината на исплата – по плаќањето на даноците би можел да располага со приближно 420.700 евра.

Доколку вработениот оствари други приходи во текот на истата година, конечниот износ може да биде значително помал. Реалниот износ што ќе се исплати зависи од конкретната даночна ситуација на секој поединечен вработен.

„BMW“ има за цел да оствари годишни заштеди од една милијарда евра

„BMW“ ја започна програмата за намалување на бројот на вработени како одговор на падот на продажбата и профитот – особено на кинескиот пазар – како и поради засилената конкуренција и зголемените оперативни трошоци. Компанијата очекува дека намалувањето на бројот на вработени ќе донесе годишни заштеди од приближно една милијарда евра, почнувајќи од 2028 година. Слични мерки преземаат и други големи германски производители на автомобили, меѓу кои „ Volkswagen “, „Mercedes-Benz“ и „Porsche“, кои се соочуваат со пад на побарувачката, конкуренција од кинески производители и високи трошоци за премин кон електрични возила.

Извор: Индекс.хр

Тагови: BMW

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер