Индија демантира дека е вмешана во самоубиствениот напад во Пакистан, во кој беа убиени 13 војници - Канал 5

Свет

Индија демантира дека е вмешана во самоубиствениот напад во Пакистан, во кој беа убиени 13 војници

Индиското Министерство за надворешни работи денеска соопшти дека го отфрлило соопштението на пакистанската војска.

Индија демантира дека е вмешана во самоубиствениот напад во Пакистан, во кој беа убиени 13 војници

Министерството за надворешни работи на Индија денеска соопшти дека го отфрлило соопштението на пакистанската војска во кое се сугерира дека земјата е вмешана во вчерашниот напад во покраината Вазиристан во Пакистан, во кој загинаа најмалку 13 пакистански војници.

Бомбаш самоубиец со автомобил наполнет со експлозив удрил во пакистански воен конвој во град во близина на границата со Авганистан, убивајќи најмалку 13 војници, соопшти вчера пакистанската војска.

Конвојот бил нападнат во областа Мир Али во округот Северен Вазиристан, соопшти армијата.

„Во овој трагичен и варварски инцидент, тројца невини цивили, меѓу кои две деца и една жена, исто така беа сериозно повредени“, се наведува во соопштението, додавајќи дека армијата убила четиринаесет милитанти во операцијата започната по нападот.

Пакистанскиот премиер Шехбаз Шариф го осуди нападот и го нарече „кукавички чин“.

Шефот на пакистанската армија, фелдмаршалот Асим Мунир, во соопштението изјави дека секој обид за поткопување на внатрешната стабилност на Пакистан ќе биде пресретнат со брза и решителна одмазда.

Ова подрачје на беззаконие, кое се граничи со Авганистан, долго време служи како безбедно засолниште за разни исламистички милитантни групи кои дејствуваат од двете страни на границата.

Исламабад тврди дека милитантите водат кампови за обука во Авганистан за да извршуваат напади во Пакистан, што Кабул го негира, наведувајќи дека милитантноста е внатрешно пакистанско прашање.

Министерството за надворешни работи на Индија соопшти дека го отфрлило соопштението на пакистанската војска во кое се обидело да се сугерира вмешаност на Индија во вчерашниот напад, како спонзор на терористите кои го извршиле нападот.

Пакистанските талибанци, познати и како Техрик-е-Талибан Пакистан, група составена од неколку исламистички милитантни групи, долго време водат војна против Пакистан во обид да ја соборат владата и да ја заменат со свој исламски систем на управување.

Пакистанската армија, која започна неколку офанзиви против милитантите, генерално беше нивна главна цел. Претходно, француските медиуми, повикувајќи се на изјави на неименувани функционери, објавија дека 16 војници биле убиени во нападот.

„Камиказе го удрил своето возило полно со експлозив во конвој војници“ во покраината Кибер Пахтунхва, изјави локален функционер под услов да остане анонимен. „16 војници беа убиени“, рече тој, додавајќи дека 19 цивили се повредени.

Локален полициски службеник, кој сакаше да остане анонимен, рече дека покривите на две куќи се урнале во експлозијата, при што шест деца биле повредени.

Според француските меидуми, локална група поврзана со пакистанските талибанци ја презеде одговорноста за нападот. Тој бил извршен од нејзината бригада бомбаши самоубијци.

Тагови: Индија Пакистан

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Делови од Бутел и Карпош денеска без струја

Од ЕВН Македонија АД известуваат дека денеска без електрична енергија ќе останат:

Делови од Бутел и Карпош денеска без струја

– во периодот од 08.00 до 12.00 часот, корисниците од улицата Костурска ,ул. Тале Христов Слога, Клиника ВФВ и Санте плус 3, општина Бутел;

– во периодот од 09.00 до 14.00 часот, корисниците од улица Франце Прешер околу објект 141, општина Карпош;

– во периодот од 12.00 до 14.00 часот, корисниците од Бул. Босна и Херцеговина и ул.Боро Менков, општина Бутел.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Метео

Променливо облачно со повремен дожд и грмежи

Времето денеска ќе биде променливо облачно со повремени врнежи од дожд, локално проследени со грмежи. 

Променливо облачно со повремен дожд и грмежи

Наместа процесите ќе бидат поинтензивни во форма на невреме со пообилен пороен дожд (20 литри на метар квадратен), електрични празнења, силен ветер и појава на град. Минималната температура ќе биде во интервал од 9 до 16, а максималната ќе достигне од 21 до 29 степени, информира Управата за хидрометеоролошки работи (УХМР).

Во Скопје, променливо облачно со повремени врнежи од дожд. Во делови од котлината ќе има поинтензивни процеси во форма на невреме со интензивен пороен дожд, електрични празнења, силен ветер и изолирана појава на град. Минималната температура ќе се спушти до 14, а максималната ќе достигне до 27 степени.

– Во следните денови ќе се задржи променливо облачно време со сончеви периоди во текот на денот. В сабота и в понеделник повторно се очекуваат поинтензивни процеси со пообилен пороен дожд, грмежи, засилен ветер и локално невреме – најави УХМР.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Хороскоп

Дневен хороскоп за 4. јуни 2026 година

Дневен хороскоп за четврток, 4. јуни 2026 година. 

Дневен хороскоп за 4. јуни 2026 година

Близнаци 21.5.-21.6.

Љубов

Ќе копнеете консвојот љубовен идеал, но како што ќе минува денот , така ќе бидете свесни дека тој е далеку од вас.

Кариера

Ќе чувствувате преодна потреба да се повлечете , па ако е некако можно ќе се обидете да делувате од сенка.

Здравје и совет

Грижите што ќе се појават се обична илузија.

Рак 22.6-22.7.

Љубов

Доколку излезете, има голема веројатностубаво да си поминете. Сепак , внимавајте што зборувате за да не направите збрка.

Кариера

На работното место нема да бидете кој знае колку ангажирани. Се ќе одработите рутински и ќе ви недостига мотив.

Здравје и совет

Вежбајте јога за подобра концентрација.

Лав 23.7-22.8.

Љубов

На моменти ќе имате потреба да пресечете и да избегнете некои напори или мали проблеми во врската, но тоа нема да биде потребно. Се е во ред.

Кариера

Мали недоразбирања во односите со соработниците ќе имаат преоден карактер, па не им придавајте значење.

Здравје и совет

Останете мирни.

Девица 23.8.-23.9.

Љубов

Вашиот партнер ќе покажува потреба за повеќе нежности , па без проблеми ќе го направите тоа. Добро е.

Кариера

Повремено во главата ќе си ги анализирате претходните работни денови и предизвиците што сте успеале да ги совладате. Потоа ќе се опуштите.

Здравје и совет

Вежбајте на отворено.

Вага 24.9.-23.10

Љубов

Ќе имате потреба да ги покажете своите емоции и ќе ја доживеете саканата личност на нов начин. Ќе има малку немир ,но врската е во ред.

Кариера

Ве очекува непромиослено однесување на вашите надредени , поради што ќе се чувствувате повредени.

Здравје и совет

Не ги земајте работите при срце. Ќе помине.

Шкорпија 24.10-22.11.

Љубов

Денеска наоѓате вистински начин некому да ги покажете своите чувства , било да станува збор за погледи или само за зборови.

Кариера

Поради добро завршената работа , некои денеска би биле малку под заштита и пуштени дома пред крајот на работното време.

Здравје и совет

Имате право да уживате.

Стрелец 23.11.-21.12.

Љубов

Вашиот стил на забава надалеку е познат по оригиналноста. Денеска дури и ќе претерате.

Кариера

Можно е дека ќе изјавите нешто што ќе повреди некого од вашите колеги. Затоа контролирајте си го јазикот.

Здравје и совет

Бидете умерени.

Јарец 22.12.-20.1.

Љубов

Денот е идеален за да останете дома , било во двојка или сами. Многумина нема да сакаат да излезат со друштво.

Кариера

Со олеснување ќе го прифатите фактот дека се наближува викендот. Тоа ќе ви ги олесни работните часови.

Здравје и совет

Наспијте се добро.

Водолија 21.1.-19.2.

Љубов

Некои денеска би можеле да се покажат како вистински сонувачи. Ќе сонуваат за љубовта што ја нема или ќе ги малтретираат другите со такви приказни.

Кариера

Кога ќе ги сведете сите сметки , ќе видите дека има нови трошоци , но и нови добивки. Пак сте на исто , не се нервирајте.

Здравје и совет

Одморете се.

Риби 20.2.- 20.3.

Љубов

Ќе дојде до мало подобрување на вашите лични односи, но и натаму тешко ќе наоѓате вистински зборови во комуникацијата со партнерот.

Кариера

За да ги ослободите новите идеи , поврзете се со младите соработници . Тие ќе ви помогнат за да се изразите.

Здравје и совет

Следете ги своите сништа.

Овен 21.3-20.4.

Љубов

Повторно ќе најдете рамнотежа во личните односи . На некои во тоа ќе им помогнат пријателите. Саканата личност сепак ве сака.

Кариера

На работното место ќе чувствувате мир и стабилност. Тајните остануваат за некој друг да ги решава.

Здравје и совет

Продолжете да го градите започнатото.

Бик 21.4- 20.5.

Љубов

Веројатно ќе ја споите саканата личност со друштвото и така ќе минете една убава вечер или попладне.

Кариера

Веќе ништо поврзано со работата нема да ве загрижува. Вашите задачи ви се целосно јасни и тоа ви е доволно.

Здравје и совет

Вежбајте гимнастика.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер