Ин Мемориам: Почина боксерската легенда Живко Дуковски - Канал 5

Други спортови

Ин Мемориам: Почина боксерската легенда Живко Дуковски

Makeдонскиот спорт загуби уште една голема легенда.Во 84-тата година денеска животната сцена ја напушти Живко Дуковски,големиот боксерски шампион,тренер и функционер.

Ин Мемориам: Почина боксерската легенда Живко Дуковски

Дуковски целиот свој живот го посвети на боксот и даде голем придонес за афирмацијатра на благородната вештина.Тој беше неуморен ,уште како млад го засака овој спорт на храбрите и уште во 50-сеттите години од минатиот век зачекори на рингот.

Во неговата кариера,како активен боксер најголемиот успех го постигна,кога на поединечното првенство на поранешна Југославија во 1957 година,го освои второто место и сребрениот медал.Потоа,доаѓаа и други настапи и победи низ кои ја градеше својата кариера.По многу борби низ кои го афирмираше македонскиот бокс,кога стави крај на активното бавење со бокс,Дуковски не му рече збогум на саканиот спорт.Напротив кон средината на 60-сеттите години тој стана еден од најголемите афирматори на спортот кој ги привлекуваше младите.Сакаше да направи нешто,да го издигне боксот на повисоко ниво ,па се зафати со тренерската работа.Акумулираното искуство имаше желба да го пренесе на младите и во рамките на Младинското спортско друштво „Скопје“ од Автокоманда на негова иницијатива се формира боксерски клуб.Дуковски со својата харизматична појава брзо привлече многу млади момчина,кои за година-две блеснаа на рингот и многумина од нив во годините што доаѓаа се закитија со медали на младинските и сениорските првенства во поранешната држава.БК „Скопје“ стана расадник на боксери и со успех се натпреваруваше во Втората сојузна лига.Живко Дуковски беше алфа и омега во клубот.Тој не само што беше тренер и организатор на сите активности,туку беше човекот што ги решаваше и сите проблеми на боксерите.Околу себе собра една голема група на ентузијасти,која многу му помагаше и со која успеа да обезбеди егзистенција на клубот.Тогаш се родија шампионите од калибарот на Салиху,Самоиловски,Калач,Реџепагиќ, Смилевски,Голубиќ,Ристевски.Мемеди,Ѓошевски,Јакупи,Василев и уште десетина други момчина,кои го прославија македонскиот бокс.Живко Дуковски со својот авторитет и голема помош на оние што го опкружуваа успеа да се избори -Скопје,во рамките од Денот на ослободувањето 13 Ноември,да биде организатор на првиот „Златен гонг“,приредба која од таа 1968 година традиционално се одржува на македонските рингови.Најголема заслуга за „гонгот„ да живее токму имаше Живко Дуковски.Тој никогаш не се предаваше и во најтешките години до крај се бореше гонгот да не згасне,зашто знаеше оти тој ќе биде магнет за младите.И така беше,од година на година беа откривани се повеќе таленти.Преку оваа приредба својата афирмација ја доживеаја и подоцнешните асови на БК „Скопје“ Мумин Вели,кој стана двократен носител на бронзен медал од Европските првенства и Примислав Димовски,кој еднаш беше петти на Светските првенства.Тие пак беа предводени од Руждија Калач,кој исто така во младоста мина низ рацете на Живко Дуковски од кого многу научи и со кого секогаш се консултираше.Иако не беше директно вклучен во тренажниот процес,долги години Живко „трчаше“ за боксерите и настојуваше, сега во улога на функционер,во еден период и претседател на Боксерската фецерација на Македонија да обезбеди средства за непречен развој на боксот и за учество на нашите репрезентативци на најголемите боксерски приредби.

Последен пат го видовме на рингот,кога пред две години,беше почестен од своите некогашни ученици,сега и тие боксерски функционери,да доделува медали на победниците на „Златниот гонг“.Иако се забележуваше дека го мачат некои здравствени проблеми,тој не ја симнуваше насмевката кога се наоѓаше на рингот.Тогаш на сите им стана јасно,дури и оние што не го познаваа доволно, оти рингот за Живко значеше живот.Дуковски замина во вечноста,но она што го направи за македонскиот бокс вечно ќе се памети.За мене тој е најсветлата

фигура во нашата боксерска историја.Без него, ми се чини боксот ќе беше многу посиромашен.

Почивај во мир ,нека ти е вечна слава ,никогаш нема да бидеш заборавен не само од нас,туку од целата армија не само боксерски,туку спортски љубители од Македонија.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Судбина

Полицаец од Л.А. со 4 куршуми застрела куче, кое било облечено во дрес на „Њујорк Никс“ (ВИДЕО)

Полицијата го застрела и уби Џејмсон, 2-годишен мешан бернски планински пес и пудлица, откако биле повикани во станот на неговата сопственичка за да ја проверат нејзината состојба.

Полицаец од Л.А. со 4 куршуми застрела куче, кое било облечено во дрес на „Њујорк Никс“ (ВИДЕО)

Полициската станица на Лос Анџелес (LAPD) објави вознемирувачка снимка од камера на телото на која се гледа моментот кога полицаец смртно го застрелува кучето во станбен комплекс минатата недела, објавува „Хафингтон пост“.

Инцидентот, кој привлече широко внимание од јавноста, се случи на 13 јуни откако полицијата одговори на повик од сосетка која рекла дека слушнала жена како вреска и побарала да ја проверат безбедноста на станарката. Жената, Мари Марсел, подоцна рече дека врескала од радост кога Њујорк Никс ја освоиле титулата во НБА.

Новообјавената снимка содржи снимки од камерите на двајца полицајци. Снимката ја покажува Марсел како им ја отвора вратата на полицајците додека нејзиното куче лае во позадина. Полицајците ја замолуваат да го заклучи кучето во друга соба, а откако таа ја затвора вратата, еден полицаец му вели на својот колега:

„Боже мој, колку е големо ова куче?“

Додека разговараат за неговата големина, друг додава:

„Човече, нема шанси тоа да ме касне.“

Кога Марсел повторно ја отвори вратата, им кажа на полицајците дека нејзиното куче „не е агресивно“. Џејмсон, 2-годишен Бернедудл облечен во дрес на Никс, излезе низ вратата и истрча кон еден од полицајците, лаејќи. Во тој момент, полицаецот испука најмалку четири куршуми, убивајќи го кучето, додека Марсел врескаше.

Видео од сведок снимено кратко по инцидентот ја покажува Марсел како го покрива телото на своето куче со своето и плаче. Брет Гринфилд, адвокат на Марсел и нејзиното семејство, ги осуди постапките на полицајците во изјава за локалната телевизиска станица ABC 7.

„Џејмсон не беше предмет на никакви обвиненија“, напиша Гринфилд. „Тој не претставуваше закана за јавноста. Тој беше сакан член на семејството во својот дом. Сепак, проверката за благосостојба заврши со неговата смрт, трауматизирајќи ја неговата сопственичка и покренувајќи сериозни прашања за проценката и однесувањето на полицаецот кој го повлече чкрапалото.“

Адвокатот, исто така, рече дека Марсела „бил во непосредна близина на пукањето од страна на полицаецот“, додавајќи дека е „среќа што Мари Марсеила е жива денес“.

Шефот на полицијата во Лос Анџелес, Џим Мекдонел, го нарече инцидентот „исклучително трагичен“ во соопштение објавено во среда и вети „целосна и темелна истрага“ за инцидентот.

Убиството на кучето предизвика силна реакција на интернет, вклучително и критики од градоначалничката на Лос Анџелес, Карен Бас. Во меѓувреме, кампањата за собирање средства што ја започна синот на Марсеила, Џереџеј Гарсија, собра повеќе од 200.000 долари до вчера вечерта.

Тагови: куче полицаец

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Финска во шок: Момче се запали и скокна од карпа во вода, додека пријателите го снимаат (ВИДЕО)

Драматична ситуација што се појавува само во филмови се случила на плажата Пикукоски во предградието на Хелсинки, Оулункила, Финска.

Финска во шок: Момче се запали и скокна од карпа во вода, додека пријателите го снимаат (ВИДЕО)

Настанот бил снимен со камера од неколку очевидци, вклучувајќи го и Ету од Хелсинки, кој ја поминувал летната ноќ во близина на местото на настанот.

Според Ету, група млади пристигнале на плажата околу полноќ со шише течност за запалување. Тие им кажале на другите присутни што ќе прават и одбиле да послушаат какво било разубедување.

„Се обидовме да ги разубедиме, да се договориме со нив, но не можевме“, вели Ету.

Младите мажи се искачиле на карпа, каде што шишето било испразнето врз еден од нив. Потоа еден од младите мажи се самозапалил.

Снимката не покажува дали момчето се самозапалило. Сепак, камерата на Ету го снимила моментот кога млад човек облечен во темна облека, во пламен, трча неколку метри до карпата и скока.

- Потоа, со солзи во очите, излегол од водата -

Според Ету, младиот човек се пожалил дека му горат грбот и рацете, но и покрај болката, останал на плажата со своите пријатели. Атмосферата во групата, според Ету, била „весела“.

На крајот, била повикана брза помош, а според Ету, младиот човек влегол во брзата помош на свои нозе.

Центарот за итни случаи ги проследил информациите за интервенцијата на брзата помош до полицијата. Оперативниот центар на полициската управа во Хелсинки потврдил за Илталехти, кој објави и ВИДЕО од страшниот настан, дека информациите пристигнале доцна синоќа.

Тагови: момче Финска

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Низ САД се шири лесно достапна дрога- „хероинот од бензинска пумпа“ е посилна од фентанил

Следниот фентанил можеби нема да доаѓа од нарко-картели и тајни лаборатории, туку од локална бензинска пумпа на автопатот. 

Низ САД се шири лесно достапна дрога- „хероинот од бензинска пумпа“ е посилна од фентанил

Америка се соочува со нова закана - супстанцијата 7-OH, која Администрацијата за храна и лекови (FDA) веќе ја прогласи за „следен бран на епидемијата на опиоиди“.

Оваа хемикалија доаѓа од растението кратом, а производителите сега ја користат за да направат многу посилна дрога која, поради нејзината лесна достапност, популарно се нарекува „хероин од бензинска пумпа“.

Коктел од мистериозни хемикалии пронајден во апчиња

Фармацевтот и TikToker Грант Хартинг неодамна купи апче од овој производ на бензинска пумпа и го испрати на лабораториска анализа. Резултатите беа шокантни: покрај екстремно високата концентрација на потенцијално смртоносниот наркотик, пронајден е и коктел од непознати, токсични хемикалии, пишува New York Post.

„Ова се претвори од многу сомнително и опасно во неверојатно и супер-лудо сомнително“, предупреди Хартинг.

Хоспитализациите и смртните случаи поврзани со кратом скокнаа за 1.200% во последните 10 години, според CDC. Сепак, супстанцијата останува легална во повеќето држави и е спакувана во гумени бомбони, пијалоци, па дури и сладолед.

@grant_harting Licensed Pharmacst Tests Sketchy Gas Station Pill #pharmacy #asmr @MassSpecEverything ♬ original sound - Grant Harting

Корисниците немаат поим што внесуваат во своите тела

Најголемиот проблем е што производителите во многу држави не се обврзани да го наведат 7-OH на своите етикети. Корисниците честопати мислат дека купуваат обичен, природен кратом, но всушност внесуваат опасна и зависност предизвикувачка дрога, без упатства за дозирање.

Процесот на производство, исто така, создава мистериозни хемиски нуспроизводи чии здравствени ефекти се целосно непознати. Статистиката покажува дека дрогата е особено смртоносна кога се меша со алкохол - што е случај кај дури 80% од смртните случаи.

Додека лобистите од индустријата за кратом се борат против забраната, тврдејќи дека супстанцијата би можела да им помогне на оние кои се зависни од традиционални опијати, експертите се јасни: ваквите производи немаат место на полиците во продавниците.

„Треба да биде правилно етикетирана и достапна само од лиценциран фармацевт. Не од вработени на бензински пумпи“, заклучува д-р Оливер Грундман од Универзитетот во Флорида.

Тагови: дрога хероин

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер