Импресивен настап на грчката пијанистка Данае Доркен на „Охридско лето“ - Канал 5

Култура

Импресивен настап на грчката пијанистка Данае Доркен на „Охридско лето“

Со својот возвишен пијанистички артизам, Доркен вечерта ја започна со една од нејзините омилени композиции, „Фантастична пиеса“ од Роберт Шуман.

Импресивен настап на грчката пијанистка Данае Доркен на „Охридско лето“

Младата грчко-германска пијанистка Данае Доркен со своето вдахновено музицирање вчеравечер ја почести публиката на „Охридско лето“ со прекрасен концерт кој се одржа во рамки на Грчката вечер на фестивалот, поддржана од Амбасадата на Грција во нашата земја.

Со својот возвишен пијанистички артизам, Доркен вечерта ја започна со една од нејзините омилени композиции, „Фантастична пиеса“ од Роберт Шуман.

-Голема е радоста што свирам тука особено поради тоа што имам половина потекло од Грција која е соседна земја на вашата. На репертоарот имав грчки дела од Микис Теодоракис, но не само тоа, туку свирев и една од моите омилени композиции „Фантастична пиеса“ од Роберт Шуман со која го започнав концертот. Отсвирив и едно необично дело, „Црна земја“ од Фазил Сај инспирирано од инструменти кои звучат ориентално кое се свири на посебен начин на пијаното, со допирање на внатрешните жици, рече пијанистката Данае Доркен која изведе и дела од Фридрих Менделсон и Франц Лист.

Таа е една од најбараните уметници на нејзината генерација, позната по нејзината неверојатна техника, фантастична сценичност и длабочина на музичката мисла.На само седумгодишна возраст, веќе била поддржувана од познатиот Јехуди Мењухин и уште тогаш ги освојува симпатиите на публиката со „нејзиното уживање во интерпретирањето на музиката“. По студиите со Карл-Хајнц Кемерлинг и со познатиот солист и педагог Ларс Вогт, започнува нејзината кариера и денес таа редовно гостува со водечките европски оркестри

По повод 100-годишнината од раѓањето на грчкиот композитор Микис Теодоракис која се одбележува во 2025 година, Данае Доркен ќе издаде албум со делата за пијано од овој композитор.

Минатата година, исто така, беа промовирани неколку албуми – „Аполо и Дионисиј“ издаден за „Берлин класикс“ како дуо со нејзината сестра и три албуми со францускиот обоист Филип Тондре за издавачката куќа „Кларте“. Нејзиниот најзначаен аудиопроект, снимката на Моцартовиот концерт бр. 21 и ретко изведуваниот Втор концерт за пијано и оркестар од Феликс Менделсон под диригентство на Ларс Вогт и со Симфонискиот оркестар од Њукасл се здобива со одлични критики, додека пак соло албумот „Одисеја“ еноминиран за повеќе значајни меѓународни награди.

Тагови: Охридско лето

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Мелони најави ограничување на бројот на странски ученици и забрана за бурки и никаби во училиштата

Италијанската премиерка Џорџа Мелони најави дека наскоро до владата ќе предложи мерка со који ќе се ограничи бројот на странски ученици во училишните одделенија и ќе се забрани носењето бурки и никаби во училиштата.

Мелони најави ограничување на бројот на странски ученици и забрана за бурки и никаби во училиштата

Мелони ова го соопштила пред младинската организација на нејзината партија „Италијански браќа“, додавајќи и дека со мерката исто така ќе стане задолжително изучувањето на италијанскиот јазик за родителите на странските ученици кои имаат „сериозни тешкотии при интеграцијата во училишниот систем“.

– За нас, секој што доаѓа во Италија и сака да ја гради својата иднина тука, мора да го научи нашиот јазик, да ја разбере нашата култура и да ги почитува нашите правила. Тоа е единствениот сериозен начин да ги пречекаме – изјавила Мелони.

Откако ќе биде одобрена од владата, мерката ќе треба да помине и во парламентот во рок од 60 дена за да стапи на сила

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

НБА

По драмата околу борбата за децата, Лука Дончиќ ја отвори душата- Каде и да е тато ...

Еден од најдобрите светски кошаркари, НБА ѕвездата на ЛА Лејкерс, Лука Дончиќ повторно ја покажа својата емотивна страна.

По драмата околу борбата за децата, Лука Дончиќ ја отвори душата- Каде и да е тато ...

По драмата околу борбата за децата, еден од најдобрите светски кошаркари, Словенецот Лука Дончиќ ја отвори душата како никогаш досега.

Лука Дончиќ повторно ја покажа својата емотивна страна, а неговата најнова објава на Инстаграм привлече големо внимание во јавноста.

Словенечкиот кошаркарски ас објави серија фотографии од своите ќерки Габриела и Оливија, придружени со порака што кај многумина предизвика солзи во очите.

„Г и О, без оглед на тоа каде во светот се наоѓа тато, не поминува ден а да не сте во моето срце. Каде и да одам, вие сте секогаш со мене. Ве сакам!“ – напиша Лука Дончиќ покрај фотографиите од своите девојчиња.

Овој пост на Лука доаѓа по исклучително бурен период во неговиот приватен живот.

Дончиќ раскина со мајката на Габриела и Оливија, Анамарија Голтес, неговата долгогодишна партнерка и свршеница.

Нивната љубовна приказна со години го привлекуваше вниманието на јавноста, поради што нивното раскинување предизвика бројни реакции. Лука и Анамарија се запознале уште како тинејџери, а нивната врска траела со години.

По бројни подеми и падови, тие се свршиле во 2023 година, а потоа добиле две ќерки. Сепак, нивната љубовна приказна немаше среќен крај.

Тагови: Лука Дончиќ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

„Единствена Русија“ на Путун со убедлива победа на изборите

„Единствена Русија“ на Владимир Путин оствари убедлива победа на парламентарните избори во Русија.

„Единствена Русија“ на Путун со убедлива победа на изборите

Со пребројани над 71 отсто од гласовите, како што објавуваат руските новински агенции, Единствна Русија освоила 57,5 отсто, Комунистичката партија и Националистичката либерално демократска партија имале 14 и 8,7 отсто од гласовите..

Според прогнозите на ТАСС, владејачката партија е на добар пат да го задржи двотретинското мнозинство во Државната Дума со 450 места..

Изборите се одржаа и на окупираните териториии во Украина, анектирани од Русија и ова се први избори по руската инвазија во Украина.. Ниту една од партиите кои беа против војната не добија дозвола да влезат во изборната трка..

Вчера на последниот ден од гласањето Украина лансираше беспилотни летала кон Москва, при што загинаа две лица а беше запалена рафинерија за нафта

Русија најави интензивирање на нападите кон Киев, и ја обвини Украина дека се обидела да „ја потисне демократската волја на руските граѓани“.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер