Има ли решение за проблемот со српските регистарски таблички во Косово? - Канал 5

Балкан

Има ли решение за проблемот со српските регистарски таблички во Косово?

Истиот ден кога стапи на сила договорот за личните документи меѓу Белград и Приштина, почнува да тече и 2-месечниот рок за Србите од Северот на Косово - досегашните таблички на автромобилите да ги пререгистрираат со таблички РКС.

Има ли решение за проблемот со српските регистарски таблички во Косово?

Истиот ден кога стапи на сила договорот за личните документи меѓу Белград и Приштина, почнува да тече и 2-месечниот рок за Србите од Северот на Косово - досегашните таблички на автромобилите да ги пререгистрираат со таблички РКС, односно Република Косово. Премиерот Албин Курти не се откажува од одлуката, која минатиот месец беше одложена, откако предизвика сериозни тензии и ги поттикна локалните Срби да подигнат барикади. Курти сега во обраќање на српски јазик им порача на околу 50 илјади етнички Срби дека имаат 61 ден да ги пререгистрираат табличките со акроними од косовските градови издадени во Србија да ги пререгистрираат со РКС.

-Таблиците кои ги издава Србија „ПР“, „КМ“, „ПЗ“, „ГЛ“, „УР“, „ПЕ“, „ДА“ и „ЏА“ се наследство на режимот на Милошевиќ. Ваквото наследство не треба да биде товор на вашите плеќи. На овој начин, тоа ве држи изолирани во минатото. , изјави Албин Курти, премиер на Косово.

Пораката на Курти очекувано не наиде на одобрување меѓу Србите на Косово. Во Косовска Митровица осамнаа летоци на кои ознаката за Република Косово е пречкртана, а ознаката за Косовска Митровица одобрена. Српските медиуми објавуваат дека многу регистрации се облепени со таблици КМ, во знак на протест, а директорот на Канцеларијата на Косово Петар Петковиќ му порача на Курти дека како што ги сочувале српските лични карти, така ќе се изборат и за регистарските таблички. Дел од медиумите објавуваат дека во случај да се бојкотира пререгистрацијата, Србите ризикуваат автомобилите да им бидат конфискувани од ноември. Денеска на граничните премини меѓу Косово и Србија започна примената на договорот постигнат пред пет дена, според кој, Србите од Косово можат да патуваат со српски документи, а Белград нема да издава дополнителни документи за сопствениците на лични карти издадени од косовските власти.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Руската антивоена партија „Јаблоко“ освои место во регионалниот парламент

Руската антивоена партија „Јаблоко“  изненадувачки успеа да освои место во регионалниот парламент, и покрај тоа што во голема мера ѝ беше оневозможено учество на изборите низ земјата.

Руската антивоена партија „Јаблоко“ освои место во регионалниот парламент

Неочекуван успех на регионалните избори

Оваа либерална опозициска партија освои 6,38 отсто од гласовите во регионот Нижни Новгород на реката Волга и во понеделник за првпат доби место во регионалната Дума.

Резултатот привлече значително внимание низ Русија бидејќи на партијата ѝ беше забрането да истакнува кандидати во речиси целата земја по одлуката на Врховниот суд.

Реакција на партијата и поддршка за активистката против корупција

„Мир, слобода и живот без страв – тоа се вредностите што одекнаа во срцата и душите на луѓето“, соопшти регионалниот огранок на „Јаблоко“ во Нижни Новгород.

Партијата ѝ честиташе на својата регионална претседателка Ана Черепанова, позната противничка на војната и активистка против корупцијата.

Зошто Кремљ го ограничи учеството на партијата

Експертите сметаат дека партијата веројатно била исклучена од националните избори бидејќи Кремљ проценил дека таа навистина би можела да освои пратенички места.

Лидерот на „Јаблоко“, Николај Рибаков, ја позиционираше партијата како единствена сила што се залага за прекин на огнот во руската војна против Украина. Сите други партии ја поддржуваат инвазијата, која трае повеќе од четири и пол години.

Извор: Индекс.хр

Тагови: русија Јаблоко

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Живот

Македонците во Мала Преспа го одбележаа Раѓањето на Пресвета Богородица на островот Мал Град

Македонците во Мала Преспа го одбележаа големиот православен празник Раѓање на Пресвета Богородица – Мала Богородица, со богослужба во црквата „Света Богородица“ на островот Мал Град во Преспанското Езеро.

Македонците во Мала Преспа го одбележаа Раѓањето на Пресвета Богородица на островот Мал Град

Во древниот храм „Света Богородица“, кој потекнува од 1345 година, беше одржана свечена богослужба, продолжувајќи ја вековната традиција на одбележување на празникот на островот Мал Град.

На богослужбата, во чест на Рождеството на Пресвета Богородица, богослужеше митрополитот Корчански, Неговото Високо Преосвештенство Анастасиј, заедно со отец Алексо од Пустец и други свештеници од Корчанската митрополија.

На празничната богослужба присуствуваше и претседателот на Македонската алијанса за европска интеграција (МАЕИ), Васил Стерјовски, кој на верниците им посака здравје, мир и благосостојба.

Црквата „Света Богородица“ на Мал Град претставува еден од најзначајните културно-историски споменици во Преспа. Сместена на островот Мал Град, во областа Мала Преспа, црквата датира од XIV век и претставува значаен споменик на средновековното македонско културно наследство во Преспанскиот регион.

Особено значаен е нејзиниот фрескоживопис, по кој храмот се издвојува меѓу пештерските и островските цркви распространети долж бреговите на Преспанското и Охридското Езеро.

Празникот Рождество на Пресвета Богородица – Мала Богородица има посебно значење и во традицијата на Македонците во Албанија. Голем број македонски семејства го одбележуваат како домашна слава, пренесувајќи ја традицијата од поколение на поколение.

Одбележувањето на празникот на Мал Град и годинава беше можност жителите на Преспа да ја продолжат вековната верска и културна традиција поврзана со овој значаен храм и со Преспанскиот крај.

Тагови: Мала Преспа

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Нови американски амбасадори во Србија и БиХ

Вашингтон испраќа нови амбасадори во Србија и во БиХ.

Нови американски амбасадори во Србија и БиХ

На сослушување во сенатскиот одбор Мајкл Јанг и Роналд Џонсон, кандидатите за нови амбасадори во Белград и Сараево, како свои приоритети ги претсавиле зајакнувањето на економските врски, на стабилноста на регионот како и сузбивањето на влијанијата на Русија и Кина на Западен Балкан.

Мајкл Јанг кој е поранешен претседател на универзитетот во Јута, пред сенаторите истакнал дека постои голем потенцијал за американските компании во Србија

Роналд Џонсон кој е кандидат за амбасадор на САД во БиХ, мегудругото ја потврдил американската посветеност на суверенитетот, територијалниот интегритет и мирот воспоставен со дејтонскиот мировен договор. Во контекс на регионалната безбедност тој најавил и заедничка соработка со партнерите за ограничување на малигното влијание на Русија и Кина на тој простор. Во јануари минатата годинаод Србија замина екс амбасадорот на САД Кристофер Хил а во февруари Мајкл Марфи од БиХ. Агелер замина од Македонија во декември 2025-та

Тагови: амбасадори

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер