Македонија

Има ли начин да се стави крај на проблемот со питачењето на крстосниците?

Детска рака подадена кон прозорецот од автомобилот....Ова е честа слика, особено на оваа крстосница зад мене.

Надлежните велат дека овој пат имаат подолготрајно решение на проблемот со децата питачи. Во минатото, акции за отстранување на децата од крстосниците се правеле, а тоа се прави и сега, но што е различно и дали децата повторно ќе го најдат патот назад кон улицата...

Дваесетина деца затекнати како питачат низ скопските улици деновиве се тргнати од таму, а најпрво им е овозможен детален медицински третман во детската болница „Козле“ и треба да бидат вклучени во воспитно-образовниот процес, вели Министерот за социјална политика Ѓоко Велковски. Тој тврди дека овој пат ќе биде поинаку бидејќи им се нуди реална помош на децата, има интервентен центар каде што можат да бидат и привремено згрижени, а клучно е и тоа што ако по втор пат службите ги затекнат на улица, и во пракса ќе се одзема родителското право.

-Можам да уверам дека денеска системот ќе биде поинаков. Овие интервентни сместувања не постоеја. Односно, за жал ги имаше на хартија, во Законот за социјална заштита, постоеле, но резурсот на интервентни сместувања за овие дечиња во кој за нив ќе има комплетна грижа, не постоел. Денеска го имаме, со доволен број на вработени и целосна програма за работа за 30 дена додека децата се во интервентниот центар. Потоа, на располагање ги имаме „25 Мај“ доколку имаме воспитно социјални проблеми, а потоа и „11 Октомври“ ако е дете без родители или без родителска грижа. - Ѓоко Велковски – министер за социјална политика, демографија и млади.

Идејата е на крајот да нема ниту едно дете оставено на улица, а и реално да се работи со нив за да сфатат дека питачењето не е единствениот начин на живот за нив, вели Министерот Велковски. Според него, акцијата што започна пред неколку дена е само дел од еден системски пристап, а следниот чекор е кампања за граѓаните со цел да се демотивира питачење на улица.

-Другиот дел на системска поставеност е кампањата. Веќе денеска е дефинирана од страна на Министерството за социјална политика, демографија и млади. Капмања преку која ќе ги насочиме и учесниците во сообраќајот, бидејќи таму е детектирано најголемото присуство, на булеварите и крстосниците низ Скопје. Преку кампањата буквално би ги демотивирале учесниците во сообраќајот да ги помагаат на некаков начин овие дечиња, а ако сакаат да им помогнат тоа да имаат пожност да го сторат на понаков начин. - Ѓоко Велковски – министер за социјална политика, демографија и млади.

Ќе се смени и законот за да има поостри санкции, а акциите за детектиреање и помош на дечињата питачи кои се затекнувани со цивилни возила во кои има вработени од центарот за социјална грижа и полициски службеници, ќе станат редовна пракса, тврдат надлежните.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Роберт Де Ниро со најгрди зборови против Доналд Трамп (ВИДЕО)

Роберт Де Ниро повторно жестоко го нападна Доналд Трамп, а во својот говор употреби низа пцости.

Американскиот актер ги повика гласачите да ја искористат можноста да гласаат рано и да учествуваат во кампањата „Без кралеви: Гласајте рано“, најавена за 17 октомври.

Де Ниро го нарече Трамп „проклето гом*о“ и го обвини дека се обидува да им го одземе правото на глас на Американците.

„И што ќе му кажеме на тој кукавица, на тоа проклето гом*о, кога Доналд Трамп се обидува да ни го одземе гласот и нашата моќ?“, праша Де Ниро. „Тргнете ги рацете од нашите гласови“.

Остро кон Трамп и републиканците

Во својот говор, актерот ги нападна и републиканците во Конгресот, Врховниот суд и одредени федерални институции. Тој тврди дека тие не ги штитат правата на глас на Американците и дека нивните постапки го загрозуваат изборниот процес.

Де Ниро претходно го обвини Трамп дека „се збогатува со пријатели од кругот на Епштајн“, а слични критики упати и кон претседателот и неговите соработници во претходните настапи.

„Не можат да ја добијат поддршката од гласачите, па што прават? Се обидуваат да ни ги одземат гласовите. Се шегувате? Тргнете ги рацете од нашите гласови“, рече тој, пред да ја изостри својата порака: „Ќе го кажам вака: Тргни ги рацете од нашите гласови.“

Тој конкретно ги нападна републиканците, за кои рече дека не се подготвени да се залагаат за правото на глас. „Што ќе им кажеме на тие слаби и безрбетни републиканци во Претставничкиот дом и Сенатот кои нема да ги заштитат нашите права?“, праша тој.

De Niro: When that coward, that fucking piece of shit, Donald Trump, tries to take our voice and power away, what do we tell him? Keep your fucking hands off our vote. https://t.co/NIxrORfAMT
— Acyn (@Acyn) October 5, 2026

Тој, исто така, го повика Врховниот суд: „Што ќе му кажеме на Врховниот суд кога тој само потврдува потиснување на правото на глас?“ Де Ниро изнесе обвинувања за притисокот на Министерството за правда врз изборните службеници, барањата за избирачки списоци и ракувањето со гласачките ливчиња. Тој, исто така, ги спомена агентите на ICE, кои ги обвини за заплашување на гласачите.

„Што ќе им кажеме на тие маскирани и вооружени бандити на ICE кои се кријат околу гласачките места?“, праша тој и повтори: „Тргајте ги рацете од нашите гласови.“

Достапните снимки од говорот не даваат конкретни докази за да ги поткрепат овие тврдења.

„Тие се толку глупави“

Де Ниро, исто така, ги критикуваше пошироките политики на администрацијата на Трамп. Тој верува дека нејзините потези одвраќаат сè поголем број гласачи. „Администрацијата на Трамп знае дека нивните политики не се само луди и сурови, туку и сè помалку популарни“, рече тој. „Тие го гледаат тоа, не се глупави. Па, всушност се, тие се навистина глупави“.

„Мислам, тие се навистина глупави. Тие се поглупави отколку што некогаш мислев. Но, тие сфаќаат дека она што го прават е да ги одвратат луѓето“, рече тој.

Ги повика Американците да гласаат порано

Заедно со критиките кон Трамп, главната порака од говорот на Де Ниро беше насочена кон излегување. Тој ги повика луѓето да гласаат пред официјалниот ден на изборите и да ги охрабрат членовите на семејствата, пријателите, соседите и другите луѓе од нивната околина да гласаат.

„Ние ќе гласаме први, и ќе гласаме порано“, рече тој.

Тој, исто така, повика на учество на националниот ден на акција на 17 октомври. Движењето „Без кралеви: Гласајте рано“ го објави датумот како ден посветен на охрабрување на гласачите да направат план за рано гласање каде што е достапно.

„И ве молам, сите мора да учествувате на националниот ден на акција на 17 октомври“, додаде тој, упатувајќи ги слушателите кон веб-страницата „Без кралеви“. Го заврши говорот со кратка порака: „Мислам дека сфатија што сакав да кажам“.

Тагови: Роберт де Ниро

Забава

YOVA ја претстави новата невестинска колекција - The Bridal Edit на гламурозната Haute Wed Gala

Македонскиот бренд за рачно изработени чанти и аксесоари YOVA ја претстави The Bridal Edit – нова колекција создадена за невестата, нејзините девојки и сите моменти што вреди да се носат со себе.

Колекцијата носи нова перспектива на невестинските додатоци, спојувајќи ја препознатливата рачна изработка на YOVA со современи силуети и невестинска естетика. Веќе познатите модели на брендот се пресоздадени во чиста невестинска бела, како и во комбинации со сребрена, златна и бронзена рафија, додека дел од дизајните се надополнети со автентични охридски бисери од семејството Талеви.

The Bridal Edit ги обединува моделите Силви Багет, Силви Микро, Ринг, Реса, Фиори и Бисера, заедно со новиот Бисера Чокер – рачно хеклан чокер со 14 автентични охридски бисери од семејството Талеви. Целата колекција е замислена не само за свадбениот ден, туку и за сите свечени моменти што следуваат потоа.

The Bridal Edit за првпат беше претставена во живо на The Haute Wed Gala 2026 by Atelier Per Sempre, одржана на 30 септември во PARK by Ragusa, каде YOVA беше дел од гламурозната вечер посветена на невестинската мода, високата мода и современата свадбена естетика. Годинешното издание на The Haute Wed Gala ја спои модата со музика, кабаре и театарски перформанс, во амбиент инспириран од стариот Холивуд и ерата на 1920-тите.

„The Bridal Edit“ е продолжение на филозофијата на YOVA – да создава рачно изработени парчиња со карактер, кои не се врзани само за една пригода. Секој модел е изработен во мали серии во Македонија, со фокус на рачната изработка, современиот дизајн и внимателно избрани италијански материјали.

The Bridal Edit е достапна за нарачки на yova.maison и во УРМА во Skopje City Mall.

Тагови: венчавка мода чантичка

Црна хроника

20 лица се уапсени викендов поради трговија со дрога

Task Force и викендов активно против недозволената трговија со дрога: 20 лица лишени од слобода.

Од 2 до 4 октомври 2026 година, припадниците на Министерството за внатрешни работи, преку координирани активности на Работниот тим – Task Force, постапуваа во 13 случаи поврзани со недозволена трговија со дрога, на подрачјето на повеќе Сектори за внатрешни работи и Регионални центри за гранични работи.

Во рамки на преземените активности извршени се повеќе прегледи и претреси на лица, возила, домови и други простории, при што е запленета поголема количина наркотична дрога, а 20 лица се лишени од слобода, меѓу кои и двајца странски државјани – од Полска и Чешка.

Во текот на викендот, на подрачјето на СВР Струмица во еден од случаите полициските службеници пронашле и одзеле 59 стебла марихуана со вкупна тежина од околу 680 килограми, додека во друг случај пронајден е и одземен голем патнички куфер полн со марихуана. На подрачјето на СВР Скопје, при претреси на три локации што ги користело едно лице, одземени се осум кеси со околу 800 грама марихуана, при што лицето е лишено од слобода.

На подрачјето на СВР Велес, при претрес на дом и преглед на лице, одземени се 29 помали кеси со вкупно 15 грама кокаин, 14 грама кафеавкаста материја и околу 5.000 евра. Во рамки на активностите на Одделот за сузбивање на организиран и сериозен криминал, извршени се претреси на четири локации, при што две лица се лишени од слобода, а пронајдени и одземени се околу 200 грама кокаин, 505 милилитри масло од хашиш и 4,58 грама марихуана.

За преземените активности ќе следуваат соодветни кривични пријави.

Ова се конкретни резултати од координираната работа на полициските службеници на терен и продолжение на засиленото постапување против лицата и криминалните структури инволвирани во производство и недозволена трговија со наркотична дрога.

Министерството за внатрешни работи продолжува со засилени активности за сузбивање на недозволената трговија со дрога и откривање на лицата инволвирани во овој вид криминал, соопштуваат од МВР.