Има ли АЕК двојни стандарди кога се во прашање навивачите? - Канал 5

Балкан

Има ли АЕК двојни стандарди кога се во прашање навивачите?

 Динамо Загреб и полицијата се целосно одговорни за тоа што се случи, полицијата затоа што дозволи конвојот да ја помине цела Грција, рече во август 2023 година извршниот директор на ФК АЕК, Јоргос Космас.

Има ли АЕК двојни стандарди кога се во прашање навивачите?

Динамо Загреб и полицијата се целосно одговорни за тоа што се случи, полицијата затоа што дозволи конвојот да ја помине цела Грција, рече во август 2023 година извршниот директор на ФК АЕК, Јоргос Космас откако во земјата беа пуштени околу 150 навивачи на хрватски Динамо, од кои поголемиот дел без билети, за натпреварот во квалификациите за Лигата на шампиони, кога се случија сериозни инциденти и беше убиен навивач на АЕК, со што се поставува и прашањето дали атинскиот клуб има двојни стандарди кога се во прашање навивачите?

Како што јави дописничката на МИА од Атина, пред две години ФК АЕК ја обвинуваше полицијата што ги пуштила хрватските навивачи во Грција во пресрет на фудбалскиот натпревар со Динамо Загреб, сега, две години подоцна РК АЕК (индиректно) ги обвинува македонските власти што не ги пушти нивните навивачи на натпреварот со Алкалоид.

Иако не станува збор за исто раководство или за ист случај со оглед на тоа што пристигнувањето на навивачите на Динамо во Атина резултираше со сериозни инциденти и еден убиен, сепак и тогаш и сега протагонист е АЕК и ставот во однос на навивачите, на својот или на другиот тим – во зависност од околностите.

Во неделата одбија да играат и беше одложен натпреварот со Алкалоид затоа што нивните навивачи беа запрени на граница, но од друга страна, пред две години пак имаа сосема спротивен став, кога навивачи на гостински тим беа пуштени да влезат во Грција – тогаш ја обвинија грчката полиција дека пуштила хрватски навивачи.

На 8 август 2023 година, ФК АЕК требаше да биде домаќин на Динамо Загреб во третото квалификациско коло во Лигата на шампиони, но ден претходно, пред стадионот во атинската населба Неа Филаделфија имаше сериозни инциденти меѓу навивачите на грчкиот и хрватскиот тим, а 29-годишен навивач на АЕК беше прободен со нож по што им подлегна на повредите.

Извршниот директор на ФК АЕК, Јоргос Космас, тогаш директно го обвини Динамо Загреб за инцидентите и убиството велејќи дека хрватскиот тим „е апсолутно одговорен што организирана група криминалци од Хрватска тргна организирано од Загреб за да го предизвика она што го предизвика“.

- Вториот главен виновник е полицијата која дозволи конвојот да ја помине цела Грција и да стигне до Атина и да го одржат планираниот „состанок“ со организираните криминални навивачи на друг грчки тим. И заедно им дозволи да стигнат до Нова Филаделфија. Динамо Загреб и полицијата се целосно одговорни за тоа што се случи, рече тогаш Космас.

Тогашниот министер за заштита на граѓаните на Грција, надлежен за полицијата Јанис Иконому во интервјуто за грчката телевизија „Алфа“ рече дека постоел „трагичен неуспех“ на полицијата да го спречи и запре патувањето во Атина на навивачите на Динамо Загреб, а говореше и за оперативни грешки и неискористување на информациите.

За пропустите на грчката полиција, сведочеа и документите објавени во медиумите, според кои полицијата била информирана дека во Атина доаѓаат навивачи на Динамо Загреб, информации кои стигнале и од хрватските и од црногорските власти.

- Во однос на преминувањето на грчката граница на навивачите на Динамо Загреб, нивното патување во Грција и нивното пристигнување на местото на инцидентите, нема да штедам зборови, недозволиво и неприфатливо е, бидејќи е под можностите и докажаните способности на грчката полиција, која иако брзо уапси 98 лица, потфрли во делот на превенција и спречување, рече тогаш Иконому.

АЕК најмалку пет часа пред натпреварот знаеше дека ќе добие само 200 билети

Сега, речиси две години подоцна откако Алкалоид и МВР, како што за медиумите изјави претставникот на тимот Зоран Цветановски, одлучиле бројот на билети за гостинскиот тим да биде ограничен на 200 влезници, ракометарите на АЕК останаа во соблекувалните.

-Правилото важи дека гостите добиваат десет проценти од капацитетот на салата, што во превод значи околу 650 билети. Нашиот клуб и МВР донесоа одлука дека тоа не е возможно и бројот на влезници за гостинските навивачи беше ограничен на 200. Тука се кршеа копјата. Дел од навивачите на АЕК допатуваа во Скопје, а дел не. Тие што беа во Скопје беа незадоволни што не добија билети колку што посакуваа и дадоа ултиматум на управата на АЕК дека ако истрчаат на терен без навивачи ќе трпат внатрешни последици по враќањето во Атина, рече Цветановски.

[Коментаторот на грчката национална телевизија информира дека раководството на АЕК бара одложување на натпреварот со Алкалоид, поради неприсуството на невините навивачи во СЦ „Борис Трајковски]

Околу пет часа пред натпреварот (а можеби и повеќе) од АЕК преку соопштение, како на сајтот така и на социјалните мрежи ги информираа навивачите дека им биле дадени само 200 билети, објаснувајќи дека „по утрински безбедносен состанок и покрај упорноста и титанскиот напор на АЕК да обезбеди што е можно повеќе билети за натпреварот, локалните власти на земјата донесоа непопустлива одлука дефинитивно да доделат 200 билети“.

- Затоа, пристапот на нашите навивачи до салата и околината без билет не е дозволен, бидејќи многу сериозно и опасно за личната безбедност на сите, соопштија во неделата од АЕК.

Сепак, над пет часа подоцна, ракометарите на атинскиот тим не излегоа на терен поради „неправдата кон навивачите на кои не им беше дозволено да ја преминат границата“.

Од АЕК соопштија дека „непочитувањето на навивачите е непочитување и на АЕК“ дека раководството „со еден глас, донесе тешка, но неопходна одлука“ и дека „ниедна сила не може да им направи неправда на навивачите, како што се обидоа да направат локалните власти на Скопје“.

Навивачите на АЕК на натпреварот во Атина ја нападнаа клупата на Алкалоид – Лазаров ги смируваше

На првиот натпревар во Атина, на 18 мај, навивачите на АЕК предизвикаа и мал инцидент откако со предмет но и хартиена чаша вода ја нападнаа клупата на Алкалоид.

Следеа и низа псовки и навреди кон Лазаров и играчите, како што се гледа и од видеото на МИА од салата, а тренерот на Алкалоид во спортски дух, се приближи до трибината и заедно со неколку ракометари од АЕК се обиде да ги смири навивачите, а натпреварот продолжи регуларно.

Во олимписката сала во Атина 7.800 гледачи го следеа натпреварот, а меѓу нив и помала група на навивачи на Алкалоид, а на почетокот од дуелот, домашните навивачи беа иритирани и реагираа на поддршката што македонскиот тим ја добиваше од групата што не надминуваше ни 100 лица.

Тагови: АЕК

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Олимписки игри

Русија се врати во олимпиското семејство

Меѓународниот олимписки комитет ја укина суспензијата на Русија. Русија се врати во олимпиското семејство .

Русија се врати во олимпиското семејство

Меѓународниот олимписки комитет денеска објави дека привремено ја укинал суспензијата на Рускиот олимписки комитет, како и дека препораките до меѓународните спортски федерации во врска со учеството на руските спортисти повеќе не се во сила.

„Извршниот одбор на Меѓународниот олимписки комитет привремено ја укина суспензијата на Рускиот олимписки комитет, која беше на сила од 12 октомври 2023 година. Одлуката е донесена по детална анализа на Комисијата за правни прашања, со оглед на тоа што Рускиот олимписки комитет повеќе нема регионални спортски организации меѓу своите членки од териториите што се под јурисдикција на Олимпискиот комитет на Украина. Покрај тоа, Рускиот олимписки комитет потврди дека не спроведува и нема да спроведува никакви активности на тие територии“, соопштија од Комитетот.

Се додава дека Извршниот одбор ќе продолжи да ја следи ситуацијата во врска со можните активности на Олимпискиот комитет на Русија на спорните територии и го задржува правото да преземе дополнителни мерки доколку оцени дека тоа е неопходно.

Меѓународниот олимписки комитет истакна дека не го променил својот став и продолжува да ја осудува руската инвазија врз Украина.

„Овој став останува непроменет. Во поширока смисла, комитетот ги осудува војните, вооружените конфликти и насилството што предизвикуваат човечко страдање, каде и да се случуваат. Во време на растечка нестабилност и поделби низ светот, организацијата останува посветена на промовирање на мирот преку спортот меѓу луѓето и нациите“, изјавија од Лозана.

Во соопштението се нагласува дека Меѓународниот олимписки комитет останува солидарен со олимписката заедница на Украина, која олимпиското движење ја поддржува уште од почетокот на војната и ќе продолжи да го прави тоа.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

МВР: Расчистен случајот со насилството врз малолетничка во Аеродром

Расчистен случајот со насилството врз малолетничка во Аеродром, поднесена кривична пријава против четири деца и пет родители.

МВР: Расчистен случајот со насилството врз малолетничка во Аеродром

СВР Скопје целосно го расчисти случајот од 30.06.2026 во 21:40 часот во парк во општина Аеродром, кога 12-годишно девојче, беше физички нападнато од малолетнички, а други присутни малолетници снимале со мобилни телефони.

Од страна на ОКР Аеродром и Драчево во содејство со ОКР Кисела Вода до ОЈО Скопје е поднесена кривична пријава против две малолетнички за сторено кривично дело „насилство“, предвидено и казниво по чл. 386 од Кривичниот законик, против еден малолетник за сторени кривични дела „поттикнување“ предвидено и казниво по член 23 од Кривичниот законик во врска со член 386 став 1 од Кривичниот законик и „неовластено снимање“ предвидено и казниво по член 152 во врска со член 386 став 1 од Кривичниот законик, против еден малолетник за сторено кривично дело „неовластено снимање“ предвидено и казниво по член 152 во врска со член 386 став 1 од Кривичниот законик, како и против родителите И.В., М.В., М.П., И.А. и И.А. за сторено кривично дело „запуштање и малтретирање на дете“ предвидено и казниво по член 201 од Кривичниот законик.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

СДСМ: Владата ги излажа пациентите – лекот „Фостер“ поскапе, бесплатениот го нема во аптеки

Владата на Мицкоски ги изигра и ги излажа пациентите кои боледуваат од астма и хронична опструктивна белодробна болест.

СДСМ: Владата ги излажа пациентите – лекот „Фостер“ поскапе, бесплатениот го нема во аптеки

Прво, Фондот за здравствено осигурување ја зголеми цената на лекот „Фостер“ од околу 300 на 1.080 денари.

Во оваа сиромаштија во која ВМРО ги доведе граѓаните, многу пациенти едноставно немаат можност да издвојат уште 780 денари плус за терапија без која не можат нормално да живеат.

Фондот им вети на пациентите бесплатен генерички лек како замена за лекот „Фостер“. А, сега ниту тој генерички лек кој на рецепт е бесплатен, според информациите кои стигнаа до нас, се уште го нема во аптеките.

Ова е бесрамно поигрување со здравјето на хронично болни пацинети чие здравје зависи од овој лек.

Тотален хаос, негрижа и неодговорност!

Ова не е лек што може да почека. За пациентите со астма и хронична опструктивна белодробна болест (ХОББ), тоа е секојдневна терапија без која болеста може сериозно да се влоши.

Овие пацинети зависат од редовната терапија, и секое нередовно земање на лекот може сериозно да го влоши нивното здравје.

Кој ќе понесе одговорност тогаш?

За жал, ова не е првпат граѓаните да останат без неопходна терапија.

Минатата година онколошките пациенти беа оставени без биолошка терапија.

И најиронично е што човекот кој направи хаос во Фондот за здравство- Мицкоски го награди со министерска за функција и тоа повторно во ресорот здравство.

После две години од ВМРО на власт, се случува распад на здравствениот систем кој не може да го заштити она што е највредно - здравјето на граѓаните.

Наместо функционален здравствен систем, имаме систем во кој пациентите секојдневно стравуваат дали ќе ја добијат терапијата што им го спасува здравјето.

СДСМ бара одговорност и преземање итно мерки за обезбедување непречена достапност на терапијата за сите пациенти.

Здравјето не смее да биде жртва на оваа расипничка Влада, која толку го испразни буџетот за својот луксуз и тендери, што сега цената ја плаќаат граѓаните.

Престанете да си поигрувате со здравјето на луѓето.

Граѓаните заслужуваат здравствен систем што ќе се грижи за нив, а не власт која од ден на ден им го отежнува лекувањето и им го загрозува животот.

YouTube video

Лагите за „трета економија“ ги разби и ММФ, дури и Косово е пред нас

Лагите за „третата“ економија во Европа на Мицкоски ги разби и ММФ.

Македонија во следните пет години нема биде меѓу петте најбрзорастечки економии во Европа.

Меѓународниот монетарен фонд во последниот извештај прогнозира дека македонската економија до 2031 година ќе има просечен раст од 3%.

Пред нас се Албанија со раст од 3,19%, Молдавија, Србија со 3,5% Украина, Косово со 3,95% раст, а прва е Малта со економски раст од 3,96%.

Ова е вистината. Не му проаѓаат на Мицкоски лагите дека Македонија е економски лидер во Европа.

Вистината е дека македонската економија е во катастрофална состојба.

Со Мицкоски економијата ќе продолжи да тоне, доаѓа уште потежок и поскап живот за граѓаните.

Зголемувањето на дефицитот од 3% на 4,1% е само отворена врата за нови скапи задолжувања врз грбот на народот.

Инфлацијата ја изеде куповната моќ на граѓаните – доведени до просјачки стап.

А власта со коригираната инфлација од 4,5%, признава дека ги чека уште поскап и потежок живот.

Домашното задолжување расте на 39 милијарди денари, а странското 101 милијарда денари. Ова значи дека го крајот на годината јавниот долг ќе надмине 61,5% од БДП.

За две години оваа Влада создаде нов долг од 2,5 милијарди евра, со што го искачи нивото на јавниот долг на скоро 11 милијарди евра.

И ова не се пари за мерки за граѓаните, за 600 евра минимална плата, за капитални проекти – ова се пари за криминалните тендери на Мицкоски и неговата криминална организација ВМРО.

Министерката за финансии предупредуваше дека многу „европски земји ќе банкротирале“. Со вакво темпо на задолжување, за жал Македонија се движи кон банкрот.

Со оваа власт Македонија ризикува да остане на дното, не затоа што нема потенцијал, туку затоа што оваа Влада нема развојна стратегија.

Кратат од секаде, само не од нивниот луксуз. Наместо инвестиции, реформи и раст, приоритет се криминални тендери, партиски вработувања и расипничко трошење на народните пари.

Цената на овие надреални приказни на Мицкоски ја плаќаат граѓаните, со празни џебови и сè потежок живот од ден во ден.

СДСМ

Тагови: СДСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер