Живот

Илузионист со порака до Меј: Со телепатија ќе го запрам Брегзитот!!

Илузионистот Ури Гелер и упати порака на британската премиерка Тереза Меј дека нема да и дозволи Британија да ја изведе од Европската унија. 

Тој наведува дека со помош на телепатија ќе го запре Брегизит.

Во отвореното писмо до премиерката Тереза Меј, илузионистот наведува дека „физички многу силно чувствува дека мнозинството Британци се против Брегзит“.

„Многу ве сакам, но, нема да ви дозволам да ја водите Британија во Брегзит. Колку и да ви се дивам, телепатски ќе ве запрам и верувајте ми , во состојба сум тоа да го изведам. Ве повикувам неодложно да го запрете тој процес додека уште имате можност“ и порачал Гелер на премиерката Меј.

Илузионистот Гелер кој сега живее во Израел, а претходно бил жител на Сонинг во Англија во писмото наведува дека ја познава Тереза Меј 21 година и дека таа била гостинска во неговиот дом, како и дека три години пред Тереза Меј да стане премиерка ја предвидел нејзината победа.

Ури гелер во јавноста е позната најмногу како илузионист кој со телепатија искривува виљушки.

„Гардијан“ потсетува и дека Централната информативна агенција дури ја тестирала моќта на Гелер и неговите телепатски способности.

Свет

Во руски напад во Сумската област оштетен високонапонски објект на Укренерго

Високонапонскиот објект на Националната енергетска компанија „Укренерго“ е оштетен во руски напад со беспилотни летала и ракети врз Сумската област во Украина.

- Меѓу оштетената цивилна инфраструктура е и високонапонски објект на „Укренерго“ … Екипите за поправка на „Укренерго“ работат на постепено враќање на снабдувањето со енергија на потрошувачите, соопшти операторот.

Како што пренесува Укринформ, во соопштението се додава дека руските напади врз енергетските капацитети во регионот Харков не престануваат и оти вчера од безбедносни причини била исклучена опремата на локалната регионална енергетска компанија.

- Поголемиот дел од неа веќе е вратена во функција, но целосното обновување на снабдувањето со енергија е попречено од непријателствата во близина на објектите на енергетската инфраструктура, се вели во соопштението.

Свет

Израел почна евакуација на Рафа пред планираната воена операција

Израелските одбранбени сили (ИДФ) денеска почнаа да го евакуираат Рафа во јужниот дел на Појасот Газа пред планираната воена операција во градот.

- Почнуваме операција со ограничен опсег за привремено евакуирање на жителите на источен Рафа, изјави портпаролот на ИДФ.

ИДФ ги повикаа жителите на источниот дел на градот на границата со Египет да се преселат во кампот Ал-Маваси на Медитеранот неколку километри северно. Според портпаролот на ИДФ, се проценува дека се погодени околу 100.000 луѓе. Тие биле информирани преку СМС порака, телефон, летоци и преку медиуми на арапски јазик.

Луѓето треба да одат во „проширена хуманитарна област“ во областа Ал-Маваси. Таму има храна, вода и лекови, рече портпаролот на ИДФ. Армијата исто така постави теренски болници. Портпаролот не можеше да каже колку време имаат луѓето да се евакуираат.

Тој нагласи дека доставувањето хуманитарна помош за населението ќе продолжи непречено за време на операцијата за евакуација. Таа може да се донесе до крајбрежниот појас преку различни рути, на пример преку пристаништето во Ашдод.

Свет

ОН ја осудија забраната на Ал Џезира во Израел

Обединетите нации ја истакнаа важноста на слободата на медиумите по одлуката на Израел да ја забрани Ал Џезира во земјата.

- Ние сме силно против секоја одлука за укинување на слободата на медиумите. Слободните медиуми обезбедуваат непроценлива услуга за да се обезбеди јавноста да биде информирана и ангажирана, изјави синоќа во Њујорк портпаролот на ОН Стефан Дужарик.

Израелскиот премиер Бенјамин Нетанјаху вчера соопшти дека неговиот кабинет едногласно гласал за затворање на телевизијата Ал Џезира во Израел. Телевизијата ја осуди одлуката и истакна дека ќе ги искористи „сите можности“ за заштита на своите права и вработените.

притисни ентер