Технологија

Илон Маск се соочува со тужба поради прикривање информации дека купил акции на Твитер

Милијардерот Илон Маск се соочува со тужба во врска со купувањето повеќе од девет отсто од акциите на социјалната платформа Твитер, јави ДПА.

Со таа трансакција тој стана најголем надворешен акционер во компанијата, чии акции веднаш по објавувањето на информацијата за купувањето поскапеа за повеќе од 27 отсто.

Сега Маск се соочува со колективна тужба што против него ја покренаа инвеститорите, кои тврдат дека задоцнетото обелоденување на неговиот удел во платформата оштетил некои од акционерите, а на Маск му донело заработка од околу 143 милиони долари.

Согласно правната процедура поднесена пред судот во Њујорк, Маск требало да ја извести Комисијата за хартии од вредност во рок од десет дена или најдоцна до 24 март дека купил повеќе од пет проценти од акциите во Твитер, појаснува германската агенција.

Во тужбата се наведува дека Маск не ја известил Комисијата до 4 април, период во кој успеал да купи повеќе од девет отсто од акциите, што според обвинувањето му овозможило да купува акции по пониска цена се до објавувањето.

На тој наин биле обесправени инвеститорите кои продавале акции во односниот период.

Маск досега не се има произнесено по тужбата, јави ДПА.

Твитер на 5 април објави дека Маск ќе биде дел од Одборот на директори на компанијата, но во неделата главниот извршен директор на компанијата Параг Агравал ги отфрли таквите информации соопштувајќи рече дека Маск воопшто нема да биде дел од Одборот. /МИА

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Џорџ и Амал Клуни пристигнаа на Брач, летото ќе го поминат во својата вила

Холивудскиот актер Џорџ Клуни и неговата сопруга, адвокатката Амал Клуни, утрово пристигнаа на островот Брач

Според локалните медиуми, холивудската ѕвезда, актерот Џорџ Клуни и неговата сопруга, адвокатката Амал планираат летово, поточно целиот јули да го минат на Јадран во својата куќа на островот Брач во Хрватска.

Холивудскиот актер Џорџ Клуни и неговата сопруга, адвокатката Амал Клуни, утрово пристигнаа на островот Брач, каде што ќе престојуваат во својата вила во текот на наредните недели.

Според извештаите на локалните медиуми, двојката планира да остане на островот во текот на целиот јули, а можеби и до средината на август.

Додека Џорџ ќе го помине времето работејќи на своите мемоари, Амал наводно има намера да се посвети на градинарство и релаксација.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Роналдо: Ова е моето последно Светско првенство

Капитенот на Португалија, Кристијано Роналдо, потврди дека ова Светско првенство е негово последно.

Роналдо има 41 година; тој повеќе нема да настапува на Светското првенство, додека за Европското првенство (ЕУРО) останува да видиме.

– Ова ќе биде моето последно Светско првенство. Што и да се случи, ќе си заминам со чиста совест бидејќи на репрезентацијата ѝ го дадов сето она што го имав – изјави Роналдо.

Вечерва од 21 часот во европскиот судир на гигантите Португалија на Роналдо игра против актуелниот европски шампион Шпанија.

– Да не верувавме дека можеме да го освоиме Светското првенство, немаше ни да бидеме овде. Ова беше убаво искуство и напредуваме од натпревар во натпревар. Невозможно е да се игра врвно на секој меч, што може да се види и од тимовите кои веќе се елиминирани. Тимот е смирен, добро трениравме и подготвени сме за многу тежок противник.

Тагови: Кристијано Роналдо

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Европската комисија за системот EES: Најавени се промени поради застојот на границите

Портпаролот на Европската комисија, Маркус Ламер, денес на редовната прес-конференција изјави дека Комисијата воведува дополнителна флексибилност и поддршка за членките на ЕУ во спроведувањето на системот EES .

Портпаролот на Европската комисија, Маркус Ламер, денес на редовната прес-конференција изјави дека Комисијата воведува дополнителна флексибилност и поддршка за членките на ЕУ во спроведувањето на системот EES со цел да се ублажат, како што изјави, привремените застои на границите.

Ламер, исто така, изјави дека ЕУ веќе работи со земјите-членки за решавање на оперативните проблеми, вклучително и недостатокот на персонал и потребата од повеќе техничка опрема на граничните премини.

Според него, придобивките од воведувањето на системот EES се веќе видливи.

„Имаме нов систем што ни помага да ги идентификуваме биометриските податоци и да ги вкрстиме. Ова не беше можно со претходниот систем, кога се користеа печати. А сега, за само неколку месеци, веќе имаме 1.000 лица идентификувани како безбедносни ризици, кои како резултат на тоа не влегле во ЕУ. Сепак, секако внимателно следиме како новиот систем функционира во пракса и вложуваме максимални напори за да го ограничиме влијанието врз патниците кои доаѓаат од земји надвор од ЕУ“, рече тој.

Ламер ги отфрли наводите на новинарите дека новиот систем систематски го продолжува времето на чекање за патниците и создава проблеми и за граѓаните на ЕУ, нагласувајќи дека многу проблеми на границите постојат независно од примената на EES, додека во исто време рече дека тоа носи значајни придобивки за безбедноста на граѓаните на ЕУ.

Во случаи на пренатрупаност, националните власти имаат овластување привремено да ја суспендираат дополнителната биометриска регистрација на лице место, како што се фотографирање и земање отпечатоци од прсти, но со задолжителна имплементација на стандардни гранични контроли, забележува Ламер.

Тагови: ЕУ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.