Илјадници во Будимпешта протестираат против забрана за Парадата на гордоста (ВИДЕО) - Канал 5

Свет

Илјадници во Будимпешта протестираат против забрана за Парадата на гордоста (ВИДЕО)

Илјадници луѓе протестираа денеска во Будимпешта против новиот закон со кој се забранува годишната Парада на гордоста и се дозволува користење на софтвер за препознавање лица за да се идентификуваат организаторите и учесниците.

Илјадници во Будимпешта протестираат против забрана за Парадата на гордоста (ВИДЕО)

Новинарите на Ројтерс на местото на настанот процениле дека околу 2.000 луѓе учествувале на протестот, извикувајќи „Европа“ и „Валкани фидеси“ додека се обидувале да блокираат клучен мост во Будимпешта.

„Подмолниот закон усвоен (минатиот) вторник не е само за забрана на Прајд, тој ефективно дозволува задушување на каква било форма на протест во иднина“, напиша на Фејсбук организаторот на протестот Акос Хаџази, независен пратеник во парламентот.

Демонстрантката Жужа Сабо (72), која дојде на протестот од Кечкемет, рече дека не се работи за гордост, туку за слобода на собирање, што, како што тврди, владата на премиерот Виктор Орбан се обидува да го „ограничи, а можеби и целосно да го запре“.

Унгарскиот парламент усвои закон предложен минатата недела од пратениците на владејачката партија Фидес за забрана на Парадата на гордоста со образложение дека може да биде штетна за децата.

Либералниот градоначалник на Будимпешта, Гергели Карачони, го критикуваше законот, а членовите на опозициската партија Моментум запалија димни ракети во знак на протест за време на гласањето во парламентот.

Организаторите на фестивалот тврдат дека годишната Парада на гордоста не претставува закана за децата и дека планираат да го одржат Прајд и покрај забраната.

Тагови: будимпешта протести

Свет

Во базиликата Санта Марија Маџоре во Рим ќе биде погребан папата Франциск

По погребната миса, што ќе ја предводи деканот на Колеџот на кардинали, кардиналот Џовани Батиста Ре, на плоштадот Свети Петар во Ватикан ќе биде погребан папата Франциск во базиликата Санта Марија Маџоре во центарот на Рим.

Во базиликата Санта Марија Маџоре во Рим ќе биде погребан папата Франциск

Поглаварот на Римокатоличката црква почина на 88-годишна возраст на 21 април.

Се очекува 200.000 луѓе да присуствуваат на погребот на папата. Меѓу нив ќе бидат шефови на држави и влади, монарси, поранешни државници, политичари од Италија и други земји, интелектуалци, уметници. На погребот ќе присуствува и претседателката на Северна Македонија, Гордана Сиљановска-Давкова.

Поради погребот во Ватикан и во Рим воведени се драконски безбедносни мерки. Се очекува погребната поворка да трае околу половина час, а рутата на ковчегот со папата Франциск поставени се големи екрани, на кои верниците ќе можат да следат што се случува во секоја фаза од погребот. Големи екрани ќе бидат поставени и на плоштадот Свети Петар.

Верниците уште од утре ќе можат да го посетат гробот на папата во базиликата Санта Марија Маџоре, објави Ватикан.

Од 5 до 10 мај, 135-те кардинали, членови на конклавата, ќе треба да изберат нов папа. /MИА

Тагови: Ватикан Папа погреб Папата Франциск

Македонија

Променливо облачно и нестабилно, со повремени локални врнежи од дожд и грмежи

Времето денеска ќе биде променливо облачно и нестабилно со повремени локални врнежи од дожд и грмежи. 

Променливо облачно и нестабилно, со повремени локални врнежи од дожд и грмежи

Наместа процесите ќе бидат поинтензивни во форма на невреме со пообилен пороен дожд, грмежи, силен ветер и изолирана појава на град. Минималната температура ќе биде во интервал од 5 до 12, а максималната ќе достигне од 17 до 25 степени.

Во Скопје времето ќе биде променливо облачно, во делови од котлината нестабилно со пороен дожд, грмежи, засилен ветер и услови за изолирана појава на град. Минималната температура ќе се спушти до 12, а максималната ќе достигне до 23 степени.

Од УХМР најавија дека во деновите од викендот ќе се задржи променливо облачно и нестабилно време со повремени врнежи од дожд и појава на грмежи. Локално ќе има поинтензивни процеси во форма на невреме со пообилен пороен дожд, грмежи, силен ветер и изолирана појава на град.

Во понеделник ќе има повремен локален дожд, а од вторник стабилизирање на времето.

Тагови: дожд УХМР

Македонија

Сообраќајот се одвива непречено, по наместа влажни коловози

Сообраќајот на државните патишта се одвива непречено, по наместа влажни коловози.

Сообраќајот се одвива непречено, по наместа влажни коловози

Од АМСМ денеска информираат дека интензитетот на сообраќај на патните правци надвор од градските средини е умерен. На граничните премини од македонска страна нема подолги задржувања за влез и излез од државата.

АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.

Мостот на река Вардар на регионалниот пат Р1312, кај Башино село е затворен за секаков вид на сообраќај.

Тагови: АМСМ
притисни ентер